MATHAÏOS 24:24 - KA BAIBL

²⁴ Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

Khasi CL Bible (BSI)

²⁴ Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 24:24 ပူးပေါင်းရင်းမြစ်များ

ISAÏAH 9:15

U tymmen bad uba donburom u long u khlieh; bad u nongïathuhlypa uba hikai lamler, u long ka tdong.

MATHAÏOS 22:14

Naba bun ki long ba la khot, hynrei, khyndiat ba la jied.”

MATHAÏOS 24:11

Bun ki nongïathuhlypa lamler ruh kin mih, bad kin shukor ïa shibun.

MATHAÏOS 24:22

Te lymda pyndkut noh ïa kita ki sngi, kan ym lait im kawei ka doh: hynrei, na ka bynta kiba la jied, yn pyndkut noh ïa kita ki sngi.

MATHAÏOS 24:25

Ha khmih, nga la ïathuhlypa ha phi.

MATHAÏOS 24:31

Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

MATHAÏOS 24:5

Naba bun kin ïawan ha ka kyrteng jong nga, ki da ong, ‘Ma nga uba U Khrist’, bad kin shukor ïa shibun.

MATHAÏOS 7:15

“To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

MARKOS 13:22

naba ki Khrist lamler bad ki nongïathuhlypa lamler kin mih, bad kin pyni ki dak bad ki jingphylla ïa ka ban shukor noh, lada lah, wat ïa kiba la jied.

LOUKAS 18:7

U Blei te un ym bishar hok ïa kita kiba la jied jong u, kiba lynñiar kyrpad ïa u mynsngi bad mynmiet, bad u shah slem na ka bynta jong ki?

ÏOANNIS 4:48

Ynda kumta, U Jisu u la ong ha u, “Lymda phin ïohi ïa ki dak bad ïa ki kam phylla, phin ym ngeit satia.”

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

ÏOANNIS 6:39

Kane te ka long kata ka mon jong U Kpa uba la phah ïa nga, ba baroh ïa kaba u la ai ha nga, ngan ym ai ban duh noh ei ei ruh na ka, hynrei, ba ngan ïoh pynmih pat ïa ka ha ka sngi ka bakhatduh.

KI KAM 20:16

Namar u Paul u la lah thmu bad ïaid kiar ïa ka Ephesos, ba un ym pynslem shuh ha Asia; namar u la pynkloi lada lah ïa ka ban don ha Jerusalem ha ka sngi Pentekost.

Ka Shithi U Paul Sha Ki Nong Rom 12:18

lada long kaba lah, katba shong kata ha phi to long kiba ïashong suk noh bad ki briew baroh.

GALATIA 4:15

Hangno te long kata ka jingsngewbha jong phi? namar nga phla ïa phi, ba, lada lah, phin da la khlaw noh ïa ki khmat jong phi, bad phin da la ai ïa ki ha nga.

DEUTERONOMI 13:1

“Lada u nongïathuhlypa u la mih hapdeng jong phi, lane u nongphohsniew ïa ki jingphohsniew, bad u ai ha me ka dak, lane ka jingphylla,

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

1 PETROS 1:5

ïa kiba la sumar da ka bor U Blei da ka jingngeit khnang ïa ka jingpynim, ïa kaba la khreh ban pynpaw ha ka Ïa ka bakhatduh.

2 PETROS 3:17

Namar kata, ma phi, ko hep ba-ieit, haba phi tip lypa ïa kine kiei kiei ruh, to da sumar noh, ïoh ba haba la rong noh lem ïa phi bad kata ka jingïaid sakma jong kita ki bymman, phin da hap noh na la ka jong ka jingneh skhem hi.

1 ÏOANNIS 2:18

Ko khun hep, ka long ka por bakhatduh: bad kumba phi la ïohsngew ba uta uba ïaleh pyrshah ïa U Khrist u wan, wat mynta ruh la mih noh shibun kiba ïaleh pyrshah ïa U Khrist; nangta keiñ ngi tip ba ka long ka por bakhatduh.

1 ÏOANNIS 2:22

Uei long uta uba lamler, lymda dei uta uba len noh ba U Jisu u long uta U Khrist? Une u long uta u nongïaleh pyrshah ïa U Khrist, uta uba len noh ïa U Kpa bad ïa U Khun.

1 ÏOANNIS 5:18

Ngi tip ba uwei pa uwei baroh ïa uba la kha na U Blei, um leh pop shuh; hynrei, uta ïa uba la kha na U Blei, u ri noh ïa lade, te uta u basniew um ktah ïa u.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.