MATHAÏOS 23:23 - KA BAIBL

²³ “Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

Khasi CL Bible (BSI)

²³ “A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

MATHAÏOS 23:23 ပူးပေါင်းရင်းမြစ်များ

PROBERB 21:3

Kaba leh ïa ka hok bad ïa ka jingbishar ka long kaba kham pdiang hun ha U Trai ban ïa ka jingkñia.

ISAÏAH 28:25

Haba u la moi ïa ka sla jong ka, um bet ïa u Ketsa, bad pynsaphred ïa u Kumin, bad tep ter ter ïa u Kew bad ïa u Kew Barli ha ka jaka ba la khreh bad ïa u Kew Spelt ha ka rud jong ka?

JEREMAÏAH 22:3

Kumne u ong U Trai: “To leh ïa ka jingbishar bad ïa ka hok, bad pyllait ïa kiba la lute na ka kti u nongbanbeiñ: bad wat leh ïa ka basniew ei ei, wat leh jubor ïa u nongwei, ïa ki khunswet, lymne ïa ka riewkynthei, lymne wat pynmih ïa ka snam balui lui ha kane ka jaka.

HOSIA 6:6

Namar nga mon ïa ka jingisynei, te ym ïa ka jingkñia, bad ka jingtip ïa U Blei ban ïa ka jingainguh thang.

LEBITIKOS 27:30

“ ‘Bad kaba shiphew bynta jong ka khyndew baroh, na u symbai ka khyndew, bad na u soh ki dieng, ka long ka jong U Trai: ka long ba la kyntang khuid ha U Trai.

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

MATHAÏOS 12:7

Hynrei, lada phi la lah tip kaei kane, ‘Ïa ka jingisynei nga mon, te ym ïa ka jingkñia,’ phin ym da la pynrem ïa kita kiba khlem pop.

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

MATHAÏOS 9:13

hynrei, khie leit ma phi to hikai kaei kane, ‘Ïa ka jingisynei nga mon, te ym ïa ka jingkñia:’ naba ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”

LOUKAS 11:42

“Hynrei, kordit ïa phi ki Pharisi! Naba phi ai ïa kaba shiphew na u pudina, bad na u rue, bad na u jhur baroh, phi ryngkang te ïa ka hok bad ïa ka jingieit ka jong U Blei; ka la dei ban leh ïa kine kiei kiei ruh, hynrei, ban ym iehnoh keiñ ïa kita kiwei.

LOUKAS 18:12

Nga shah jingit ar sien shi taïew; nga ai kaba shiphew na kiei kiei baroh katba nga don.’

1 SAMUEL 15:22

Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.