MATHAÏOS 24:4 - KA BAIBL

⁴ Te U Jisu u la ïathuh bad u la ong ha ki, “To sumar ba uno uno ruh un ym shukor ïa phi.

Khasi CL Bible (BSI)

⁴ U Jisu u la jubab, “To sumar, bad wat shah ïano ïano ruh ban shukor ïa phi.

MATHAÏOS 24:4 ပူးပေါင်းရင်းမြစ်များ

JEREMAÏAH 29:8

Naba kumne u ong U Trai ki paid, U Blei ki Israel: “Wat shah ïa ki nongïathuhlypa jong phi kiba hapdeng jong phi, bad ki nongkhan jong phi, ba kin shukor ïa phi, lymne wat sngap ïa ki jingphohsniew ïa kiba phi phohsniew.

JEREMAÏAH 37:9

Kumne u ong U Trai: “Wat shukor ïa lade, da kaba ong, ‘Da shisha, ki Khaldi kin kynriah noh na ngi:’ naba kin ym kynriah noh.

MARKOS 13:22

naba ki Khrist lamler bad ki nongïathuhlypa lamler kin mih, bad kin pyni ki dak bad ki jingphylla ïa ka ban shukor noh, lada lah, wat ïa kiba la jied.

LOUKAS 21:8

U la ïathuh te, “To sumar ba yn ym shukor ïa phi; naba bun kin wan ha ka kyrteng jong nga ki da ong, ‘Ma nga U Khrist’, bad ‘kata ka aïom ka la jan’: wat leit bud nadien jong ki.

GALATIA 6:3

Namar lada uno uno ruh u mut ba u long ei ei, pleng haba um long ei ei ruh em, u shukor ïa lade keiñ.

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

KOLOSSAI 2:18

To wat shah ïano ïano ruh ban knieh ïa ka jingïathong jong phi da ka jinglehrit bad kaba mane ïa ki angel katba mon, da kaba ïeng ha kita kiei kiei ruh ïa kiba u la ïohi, ba la pynmeng kai da kata ka jingmut ka doh jong u,

KOLOSSAI 2:8

To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist.

2 THESSALONI 2:3

Wat ai ba uno uno ruh un shukor ïa phi da kaba kumno kumno ruh: naba kata kan ym wan, lymda jia shuwa kata ka jingphaidien, bad ba yn ïoh pynpaw noh ïa uta u briew jong ka pop, u khun jong ka jingjot;

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.