MATHAÏOS 24:9 - KA BAIBL

⁹ “Ynda kumta, kin ai noh ïa phi ha ka shitom, bad kin ïa-pynïap noh ïa phi; bad phin long kiba la shun da ki kynja bynriew baroh na ka bynta ka kyrteng jong nga.

Khasi CL Bible (BSI)

⁹ “Nangta ïa phi yn kem bad yn aiti ban shah pynshitom bad ban shah pynïap. Ki jaitbynriew baroh kin isih ïa phi namar jong nga.

MATHAÏOS 24:9 ပူးပေါင်းရင်းမြစ်များ

PROBERB 29:27

U riewbymhok u long ka jingijli ha u bahok: bad uta uba beit ha ka lynti u long ka jingijli ha u bymman.

DANIEL 11:33

Bad kita ki bastad hapdeng kita ki briew kin hikai ïa shibun: pynban, kin hap da ka waitlam bad da ka ding, da ka jinglongmraw bad da ka jinglute, bun sngi.

MATHAÏOS 22:6

Kiwei pat kiba sah te haba ki la kem ïa ki shakri jong u, ki la lehbeiñ bad ki la pynïap ïa ki.

MATHAÏOS 23:34

Naba kumta, ha khmih, nga phah ha phi ïa ki nongïathuhlypa, bad ïa ki riewstad, bad ïa ki nongthoh ruh; te ïa kiba na ki phin pynïap noh, bad phin sahnarphna; bad ïa kiwei na ki phin sympat ha ki synagog jong phi, bad phin behbeiñ ruh na ka shnong sha ka shnong:

LOUKAS 11:49

Namar kata ruh, ka jingstad jong U Blei ka la ong, ‘Ngan phah sha ki, ïa ki nongïathuhlypa bad ïa ki apostol; te ïa kiba na ki kin pynïap bad kin behbeiñ noh’;

LOUKAS 21:12

Hynrei, shuwa ïa kine kiei kiei baroh, kin kem ïa phi bad kin pynshitom ruh ïa phi, ki da ai noh ïa phi ha ki synagog bad ha ki ïing byndi, ki da leit lam ruh ïa phi ha khmat ki syiem bad ki nongsynshar, na ka bynta ka kyrteng jong nga.

ÏOANNIS 15:18

“Lada ka pyrthei ka shun ïa phi, phi tip ba ka la shun ïa nga mynshuwa ïa phi.

ÏOANNIS 15:21

Hynrei, ïa kine kiei kiei baroh kin leh ïa phi na ka bynta ka kyrteng jong nga, naba kim ithuh ïa uta uba la phah ïa nga.

ÏOANNIS 16:2

Kin kyntait noh ïa phi na ki synagog; shisha ka por ka jia, ba uno uno ruh uba pynïap noh ïa phi, un mut ba u ainguh ha U Blei.

KI KAM 28:22

hynrei, ngi ïakwah ban ïohsngew na me, me mut kumno; namar shaphang kane ka kynja niam ngi la tip ba la krenbeiñ ïa ka kylleng la kylleng.”

KI KAM 7:59

Te ki la ïalynthem maw ïa u Stephan, haba u dang duwai, u da ong, “A Trai Jisu, to pdiang noh ïa ka mynsiem jong nga!”

1 PETROS 4:16

hynrei, lada uno uno ruh u shah shitom kum u Khristan, wat ai un sngewlehrain, hynrei, to un pyndonburom ïa U Blei ha kane ka kyrteng.

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.