MATHAÏOS 24:31 - KA BAIBL

³¹ Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

Khasi CL Bible (BSI)

³¹ Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MATHAÏOS 24:31 ပူးပေါင်းရင်းမြစ်များ

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 67:7

U Blei un kyrkhu ïa ngi; bad baroh ki bakut ka khyndew kin sheptieng ïa u.

SALM 81:3

To put ïa ka turoi ha u 'nai thymmai, haba pyllun bnai, ha ka sngi ka jingïaseng bakyntang jong ngi.

EKSODOS 19:16

Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

ISAÏAH 11:12

Te un sieh la ka lama ïa ki jaid bynriew, bad un ïalum ïa kiba la kyntait jong u Israel, un ïalum lang ruh ïa kiba la pynwir jong u Judah na ki sawdong ka pyrthei.

ISAÏAH 13:5

Ki wan na ka ri kaba jngai, na ka bakut ka bneng, U Trai hi keiñ, bad ki tiar ka jingkhih bitar jong u, ban pynjot ïa ka ri baroh.

ISAÏAH 27:13

Te kan jia ha kata ka sngi, ba yn put ïa ka ronsing bakhraw; kita ruh kin wan ki ban sa jot ha ri Assyria, bad kita ruh kiba la long nongphetwir ha ri Ijipt; te kin ïamane ïa U Trai ha u lum bakhuid ha Jerusalem.

ISAÏAH 42:10

To rwai ha U Trai ïa ka jingrwai bathymmai, bad ïa ka jingïaroh jong u na ka bakut ka khyndew; phi kiba ju hiar ha ka duriaw, bad baroh kiba don ha ka, ki 'dewlynnong, bad kiba shong ha ki.

ISAÏAH 43:6

ngan ong ha ka shatei, ‘To ai noh’; bad ha ka shathie, ‘Wat bat noh’; to wallam ïa ki khun shynrang jong nga na jngai, bad ïa ki khun kynthei jong nga na ka bakut ka pyrthei;

ISAÏAH 45:22

“To phai khmat sha nga, bad to long ba la pynim ki bakut jong ka pyrthei baroh; namar nga, nga long U Blei, bad ym don uwei pat.

ISAÏAH 49:18

To khmied la ki khmat baroh sawdong, to khmih ruh: kine baroh ki ïalum lang, bad ki wan ha pha. Katba nga im, ong U Trai, shisha phan deng ïa lade da kine baroh kum da ka jingdeng, bad phan panpoh ïa lade da ki kum ka nongleit-kurim.

ISAÏAH 60:4

To khmied ïa la ki khmat baroh sawdong, to khmih ruh: ki ïalum lang baroh, ki wan sha pha: ki khun shynrang jong pha kin sa wan na sha jngai, bad yn kynthup ïa ki khun kynthei jong pha ha ki ksang'ti.

DANIEL 7:2

U Daniel u la kren bad u la ong, “Nga la ïohi ha ka jingithuhpaw jong nga mynmiet, bad ha khmih, kita ki saw lyer ka bneng ki la pyrsad halor ka duriaw bah.

SEKHARAÏAH 14:5

Te phin ïoh phet noh na kata ka them ki lum jong nga; naba kata ka them jong ki lum kan kot haduh Asel: shisha, phin phet ïap noh, kumba phi la phet ïap noh na kata ka jingkhynñiuh jumai ha ki sngi u Ussiah u syiem ka Judah: bad U Trai U Blei jong nga un wan, bad kita ki bakhuid baroh lem bad me.

SEKHARAÏAH 2:6

“Kaw, kaw, to phet noh na ka ri shatei,” ong U Trai: “naba nga la pynphriang kylleng ïa phi kum ki saw lyer ka bneng,” ong U Trai.

SEKHARAÏAH 6:5

Uta u angel u la ïathuh te bad u la ong, “Kine ki long kita ki saw tylli ki lyer jong ka bneng, kiba leit mih na kaba ki ïeng ha khmat U Trai jong ka khyndew baroh.

SEKHARAÏAH 9:10

Bad ngan pynduh noh ïa ka kali thma na Ephraim, bad ïa u kulai na Jerusalem; bad yn pynduh noh ïa ka ryntieh ïaleh thma; bad un kren ka jingïasuk ha ki jaid bynriew: bad ka jingsynshar jong u kan long naduh ka duriaw haduh ka duriaw, bad naduh kata ka Wah haduh ki bakut ka khyndew.”

SEKHARAÏAH 9:14

Bad ïa U Trai yn ïohi halor jong ki, bad u khnam jong u un mih noh kum ka leilieh: bad U Trai U Blei un put ïa ka turoi, bad un leit bad ki lyer langthari ka shathie.

MATHAÏOS 13:41

U Khun u briew un phah noh ïa ki angel jong u, bad kin ïalum na ka hima jong u ïa kiei kiei baroh kiba pynthut, bad ïa kita kiba leh bymman,

MATHAÏOS 24:22

Te lymda pyndkut noh ïa kita ki sngi, kan ym lait im kawei ka doh: hynrei, na ka bynta kiba la jied, yn pyndkut noh ïa kita ki sngi.

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

MATHAÏOS 24:32

“To nang te ïa ka pharshi na u dieng Dumbur: haba ka tnat jong u ka la khie lung, bad ka sei sla, phi tip ba ka lyiur ka la jan;

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

MARKOS 13:27

Ynda kumta ruh, un phah ïa ki angel, bad un ïalum lang ïa kiba la jied jong u na ki saw lyer, naduh ka bakut ka pyrthei haduh ka bakut ka bneng.

LOUKAS 24:47

bad ba ha ka kyrteng jong u yn ïalap ïa ka jingkylla-ka-bamut bad ïa kaba map ki pop hapdeng ki jaid bynriew baroh, da kaba sdang na Jerusalem:

ÏOANNIS 11:52

bad ym tang na ka bynta kata ka kynja bynriew hi, hynrei, ba un ïoh ïalum lang ruh ha kawei, ïa kita ki khun U Blei kiba la sakma.

Ka Shithi U Paul Sha Ki Nong Rom 10:18

Hynrei, nga ong, “Kim shym la ïohsngew?” Ho-oid shisha keiñ; “Ka jingsawa jong ki ka la leit ïaid keiñ ha ka khyndew baroh, bad ki ktien jong ki shaduh ki bakut ka pyrthei.”

1 KORINTH 15:52

Namar ka turoi kan sawa, ynda kumta, ïa ki baïap yn pynmih pat ki bympyut, bad ïa ngi yn pynkylla.

EPHESOS 1:10

ba ha ka jingpynïaid ka jingdap biang ki Ïa, yn lum lang ïa kiei kiei baroh ha U Khrist, ïa kiei kiei ruh kiba ha ki bneng, bad ïa kiei kiei ruh kiba ha ka khyndew.

DEUTERONOMI 30:4

Lada la beh noh ïano ïano ruh na me haduh ka bakut ka bneng, nangta, U Trai uba U Blei jong me un ïalum ïa me, bad nangta ruh, un wallam ïa me:

DEUTERONOMI 4:32

“Naba to da kylli mynta shaphang kita ki sngi kiba la lah, kiba la long mynshuwa jong me, naduh kata ka sngi ba U Blei u la thaw ïa u briew ha ka pyrthei, bad naduh ka bakut haduh ka bakut ka bneng ruh, la jia ne em kaei kaei ruh kaba khraw kum kane, lane la ïohsngew ne em kaba kum kane?

1 THESSALONI 4:16

Naba U Trai hi un wan hiar na bneng bad ka jingrisa, da ka ktien sawa u angel rangbah, bad da ka turoi U Blei: bad kita kiba ïap ha U Khrist kin ïamihpat shuwa.

2 THESSALONI 2:1

Te ngi kyrpad ïa phi, ko parabangeit, shaphang kata ka jingwan U Jisu Khrist uba U Trai jong ngi, bad ka jingïalang jong ngi ha u;

HEBRU 12:19

bad ha ka jingsawa ka turoi, bad ha ka jingpyrta ki ktien; ïa kaba kita kiba la ïohsngew ki la ïakyrpad ba yn ym kren kawei ka ktien shuh ha ki:

JINGPYNPAW 1:20

ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 7:1

Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng.

JINGPYNPAW 8:2

Bad nga la ïohi ïa ki hynñiew ki angel kiba ïeng ha khmat U Blei, bad ha ki, la ai hynñiew ki turoi.