MATHAÏOS 22:3 - KA BAIBL

³ bad u la phah ïa la ki shakri ban khot ïa kita ïa kiba la ïawer sha kata ka jingkhawai shongkurim; ki te kim treh ban wan.

Khasi CL Bible (BSI)

³ U la phah ïa ki shakri jong u ban ïathuh ha ki nongshahkhot sngewbha ban wan sha ka jingkhawai, hynrei kim kwah ban wan.

MATHAÏOS 22:3 ပူးပေါင်းရင်းမြစ်များ

SALM 68:11

U Trai u ai ïa kata ka ktien: ki kynthei kiba pynbna ïa ki khubor ki la long u paidbah bakhraw.

ISAÏAH 30:15

Namar kumne u ong U Trai U Blei, uta U Bakhuid ki Israel, “Ha kaba wan phai bad kaba shongthait yn pynim ïa phi; ha ka jingjai jai bad ka jingshaniah, ka bor jong phi kan long;” te phim shym mon.

JEREMAÏAH 25:4

Bad U Trai u la phah sha phi ïa ki shakri jong u ki nongïathuhlypa baroh, u da khie dang step bad u da phah ïa ki; phi, hynrei, phim shym sngap, lymne pyndem ïa la ki shkor ban sngew;

JEREMAÏAH 35:15

Nga la phah ruh ïa ki shakri jong nga ki nongïathuhlypa baroh ha phi, nga da khie dang step bad nga phah ïa ki, da kaba ong, ‘To phai phi mynta uwei pa uwei na la ka lynti basniew, bad pynbeit ïa ki jingleh jong phi, bad wat leit bud ïa kiwei pat ki blei ban shakri ïa ki, bad phi ïoh shong ha ka ri kaba nga la ai ha phi bad ha ki kpa jong phi: hynrei, phim shym la shahshkor, lymne sngap ïa nga.’

HOSIA 11:2

Kumba ki la khot ïa ki, kumta, ki la leit noh na ki: ki la kñia ha ki Baal, bad ki la thang ka jingiwbih ha ki dur ba la mut.

HOSIA 11:7

U paidlang jong nga ruh u thew khnang ban phai dien na nga: la ki khot ïa ki sha uta uba hajrong, ym don satia uba kyntiew ïa u.

SEPHANAÏAH 1:7

To sngap jar me ha khmat U Trai U Blei: naba ka sngi U Trai ka la jan: naba U Trai u la khreh ïa ka jingkñia, u la pynkyntang ïa kiba la wer jong u.

MATHAÏOS 21:34

Ynda ka aïom kheit soh ka la jan, u la phah ïa ki shakri jong u ha kita ki nongsumar bri, ban shim ïa ki soh jong ka.

MATHAÏOS 23:37

“A! Jerusalem, Jerusalem! pha kaba pynïap noh ïa ki nongïathuhlypa, bad kaba lynthem maw ïa kita ïa kiba la phah ha pha! katno sien ba nga la kwah ban kdup ïa ki khun jong pha, kumba ka syiar ka kdup ïa ki khun jong ka hapoh ki thapniang jong ka, phi te phim mon.

MATHAÏOS 3:2

u da ong, “To kylla-ka-bamut; naba ka hima ki bneng ka la jan.”

MATHAÏOS 9:15

U Jisu te u la ïathuh ha ki, “Ki nong-on kurim ki lah ban sngewsih, haba u dang sah bad ki u nongleit-kurim? Hynrei, kin poi ki sngi, ynda yn shim noh na ki, ïa u nongleit-kurim, hangta te kin sa ïashah jingit.

LOUKAS 13:34

A Jerusalem, Jerusalem, kaba pynïap noh ïa ki nongïathuhlypa, kaba lynthem maw ruh ïa kiba la phah ha pha! Katno sien nga la mon ban kdup ïa ki khun jong pha, kumba ka syiar ka kdup ïa la ki khun hapoh ki thapniang jong ka! phi te phim mon.

LOUKAS 15:28

Hynrei, u, u la bitar, bad um mon ban rung hapoh; namar kata, u kpa jong u, u la mih habar bad u la khroh ïa u.

LOUKAS 19:27

Hynrei, ïa kita ki nongshun jong nga, ki bym shym la mon ïa nga ban synshar halor jong ki, to wallam hangne, bad to pynïap ïa ki ha khmat jong nga.’ ”

ÏOANNIS 5:40

Pynban, phim mon ban wan ha nga, ba phin ïoh ka jingim.

KI KAM 13:45

Hynrei, haba ki Jiw ki la ïohi ïa kita ki paidbah, la pyndap ïa ki da ka jingpihuiñ; bad ki la ïasaid pyrshah ïa kita kiei kiei ruh ba la kren da u Paul, bad ki la ïakrenbeiñ ruh.

Ka Shithi U Paul Sha Ki Nong Rom 10:21

Hynrei, pleng shaphang ki Israel u ong: “Baroh shi sngi nga la kner noh ïa la ki kti ha u paidlang u bymkohnguh bad uba ïa-pharshi kylliang.”

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 9:15

Te namar kane, u long U Ksiang ka jutang bathymmai, ba haba la jia ka jingïap ïa ka ban siewspah ïa kita ki jingpalat kiba hapoh kata ka jutang ka banyngkong, kita ïa kiba la khot, kin ïoh pdiang ïa ka jingkular ïa kata ka bynta bymjukut.

JINGPYNPAW 22:17

Te U Mynsiem bad kata ka nongleit-kurim ki ïa-ong, “To wan.” Bad uta uba ïohsngew to un ong, “To wan.” Bad jar uba sliang, to ai un wan: bad jar uba mon, to un shim ei ïa ka um ka jingim.

1 SAMUEL 9:13

haba phi dang shu poi shapoh ka shnong, phin shem ïa u kumne kumne, haba um pat leit kiew sha kata ka jaka jrong ban bam: naba ki briew kin ym bam tad ynda u la poi ma u, namar un kyrkhu ma u ïa ka jingkñia; hadien kata, kin bam kita ïa kiba la khot. Namar kata, to leit kiew; namar dei hamar kane ka por ba phin shem ïa u.”