MATHAÏOS 24:5 - KA BAIBL

⁵ Naba bun kin ïawan ha ka kyrteng jong nga, ki da ong, ‘Ma nga uba U Khrist’, bad kin shukor ïa shibun.

Khasi CL Bible (BSI)

⁵ Shibun ki briew, kiba kam ba ki kren na ka bynta jong nga, kin wan bad ong, ‘Nga long u Messaïah!’ bad kin shukor ïa ki briew kiba bun.

MATHAÏOS 24:5 ပူးပေါင်းရင်းမြစ်များ

JEREMAÏAH 14:14

Ynda kumta, U Trai u la ong ha nga, “Kita ki nongïathuhlypa ki ïathuhlypa lamler ha ka kyrteng jong nga: ngam shym phah ma nga ïa ki, lymne ngam shym hukum ïa ki, lymne ngam shym kren ha ki: ki ïathuhlypa ïa ka jingithuhpaw balamler ha phi, bad ka jingkren byrtong, bad ka jingthala, bad ïa ka jingshukor ka dohnud jong ki hi.”

JEREMAÏAH 23:21

“Ngam shym phah ïa kine ki nongïathuhlypa, pynban, ki la phet: ngam shym kren ha ki, pynban, ki la ïathuhlypa.

JEREMAÏAH 23:25

“Nga ïohsngew ïa kaba la ong ki nongïathuhlypa, kiba ïathuhlypa ïa ki jinglamler ha ka kyrteng jong nga, ki ïa-ong, ‘Nga la phohsniew, nga la phohsniew.’

JEREMAÏAH 37:9

Kumne u ong U Trai: “Wat shukor ïa lade, da kaba ong, ‘Da shisha, ki Khaldi kin kynriah noh na ngi:’ naba kin ym kynriah noh.

MATHAÏOS 24:11

Bun ki nongïathuhlypa lamler ruh kin mih, bad kin shukor ïa shibun.

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

ÏOANNIS 5:43

Nga, nga la wan ha ka kyrteng U Kpa jong nga, hynrei, phim pdiang ïa nga: lada uwei pat un wan ha ka kyrteng la ka jong hi, ïa uta phin pdiang.

ÏOANNIS 8:24

Namar kata, nga la ong ha phi, ba phin ïap ha kita ki pop jong phi: namar lada phim ngeit ba nga, nga long ma u, phin ïap ha kita ki pop jong phi.”

ÏOANNIS 8:28

namar kata, U Jisu u la ong ha ki, “Ynda phi la kyntiew ïa U Khun u briew, hangta phin ithuh ba nga, nga long ma u, bad ba ngam leh ei ei ruh em na lade hi; hynrei, kat kumba U Kpa jong nga u la hikai ïa nga, ïa kita kiei kiei ruh nga ïathuh.

1 ÏOANNIS 2:18

Ko khun hep, ka long ka por bakhatduh: bad kumba phi la ïohsngew ba uta uba ïaleh pyrshah ïa U Khrist u wan, wat mynta ruh la mih noh shibun kiba ïaleh pyrshah ïa U Khrist; nangta keiñ ngi tip ba ka long ka por bakhatduh.

1 ÏOANNIS 2:22

Uei long uta uba lamler, lymda dei uta uba len noh ba U Jisu u long uta U Khrist? Une u long uta u nongïaleh pyrshah ïa U Khrist, uta uba len noh ïa U Kpa bad ïa U Khun.

1 ÏOANNIS 4:3

bad ka mynsiem baroh ka bymphla ïa U Jisu kam long na U Blei. Te kane ka long kata ka mynsiem jong uta u nongïaleh pyrshah ïa U Khrist; shaphang kaba phi la ïohsngew ba ka wan, bad mynta keiñ ka la don lypa ha ka pyrthei.

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.