MATHAÏOS 24:29 - KA BAIBL

²⁹ “Kumne kumne ruh, hadien ka jynjar kita ki sngi, ïa ka sngi yn pyndum, bad u bnai un ym ai la ka jingshai, bad ki khlur kin hap na bneng, bad yn pynkhynñiuh ïa ki bor ki bneng.

Khasi CL Bible (BSI)

²⁹ “Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MATHAÏOS 24:29 ပူးပေါင်းရင်းမြစ်များ

EKLESIASTIS 12:2

katba ym pat dum ka sngi, bad ka jingshai, bad u bnai, bad ki khlur, bad ba kin wan phai noh ki lyoh hadien u slap:

ISAÏAH 13:10

Namar ki khlur ka bneng bad ki kynhun jong ka kin ym ai ïa la ka jingshai: ïa ka sngi yn pyndum ha ka jingmih jong ka, u bnai ruh un ym pyntyngshaiñ ïa la ka jingshai.

ISAÏAH 24:23

Bad ïa u bnai yn pynthap baïong, ïa ka sngi ruh yn pynlehrain; namar U Trai ki paid un synshar ha u lum Seïon, bad ha Jerusalem, ha khmat ki tymmen jong u ruh da kaba donburom.

ISAÏAH 34:4

Ïa ki paid bneng baroh ruh yn pynduh noh, bad ïa ki bneng yn kli lang kum ka jingkli: bad u paid jong ki baroh un jlop noh, kum ka sla kaba tlor noh na u dieng Waiñ, bad kum ka sla batlor na u dieng Dumbur.

JOEL 2:10

Ka khyndew ka kyiuh ha khmat jong ki; ki bneng ki ïakhynñiuh: ïa ka sngi bad ïa u bnai la pyndum, bad ki khlur ki khang ïa la ka jingtyngshaiñ:

JOEL 3:15

Ka sngi bad u bnai ki la dum, bad ki khlur ki khang ïa la ka jingtyngshaiñ.

AMOS 5:20

Hato kata ka sngi U Trai kan ym long ka jingdum, te ym ka jingshai? ka ba-dum tliw keiñ, bymdon jingtyngshaiñ satia ha ka?

AMOS 8:9

“Te ha kata ka sngi,” ong U Trai U Blei, “ngan pynsep ïa ka sngi ha kaba shiteng sngi, bad ngan pyndum ïa ka khyndew haba dang shai ka sngi.

MATHAÏOS 24:21

Naba hangta, ka kordit bah kan long, kat kaba ym pat ju long naduh myndanglong ka pyrthei haduh mynta, em, lymne kan ym long shuh ruh.

MATHAÏOS 24:8

Hynrei, kine baroh ki long tang ki jingsdang ki jingjynjar.

2 PETROS 3:10

Hynrei, kata ka sngi U Trai kan wan kum u nongtuh; ha kaba kita ki bneng kin leit noh bur, bad ki jor tynrai da kaba thang rhem kin um noh, bad ïa ka khyndew bad ïa kita ki jingleh ba don ha ka, yn thang duh.

JINGPYNPAW 8:12

Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.