MATHAÏOS 24:7 - KA BAIBL

⁷ Naba ka kynja bynriew kan ïeng ïaleh ïa ka kynja bynriew, bad ka hima ruh ïa ka hima; bad kin long ki 'nemsniew bad ki jingïapthem ruh, bad ki jingkhynñiuh jumai ha shibun ki jaka.

Khasi CL Bible (BSI)

⁷ Ki ri kin ïaleh kawei ïa kawei pat, ki hima kin tur ïaleh kawei ïa kawei pat. Kin don ki 'nemsniew bad ki jingkhynñiuh jumai ha kylleng.

MATHAÏOS 24:7 ပူးပေါင်းရင်းမြစ်များ

2 KHRONIKL 15:6

Bad la pynlwet jin ïa ki, ka jaid bynriew ka ïaleh ïa ka jaid bynriew, bad ka shnong ka ïaleh ïa ka shnong: namar U Blei u la pynshitom ïa ki da ka jingjynjar baroh.

ISAÏAH 19:2

“Ngan pynkhih ïa ki Ijipt ban ïaleh ïa ki Ijipt: bad kin ïaleh uwei uwei baroh ïa la u para, bad uwei uwei baroh ïa la u paramarjan; ka nongbah ïa ka nongbah, bad ka hima ïa ka hima.

ISAÏAH 29:6

U Trai ki paid un wan jngoh ïa ka da u pyrthat, bad ka jingkhynñiuh jumai, bad ka jingsawa bakhraw, da ka lyer langthari bad ka 'erïong, bad ka thylliej ding ka ding babam duh.

ESEKIEL 14:21

Namar kumne u ong U Trai U Blei: “Sa katno lei lei haba nga phah ïa ki saw tylli ki jingpynshitom bajur jong nga halor ka Jerusalem, ïa ka waitlam, bad ïa ka 'nemsniew, bad ïa ki mrad barunar, bad ïa ka khlam, ban ot noh na ka bad briew bad mrad?

ESEKIEL 21:27

Ngan pynkyllon, pynkyllon, pynkyllon ïa ka: kane ruh kan ym long shuh, haduh ba u la wan uba ka hok jong u ka long; bad ngan ai ïa ka ha u.”

SEKHARAÏAH 14:13

Bad kan jia ha kata ka sngi, ba ka jingkhihwin kaba khraw na U Trai kan long hapdeng jong ki; te kin ïabat uwei uwei ïa ka kti u paramarjan jong u, bad ka kti jong u kan ïeng pyrshah ïa ka kti u paramarjan jong u.

LOUKAS 21:11

ki jingkhynñiuh jumai kiba jur kin long ruh, bad ha shibun ki jaka ki 'nemsniew bad ki jingïapthem ruh, bad kin long ruh kiei kiei bashyrkhei bad ki dak bakhraw ruh na bneng.

KI KAM 11:28

Te uwei na ki, uba kyrteng “u Agabos” u la ïeng joit, bad u la ïathuhlypa da U Mynsiem, ba ka 'nemsniew bakhraw kan sa long ha ka pyrthei baroh, kaba la jia ruh ha ki sngi u Klaudios.

KI KAM 2:19

Bad ngan pyni ïa ki jingphylla ha bneng sha jrong, bad ïa ki dak ha ka khyndew sha tbian, ka snam, bad ka ding, bad u lyoh tdem;

HEBRU 12:27

Te kane ka ktien, “Sa shi wat shuh”, ka pyni ïa kata ka jingpynkynriah ïa kita kiei kiei ruh ïa kiba la pynkhih, kum ïa kiei kiei ruh ba la shu thaw, khnang ba kita kiei kiei ruh ïa ki bym shym pynkhih, kin ïoh sah.

JINGPYNPAW 6:12

Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam;

JINGPYNPAW 6:5

Bad mynba u la plie ïa ka jingpyndait ka balai, nga la ïohsngew ïa uta u jingthaw ba-im u balai ba u ong, “To ale, bad to khmih.” Te nga la khmih, bad ha khmih, ka kulai baïong; bad uta uba shong halor jong ka u da bat ïa ka tarajur ha ka kti jong u.

JINGPYNPAW 6:6

Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

JINGPYNPAW 6:8

Te nga la khmih, bad ha khmih ka kulai balieh bthuh, bad uta uba shong halor jong ka uba kyrteng “u Jingïap”; bad kata ka Jaka shong riewïap ka bud lem bad u. Bad la ai ka bor ha ki, halor ka shi pawa kata ka khyndew, ban pynïap noh da ka waitlam, bad da ka 'nemsniew, bad da ka jingïapthem, bad da kita ki mrad khlaw jong kata ka khyndew.