MATHAÏOS 22:4 - KA BAIBL

⁴ U la phah pat ïa kiwei ki shakri, u da ong, ‘Ïathuh ha kita ïa kiba la ïawer, “Ha khmih, nga la khreh ïa ka jingkhawai jong nga; la pynïap ïa ki masi dab bad ïa kiba sngaid jong nga, bad ïa kiei kiei baroh la khreh; to wan sha ka jingkhawai shongkurim.” ’

Khasi CL Bible (BSI)

⁴ Kumta u la phah ïa kiwei pat ki shakri lem bad kane ka khubor ïa ki nongshahkhot sngewbha: ‘La dep khreh ïa ka jingkhawai jong nga mynta, la dep shohdoh ïa ki masi dab bad ïa ki khun masi bakynsai jong nga, bad la khreh ïa kiei kiei baroh. To ale sha ka jingkhawai shongkurim!’

MATHAÏOS 22:4 ပူးပေါင်းရင်းမြစ်များ

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

PROBERB 15:17

Lah kaba shi sien bam da u jhur haba don ka jingieit, ban ïa u masi ba la pynsngaid haba don ka jingshun bad u.

JINGRWAI SOLOMON 5:1

Nga la wan ha la ka kper, ko ka para jong nga, ko ka nongteh kurim jong nga: nga la lum ïa ka mirr lem bad ka musla jong nga; nga la bam ïa ka rewngap bad ka ngap jong nga; nga la dih ïa ka Waiñ bad ka dud jong nga. To bam, ko lok; to dih, to dih pahuh keiñ, ko ba-ieit jong nga.

MATHAÏOS 21:36

U la phah pat ïa kiwei kiwei ki shakri kiba kham kor ïa kiba mynnyngkong, te ki la leh kumjuh ïa kita ruh.

MATHAÏOS 22:5

Hynrei, ki kim da suidñiew, ki shu ïaleit noh ruh, uwei sha la ka bri, uwei pat ruh sha la ka jingkhaïi.

MATHAÏOS 22:8

Ynda kumta, u la ong ha ki shakri jong u, ‘La khreh shisha ïa ka jingkhawai shongkurim, hynrei, kita ïa kiba la ïawer kim long kiba dei.

LOUKAS 14:17

Bad u la phah ïa la u shakri ha ka por kata ka jingkhawai miet, ïa ka ban ong ha kita ïa kiba la khot, ‘To wan, naba la lah khreh ïa kiei kiei baroh.’

KI KAM 1:8

Hynrei, phin ïoh diang ïa ka bor, ynda la wan U Mynsiem Bakhuid ha phi; bad phin long ki nongphla ïa nga ha Jerusalem, bad ha Judia baroh bad ha Samaria, bad haduh bakut ka pyrthei.”

KI KAM 13:46

Ynda kumta, u Paul bad u Barnabas ki la kren shlur, bad ki la ong, “La donkam ban ïalap ha phi nyngkong ïa ka ktien U Blei; hynrei, namar ba phi kyntait noh ïa ka, bad ba phi rai ïa lade ki bymbit ïa ka jingim bymjukut, ha khmih, ngi phai noh sha ki Jentil.

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?