MATHAÏOS 23:9 - KA BAIBL

⁹ Wat khot ruh ‘u kpa jong phi’ ïano ïano ruh uba ha ka khyndew: naba uwei u long U Kpa jong phi, uba ha bneng.

Khasi CL Bible (BSI)

⁹ Bad phim dei ban khot ïano ïano ha kane ka pyrthei ‘u Kpa,’ namar ba phi don tang uwei u Kpa ha bneng.

MATHAÏOS 23:9 ပူးပေါင်းရင်းမြစ်များ

2 SYIEM 13:14

Te u Elisha u la pang na kata ka jingpang ba u la ïap: bad u Jehoash u syiem ki Israel u la wan hiar ha u, bad u la ïam ïa u, bad u la ong, “Ko kpa, ko kpa, ki kali Israel bad ki nongshong kulai jong ki!”

2 SYIEM 2:12

Te u Elisha u la ïohi, bad u la pyrta, “Ko kpa, ko kpa jong nga, ka kali Israel, bad ki nongshong kulai jong u!” bad um ïohi shuh ïa u: bad u la bat ïa la ki jaiñkup, bad u la kad ïa ki lyngkhot lyngkhot.

2 SYIEM 6:21

Te u syiem ki Israel u la ong ha u Elisha, haba u la ïohi ïa ki, “Ko kpa, ngan pom ïa ki? Ngan pom ïa ki?”

MALAKHI 1:6

“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

MATHAÏOS 23:10

Lymne wat ai ba yn khot ïa phi ‘ki nongïalam’: naba uwei u long U Nongïalam jong phi, uba U Khrist.

MATHAÏOS 6:32

naba ïa kita kiei kiei baroh, ki Jentil ki ïawad; naba U Kpa jong phi uba ha bneng u tip ba phi donkam ïa kine kiei kiei baroh.

MATHAÏOS 7:11

Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa kiei kiei ruh ki babha ha kita kiba pan na u?

KI KAM 22:1

“Ko ki para, bad ko ki kpa, to sngew ïa ka jingïasaid-da jong nga mynta ha phi.”

1 KORINTH 4:15

Namar la phi don shiphew hajar ki nonghikai ha U Khrist, pynban, phim don bun ki kpa; namar ma nga keiñ nga la pynkha ïa phi ha U Khrist Jisu da ka gospel.

2 KORINTH 6:18

bad ngan long U Kpa ïa phi, ma phi ruh, phin long ki khun shynrang bad ki khun kynthei ïa nga,” ong U Trai u Badonbor Baroh.

HEBRU 12:9

Nalor kane, ngi la ju don kita ki kpa ka doh jong ngi ban sneng sympat ïa ngi, bad ngi la ju burom ïa ki: hato ngin ym kham long shibun hapoh U Kpa ki mynsiem jong ngi, bad ban im?

1 ÏOANNIS 3:1

Ha khmih phi, kaba kumno ka jingieit uta U Kpa u la ai ha ngi, ba la khot ïa ngi “ki khun U Blei”: bad kumta ngi long. Namar kane keiñ, kata ka pyrthei kam ithuh ïa ngi, naba kam shym la ithuh ïa u.