MATHAÏOS 25:1 - KA BAIBL

¹ “Ynda kumta, ka hima ki bneng kan long kum ki shiphew ngut ki theisotti, kiba haba ki la shim ïa ki sharak jong ki, ki la mih noh ïa ka ban leit tan ïa u nongleit-kurim.

Khasi CL Bible (BSI)

¹ “Ha kata ka por ka Hima ki bneng kan long kumne. Shisien la don shiphew ngut ki theisotti kiba la rah ïa la ki sharak bad ki la mih ban ïashem ïa u nongleitkurim.

MATHAÏOS 25:1 ပူးပေါင်းရင်းမြစ်များ

SALM 45:14

Yn ïalam ïa ka ha u syiem ha ka jingtrei ba la suh pynpur: ïa ki theisotti, ki lok jong ka kiba bud ïa ka, yn wallam sha me.

JINGRWAI SOLOMON 1:3

Ki jingsleh jong me, ki don ka jingiwbih basngew-sngur; ka kyrteng jong me ka long kum ka jingiwbih ba la theh noh; namar kata, ki theisotti ki ieit ïa me.

JINGRWAI SOLOMON 5:16

Ka shyntur jong u ka long kaba thiang tam: u long uba itynnad naduh haduh keiñ. Une u long u ba-ieit jong nga, bad une u long u lok jong nga, ko ki khun kynthei ka Jerusalem.

JINGRWAI SOLOMON 5:8

Ko ki khun kynthei ka Jerusalem, nga pynsmai ïa phi, lada phin shem ïa u ba-ieit jong nga, ba phin ïathuh ha u ba nga pang jingieit.

ISAÏAH 54:5

Naba U Nongthaw jong pha u long u tnga jong pha; ‘U Trai ki paid’ long ka kyrteng jong u: bad uta U Bakhuid jong ki Israel long u nongsiewspah jong pha; ‘U Blei ka khyndew baroh’ yn khot ïa u.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

MATHAÏOS 13:24

Ïa kawei pat ka pharshi u la buh ha khmat jong ki, u da ong: “Yn tharai ïa ka hima ki bneng kum u briew uba la bet ïa u symbai babha ha ka lyngkha jong u;

MATHAÏOS 13:31

Ïa kawei pat ka pharshi u la buh ha khmat jong ki, u da ong: “Ka hima ki bneng ka long kum u symbai tyrso, ïa uba u briew u la shim, bad u la bet ha ka lyngkha jong u;

MATHAÏOS 13:38

kata ka lyngkha ruh, ka long ka pyrthei; kita ki symbai babha ruh, ki long ki khun ka hima; hynrei, kita ki ñiut, ki long ki khun uta u bymman;

MATHAÏOS 13:47

“Pat, ka hima ki bneng ka long kum ka jar ïa kaba la bred ha ka duriaw, bad kaba ïalum na ki jaid baroh;

MATHAÏOS 20:1

“Naba ka hima ki bneng ka long kum u briew uba u trai ïing, uba la leit la dang step ban wer ki nongtrei sha ka brisoh jong u.

MATHAÏOS 22:2

“Ka hima ki bneng ka long kum uwei u syiem, uba la thaw ka jingkhawai shongkurim ïa u khun jong u,

MATHAÏOS 25:7

Ynda kumta, kita ki theisotti baroh ki la ïaïeng, bad ki la shna ïa ki sharak jong ki.

MATHAÏOS 3:2

u da ong, “To kylla-ka-bamut; naba ka hima ki bneng ka la jan.”

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 9:15

U Jisu te u la ïathuh ha ki, “Ki nong-on kurim ki lah ban sngewsih, haba u dang sah bad ki u nongleit-kurim? Hynrei, kin poi ki sngi, ynda yn shim noh na ki, ïa u nongleit-kurim, hangta te kin sa ïashah jingit.

ÏOANNIS 18:3

Ynda kumta, u Judas haba u la ïoh shi kynhun ki shipai, bad ïa ki shakri rangbah na ki rangbah lyngdoh bad na ki Pharisi, u la wan hangta lem bad ki sharak bad ki jingtbeh ding bad ki atiar.

ÏOANNIS 3:29

U nongleit-kurim u long uta uba ïoh ïa ka nongleit-kurim: hynrei, u lok jong u nongleit-kurim, uba ïeng bad uba ïohsngew ïa u, u kmen shibun namar ka ktien uta u nongleit-kurim: namar kata, kane ka jingkmen ka jong nga ka la biang.

KI KAM 20:8

Te la don shibun ki sharak ha kata ka kamra ba sha jrong, ha kaba ngi la ïaseng.

1 KORINTH 11:2

Te nga ïaroh ïa phi ba phi kynmaw ïa nga ha kiei kiei baroh, bad ba phi dang bat skhem ïa kita ki rukom ba la aiti, kumba nga la aiti ïa ki ha phi.

2 KORINTH 11:2

namar nga sngewskuiñ shaphang jong phi da ka jingsngewskuiñ bariewblei; namar nga la pynïatehktien ïa phi ha uwei u briew, ba ngan ïoh aiti ïa phi kum ka sottibad ha U Khrist.

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

TITOS 2:13

kiba ïakhmih ïa kata ka jingkyrmen basuk, bad ïa ka jingmihpaw ka burom jong U Blei Bakhraw bad U Jisu Khrist U Nongpynim jong ngi;

JINGPYNPAW 14:4

Kine ki long kita ïa kiba ym shym la pynbit-tngit bad ki kynthei, namar ki long ki rangsotti. Kine ki long kita kiba bud ïa uta U Khun langbrot kat shaba u leit. Ïa kine la siewspah noh napdeng ki briew, kum u soh nyngkong ha U Blei bad ha uta U Khun langbrot.

JINGPYNPAW 19:7

To ngin ïakmen bad ngin ïashadkmen, bad to ngin ïa-ai ka burom ha u: naba ka jingshongkurim U Khun langbrot ka la jia, bad ka tnga jong u ka la pynkhreh ïa lade.

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.

JINGPYNPAW 21:9

Te la wan ha nga uwei na kita ki hynñiew angel kiba don kita ki hynñiew pliang, kiba dap da kita ki hynñiew ki jingïapthem ki bakhatduh; bad u la kren bad nga, u da ong, “To ale shane, ngan pyni ha me ïa kata ka nongleit-kurim, kaba ka tnga uta U Khun langbrot.”

JINGPYNPAW 4:5

Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei.

JINGPYNPAW 8:10

Bad u angel u balai u la pynsawa; te la hap na bneng u khlur bakhraw bathang kum ka musa, bad u la hap halor ka balai ka bynta na ka jong ki wah bad halor ki pukri ki um;