MATHAÏOS 24:6 - KA BAIBL

⁶ Bad phin sa ïohsngew shaphang ki thma bad ki jingbna ïa ki thma: to sumar phi wat sngewkhuslai: naba ka dei ba kine kiei kiei baroh kin long: hynrei, ka bakut kam pat la jia.

Khasi CL Bible (BSI)

⁶ Phin sa ïohsngew ïa ki jingsawa ki thma kiba hajan bad ïa ki khubor thma kiba sha jngai; hynrei wat khih khuslai. Kiba kum kine kiei kiei ki dei ban jia, hynrei kim mut ba kaba kut ka la poi.

MATHAÏOS 24:6 ပူးပေါင်းရင်းမြစ်များ

SALM 112:7

Un ym sheptieng ïa ka jingbna basniew: ka dohnud jong u ka skhem, u da shaniah ha U Trai.

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 7:4

men ong ruh ha u, ‘To sumar ïa lade, bad shong khop; to wat sheptieng, bad wat ai la ka dohnud ban sngewsyier namar kine ki ar tylli ki tdong ki jingtbeh ding ba-tdem, namar ka jingbitar u Resin bad ka Syria, bad u khun u Remaliah.

JEREMAÏAH 47:6

Ko pha ka waitlam U Trai, slem sa katno shuwa ba phan long jar jar? to buh noh ïa lade hapoh ka jingsop jong pha; to shongthait, bad to long jai jai.

ESEKIEL 21:28

“Bad me, ko khun u briew, to ïathuhlypa, bad to ong, ‘Kumne u ong U Trai U Blei shaphang ki khun u Ammon, bad shaphang ka jingkrenbeiñ jong ki; bad to ong me, “Ïa ka waitlam, ïa ka waitlam la sei, khnang ïa ka jingpynïap, la pynphyrnai ïa ka, ban pynlong ïa ka ba kan pynjot, ba kan long kum ka leilieh:

MATHAÏOS 2:3

Hynrei, haba u Herod syiem u la ïohsngew ïa kata, u la khihwin, bad ka Jerusalem baroh lem bad u.

MATHAÏOS 24:14

Te ïa kane ka gospel jong ka hima yn ïalap ha ka pyrthei baroh, ïa ka ban long ka jingphla ha ki kynja bynriew baroh; ynda kumta keiñ, kan jia kata ka bakut.

MATHAÏOS 26:54

Lada kumta te, kumno ba yn pyndep ïa kita ki jingthoh, kiba ong ba ka dei ban long kumne?”

LOUKAS 21:19

Da ka jingïaineh minot jong phi phin ri pynim ïa la ki mynsiem.

LOUKAS 21:9

Te haba phin ïohsngew shaphang ki thma bad ki jingkhihwin, phi wat sheptieng; naba ka dei ïa kine kiei kiei ruh ban jia shuwa, hynrei, kata ka bakut kam long kumne kumne ruh.”

LOUKAS 22:37

naba nga ong ha phi, ba ka dei ban pyndep ha nga ïa kane kaba la thoh: ‘Bad la ñiew ïa u lem bad ki nongpalat’: naba don ka jingpyndep shisha ïa kita kiei kiei ruh shaphang jong nga.”

ÏOANNIS 14:1

“Wat khih khuslai na ka dohnud jong phi: to ngeit phi ha U Blei, to ngeit ha nga ruh.

ÏOANNIS 14:27

Ïa ka jingsuk nga iehnoh ha phi, ïa ka jingsuk ka jong nga, nga ai ha phi, ym kumba kata ka pyrthei ka ai, nga ai ma nga ha phi. Wat khih khuslai na ka dohnud jong phi, lymne wat sheptieng.

2 THESSALONI 2:2

khnang ban ym pynkhih shen ïa phi na la ka jingmut, lymne pynkhuslai ïa phi, lane da ka mynsiem, ne da ka ktien, ne da ka shithi kumba na ngi keiñ, kumba kata ka sngi ka jong U Khrist ka la wan.

JINGPYNPAW 6:4

Te ka la leit mih noh kawei pat ka kulai basaw: bad ha uta uba shong halor jong ka, la ai bor ban shim noh ïa ka jingsuk na kata ka khyndew, khnang ba kin da ïoh ïa-pynïap noh paralok hi; te la ai ha u ka waitlam bakhraw.