MATHAÏOS 23:8 - KA BAIBL

⁸ Hynrei, ïa phi wat shah ban khot ‘Rabbi’: naba uwei u long U Nonghikai jong phi uba U Khrist; phi te phi long shipara baroh.

Khasi CL Bible (BSI)

⁸ Ïa phi ym dei ban khot ‘ko Nonghikai,’ namar ba phi baroh phi ïalong mar ryngkat bad don tang uwei U Nonghikai.

MATHAÏOS 23:8 ပူးပေါင်းရင်းမြစ်များ

MATHAÏOS 10:25

La biang ïa u synran ba un long kum u nonghikai jong u, ïa u shakri ruh kum u kynrad jong u. Lada ki la khot ‘Belsebul’ ïa u trai ïing, kaba katno tam ba kin ïakhot sin ïa kita kiba na ka ïing jong u!

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 23:10

Lymne wat ai ba yn khot ïa phi ‘ki nongïalam’: naba uwei u long U Nongïalam jong phi, uba U Khrist.

MATHAÏOS 23:7

bad ïa ki jingnguh de ha ki ïew, bad ba yn khot ruh ïa ki da ki briew, ‘Ko Rabbi.’

MATHAÏOS 26:25

Ynda kumta, u Judas uba la die noh ïa U, u da ïathuh u la ong, “Dei ma nga, ko Kynrad?” U la ïathuh ha u, “Me la ong keiñ.”

MATHAÏOS 26:49

Te kumne kumne ruh haba u la wan ha U Jisu, u la ong, “Khublei, ko Kynrad”, bad u la doh ïa U.

MARKOS 10:51

U Jisu u da ïathuh te U la ong ha u, “Me kwah ba ngan leh aïu ïa me?” Uta u bamatlah u la ong te ha U, “Ko Nonghikai, ba ngan ïoh imat.”

MARKOS 11:21

U Petros te haba u da kynmaw pat u ong ha U, “Ko Kynrad, ha khmih, uta u dieng Dumbur ïa uba me la tim, u la ïap tyrkhong noh!”

MARKOS 14:45

Te ynda u la wan, kumne kumne ruh, u la leit ha U, u ong, “Ko Kynrad, Kynrad”; u la doh ruh ïa U.

MARKOS 9:5

Haba u Petros u ïathuh te u ong ha U Jisu, “Ko Kynrad, ka bha ïa ngi ban don hangne; ai ngin ïathaw te lai tylli ki ïing dara, kawei ïa me, kawei ruh ïa u Moses, bad kawei ruh ïa u Elias.”

LOUKAS 22:32

hynrei, nga la duwai ma nga na ka bynta jong me, ba ka jingngeit jong me kan ym duh noh; ma me te ynda me la kylla bha pat to men pynskhem ïa ki para jong me.”

ÏOANNIS 1:38

U Jisu te haba u la phai, bad u la ïohi ïa ki ba ki ïabud, u ong ha ki, “Phi ïawad aïu?” Ki te ki la ïathuh ha u, “Ko Rabbi” (kaba long haba la batai, “Ko Nonghikai”), “hangno me shong?”

ÏOANNIS 1:49

U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!”

ÏOANNIS 11:8

Kita ki synran ki la ïa-ong ha U, “Ko Kynrad, dang shibit kita ki Jiw ki la ïawad dong ban lynthem ïa me; te men sa leit hangta pat?”

ÏOANNIS 20:16

U Jisu u ong ha ka, “Wa Mari!” Ka, haba ka la phai, ka ong ha U ha ka ktien Hebru, “Wa Rabboni!” (kata ka ban ong, “Ko Nonghikai”).

ÏOANNIS 3:2

Une u la wan ha U Jisu mynmiet, bad u la ong ha U, “Ko Nonghikai, ngi tip ba me long u nonghikai uba la wan na U Blei, namar ym don uba lah ban leh ïa kine ki kambah ïa kiba me leh, lymda U Blei u long ryngkat bad u.”

ÏOANNIS 3:26

Te ki la ïaleit ha u Ïoannis, bad ki la ïa-ong ha u, “Ko Rabbi, uta uba la don lem bad me sha shiliang ka Jordan, ïa uba la phla babha ma me, ha khmih, uta u pynbaptis, bad baroh ki ïaleit ha u.”

ÏOANNIS 4:31

Hamar pdeng kata te, ki synran ki la ïakyrpad ïa u, ki da ong, “Ko Rabbi, to bam.”

ÏOANNIS 6:25

Te haba ki la shem ïa u sha shiliang kata ka duriaw, ki la ïakylli ïa u, “Ko Rabbi, mynno me la poi shane?”

ÏOANNIS 9:2

Ki synran jong U te ki la ïakylli ïa U, ki ong, “Ko Kynrad, uei ba la leh pop, une, ne ki kmie ki kpa jong u, ba la kha matlah ïa u?”

2 KORINTH 1:24

Ym ba ngi leh trai khlieh ïa ka jingngeit jong phi, hynrei, ngi ïalong ki lok baïatrei lem ïa ka jingkmen jong phi: namar da ka jingngeit phi ïai-ïeng.

2 KORINTH 4:5

Namar ngim ïalap ïa lade, hynrei, ïa U Khrist Jisu kum U Trai keiñ, hynrei, ïa lade hi ki shakri jong phi na ka bynta U Jisu.

EPHESOS 3:15

na uba la jer kyrteng ïa ki kur baroh ha bneng bad ha ka khyndew,

PHILEMON 1:16

ym kum u mraw shuh, hynrei, kham halor ïa u mraw, u parabangeit ba-ieit, kham tam ha nga, hynrei, kaba katno tam ha me, ha ka doh bad ha U Trai!

JAKOB 3:1

To wat long phi ki nonghikai babun, ko parabangeit jong nga, haba tip ba ngin ïoh diang ïa ka jingbishar ba kham khraw.

1 PETROS 5:3

ym kum kiba leh trai khlieh halor ki balang, hynrei, da kaba pynlong ïa lade ki rukom ïa kata ka kynhun.

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 22:9

Te u ong ha nga, “To sumar me, wat leh ïa kata! namar nga long u para shakri jong me bad jong kita ki parabangeit jong me ki nongïathuhlypa, bad jong kita kiba ïasumar ïa ki ktien jong kane ka kitab: to mane dem ïa U Blei.”