MATHAÏOS 24:27 - KA BAIBL

²⁷ Naba kumba ka mih noh ka leilieh na mihngi, bad ka shai haduh sepngi, kumta ruh kan long ha kata ka jingwan U Khun u briew.

Khasi CL Bible (BSI)

²⁷ Naba U Khun U Briew un wan kum ka leilieh kaba thaba na shiliang sha shiliang ka sahit bneng, na mihngi sha sepngi.

MATHAÏOS 24:27 ပူးပေါင်းရင်းမြစ်များ

Ka Kitab U Job 37:3

U phah noh ïa ka hapoh ka bneng baroh, bad ïa ka leilieh jong u haduh ki bakut ka khyndew.

Ka Kitab U Job 38:35

Me lah ban phah noh ïa ki leilieh, ba kin leit, bad kin ong ha me, ‘Ha khmih, ngi hangne’?

ISAÏAH 30:30

Te U Trai un pynïohsngew ïa ka jingsawa ba-donburom jong u, bad un pyni ïa ka jinghiar ka ksang'ti jong u, lem bad ka jingshla ka jingbitar jong u, bad ka thylliej ding ka ding babam duh, lem bad ka lyer kyrthep, bad ka 'erïong, bad u phria.

ESEKIEL 1:14

Bad kita ki jingthaw ba-im ki la ïamareh bad ki la ïaphai kum ka jing-i ïa ka jingba ka leilieh.

SEKHARAÏAH 9:14

Bad ïa U Trai yn ïohi halor jong ki, bad u khnam jong u un mih noh kum ka leilieh: bad U Trai U Blei un put ïa ka turoi, bad un leit bad ki lyer langthari ka shathie.

MALAKHI 3:2

“Hynrei, uei uba lah ban shah ïa ka sngi ka jingwan jong u? bad uei u ban ïeng haba u mihpaw? Naba u long kum ka ding u nongpynphrang, bad kum ka sabon ki nongsait jaiñ:

MALAKHI 4:5

“Ha khmih, ngan phah ha phi ïa u Elias u nongïathuhlypa shuwa ban sa poi kata ka sngi ka bakhraw bad kaba itieng U Trai.

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 24:26

Namar kata, lada kin ong ha phi, ‘Ha khmih, u don ha ri khlaw;’ phi wat mih noh: ‘Ha khmih, u don ha ki pulit ba jar jar:’ phi wat ngeit.

MATHAÏOS 24:3

Te haba u dang shong halor u lum ki Olib, ki synran ki la wan ha u jar jar, ki ïa-ong, “To ïathuh ha ngi, lano ba kine kiei kiei ruh kin long? bad kaba kumno ka dak ka jingwan jong me, bad kaba wai noh kane ka pyrthei?”

MATHAÏOS 24:37

Te kumba la long ki sngi u Noah, kumta ruh kan long kata ka jingwan U Khun u briew.

MATHAÏOS 24:39

bad kim shym la suidñiew tad ynda ka la wan kata ka jingshlei, bad ka la rong noh ïa ki baroh; kumta ruh kan long kata ka jingwan U Khun u briew.

MATHAÏOS 24:44

Naba kumta, phi ruh to long kiba la kloi; naba ha ka por ba phim mut, u wan U Khun u briew.

MATHAÏOS 8:20

U Jisu te u la ong ha u, “Ki myrsiang ki don ki thliew, bad ki sim bneng ki jaka rieh: hynrei, U Khun u briew um don jaka ban buh ïa la ka khlieh.”

JAKOB 5:8

To ïashah slem ruh ma phi, to pyneh skhem ïa ki dohnud jong phi, naba kata ka jingwan U Trai ka la jan.

2 PETROS 3:4

bad ki da ong, “Hangno kata ka jingkular ïa ka jingwan jong u? namar naduh kaba kita ki kpa tymmen ki la ïohthiah noh, kiei kiei baroh ki ïaisah kumba ki ju long naduh myndanglong ka pyrthei.”