MATHAÏOS 21:5 - KA BAIBL

⁵ “Ïathuh ha ka khun ka Seïon, ‘Ha khmih, U Syiem jong pha u wan ha pha, uba jemnud bad uba shong halor ka kadda, halor u khun ka kadda kaba la ju mlien bad ka lyngkor ruh.’ ”

Khasi CL Bible (BSI)

⁵ “To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 21:5 ပူးပေါင်းရင်းမြစ်များ

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

2 SAMUEL 16:2

Bad u syiem u la ong ha u Siba, “Me mut aïu da kine?” Te u Siba u la ïathuh, “Kine ki kadda ki long ïa ki ba-ha-ïing u syiem ba kin shong halor jong ki; bad kine ki kpu bad ki soh lyiur ïa ki samla ba kin bam; bad kane ka Waiñ ïa kat kiba la thait ha ri khlaw ba kin ïoh dih.”

1 SYIEM 1:33

Te u syiem u la ong ha ki, “Ïalam bad phi ïa ki shakri u kynrad jong phi, bad to pynshong ïa u Solomon u khun jong nga halor u kadda jong nga hi, bad leit lam ïa u shathie sha Gihon:

1 SYIEM 10:26

Te u Solomon u la lum lang ïa ki kali bad ki nongshong kulai: bad u la don shi hajar sawspah ki kali ïapom, bad khat-ar hajar ki nongshong kulai, kiba u la buh ha ki shnong ri kali, bad lem bad u syiem ha Jerusalem.

SALM 9:14

ba ngan ïoh pynbna ïa ka jingïaroh jong me baroh: ha ki khyrdop ka khun ka Seïon, ngan shadkmen ha ka jingpynim jong me.

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

ISAÏAH 40:9

A pha kaba ïathuhkhana babha ïa ka Seïon, to leit kiew noh sha uta u lum bajrong; A pha kaba ïathuhkhana babha ïa ka Jerusalem, to pynjam da ka bor ïa la ka ktien; to pynjam, wat sheptieng; ong ïa ki shnong Judah, “Ha khmih, U Blei jong phi!”

ISAÏAH 62:11

Ha khmih, U Trai u la pynbna haduh ka bakut ka khyndew, “To phin ong ha ka khun ka Seïon, ‘Ha khmih, ka jingpynim jong pha ka wan; ha khmih, ka bainong jong u ka ha u, bad ka nong jong u ha khmat jong u.’

ESEKIEL 34:24

Bad ma nga U Trai ngan long U Blei jong ki, bad u Dabid u shakri jong nga un long u nongïalam hapdeng jong ki; ma nga U Trai nga la kren ïa ka.

ESEKIEL 37:24

“Te u Dabid u shakri jong nga un long u syiem halor jong ki; bad ki baroh kin ïoh uwei u nongaplangbrot: kin ïaid ruh ha ki jingbishar jong nga, bad kin sumar ïa ki aiñ jong nga, bad kin leh ïa ki ruh.

HOSIA 1:7

Hynrei, ngan isynei ïa ka ïing Judah, bad ngan pynim ïa ki da U Trai U Blei jong ki, te ngan ym pynim ïa ki da ka ryntieh, lymne da ka waitlam, lymne da ka thma, da ki kulai, lymne da ki nongshong kulai.”

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

JINGKHEIÑ 24:19

Uwei na u Jakob un synshar, bad un pynjot noh ruh ïa kaba dang sah na ka nongbah.”

MATHAÏOS 11:29

To shim ïa ka lyngkor jong nga ha phi, to hikai ruh na nga; naba nga uba lui lui bad u barit ruh ha ka dohnud: te phin shem kaba jahthait ha ki mynsiem jong phi.

MATHAÏOS 2:2

ki da ong, “Hangno uba la dang kha shen U Syiem ki Jiw? naba ngi la ïohi ïa u khlur jong u ha ka ri mihngi, bad ngi la ïawan ban mane ïa u.”

MATHAÏOS 2:6

“ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

MATHAÏOS 21:6

Ki synran te haba ki la leit, bad haba ki la leh kumba U Jisu u la hukum ïa ki,

LOUKAS 24:27

Te haba u la sdang na u Moses, bad na Ki Nongïathuhlypa baroh, u la pynpaw ha ki ha Ki Jingthoh baroh ïa kiei kiei ruh shaphang ïa lade.

ÏOANNIS 1:49

U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!”

2 KORINTH 10:1

Te nga hi, u Paul, nga kyrpad ïa phi da ka jingjemnud bad ka jingshahjem U Khrist, ma nga keiñ, uba haba don ha khmat, nga long uba rit hapdeng jong phi, hynrei, ha bymdon ha khmat nga leh shlur sha phi.

DEUTERONOMI 17:16

Hynrei, un ym pynbun ïa ki kulai ha lade, lymne pynphai pat ïa uta u paidlang sha ka ri Ijipt, khnang ba un ïoh pynbun ïa ki kulai: namar U Trai u la ong ha phi, ‘Wat leit phai pat shuh da kata ka lynti.’

NONGBISHAR 12:14

U la don te sawphew ngut ki khun shynrang bad laiphew ngut ki ksiew, kiba shong halor ki hynñiewphew tylli ki khun kadda: bad u la bishar ïa ki Israel phra snem.

NONGBISHAR 5:10

“To ïalap phi, kiba shong halor ki kadda lieh, phi kiba shong halor ki stranji bakordor, bad phi kiba ïaid ha ka lynti.