MATHAÏOS 24:39 - KA BAIBL

³⁹ bad kim shym la suidñiew tad ynda ka la wan kata ka jingshlei, bad ka la rong noh ïa ki baroh; kumta ruh kan long kata ka jingwan U Khun u briew.

Khasi CL Bible (BSI)

³⁹ pynban kim sngewthuh kaei kaba la jia tad haduh ba ka jingshlei um ka la wan bad ka rong noh ïa ki baroh. Kan sa long kumta haba U Khun U Briew u wan.

MATHAÏOS 24:39 ပူးပေါင်းရင်းမြစ်များ

JENESIS 7:23

Kumta, la pynduh noh ïa kiei kiei baroh ki kynja kiba im halor ka khmat ka khyndew, naduh u briew haduh ki jingri, bad ïa kiei kiei ki kynja bapar, bad ïa ki sim ki bneng; kumta keiñ, la pynduh noh ïa ki na khmat ka khyndew: bad la sah im sa tang u Noah, bad kita kiba la don lem bad u ha kata ka ïinglieng.

PROBERB 23:35

“Ki la shoh ïa nga,” men ong, “te ngam shym pang; ki la sympat ïa nga, te ngam shym sngew ei ei: lano ngan peit? ngan dang wad ïa ka pat.”

PROBERB 24:12

Lada me ong, “Ha khmih, ngim shym tip ïa kane:” hato uta uba thew ïa ki dohnud um pyrkhat ïa ka? bad uta uba ri ïa ka mynsiem jong me, um tip ïa ka? Bad un ai ne em ha uwei uwei baroh katba kum ka kam jong u?

PROBERB 29:7

U bahok u pyrkhat ïa ka kam jong u baduk: u bymman um don ka jingshemphang ban tip ïa ka.

ISAÏAH 42:25

Namar kata, U la theh noh ha u ïa la ka jingbitar lep, bad ïa ka bor ka thma; bad ka la pynmeh ding ïa u baroh sawdong, pynban, um tip; bad ka la pyning ïa u, pynban, um shym suidñiew.

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 24:3

Te haba u dang shong halor u lum ki Olib, ki synran ki la wan ha u jar jar, ki ïa-ong, “To ïathuh ha ngi, lano ba kine kiei kiei ruh kin long? bad kaba kumno ka dak ka jingwan jong me, bad kaba wai noh kane ka pyrthei?”

MATHAÏOS 24:30

Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 24:37

Te kumba la long ki sngi u Noah, kumta ruh kan long kata ka jingwan U Khun u briew.

MATHAÏOS 24:40

Ynda kumta, ar ngut kin ïadon ha ka lyngkha; ïa uwei la shim noh, te ïa uwei pat la iehnoh.

LOUKAS 19:44

bad kin ïa-pynkyllon ïa pha bad ïa ki khun jong pha hapoh jong pha, bad kin ym ïa-iehnoh ha pha ïa u maw halor u maw; naba pham shym la ithuh ïa ka aïom ka jingwan jngoh ïa pha.”

ÏOANNIS 3:20

Naba u briew baroh uba ïai-leh ïa ka basniew, u shun ïa kata ka jingshai, bad um wan ha kata ka jingshai, ïoh ba yn sneng pyrshah ïa ki jingleh jong u.

KI KAM 13:41

“ ‘Ha khmih, A phi ki nongibeiñ, to sngewphylla ruh, bad to jah noh jar ruh; naba nga, nga leh ïa ka jingleh ha ki sngi jong phi, ka jingleh keiñ kaba phin ym ngeit da kumno kumno ruh, wat lada uno uno ruh u batai ïa ka ha phi.’ ”

Ka Shithi U Paul Sha Ki Nong Rom 1:28

Te kat kumba kim shym la treh ban bat ïa U Blei ha ka jingtip jong ki, kumta, U Blei u la iehnoh ïa ki ha ka jingmut bymsuidñiew, ban ïai-leh ïa kita kiei kiei ruh ki bymbit;

2 PETROS 3:5

Namar ki klet khnang ïa kane, ba la ju long ki bneng na mynhyndai, bad ba ka khyndew ka la neh lang na ka um bad da ka um, da ka ktien U Blei;

NONGBISHAR 20:34

Bad ki la wan ïaleh ïa ka Gibeah shiphew hajar ngut kiba la kynsai na ki Israel baroh, bad ka thma ka la jur eh: hynrei, kim shym tip ba ka basniew kan sa lap ïa ki.