MATHAÏOS 21:34 - KA BAIBL

³⁴ Ynda ka aïom kheit soh ka la jan, u la phah ïa ki shakri jong u ha kita ki nongsumar bri, ban shim ïa ki soh jong ka.

Khasi CL Bible (BSI)

³⁴ Haba ka por ka la poi ban lumlang ïa ki sohwaiñ, u la phah ïa ki mraw jong u sha ki nongshimwai ban ïohpdiang ïa ka bhah jong u na ka jingkheit.

MATHAÏOS 21:34 ပူးပေါင်းရင်းမြစ်များ

ISAÏAH 5:4

Lah ban leh sa aïu pat ïa ka brisoh jong nga, kaba ngam shym leh ha ka? Balei, haba nga la khmih lynti ba kan sei da ki soh Waiñ, te ka la sei da ki soh Waiñ khlaw?

JEREMAÏAH 35:15

Nga la phah ruh ïa ki shakri jong nga ki nongïathuhlypa baroh ha phi, nga da khie dang step bad nga phah ïa ki, da kaba ong, ‘To phai phi mynta uwei pa uwei na la ka lynti basniew, bad pynbeit ïa ki jingleh jong phi, bad wat leit bud ïa kiwei pat ki blei ban shakri ïa ki, bad phi ïoh shong ha ka ri kaba nga la ai ha phi bad ha ki kpa jong phi: hynrei, phim shym la shahshkor, lymne sngap ïa nga.’

MATHAÏOS 21:35

Kita ki nongsumar bri te haba ki la ïakem ïa ki shakri jong u, ïa uwei ki la sympat, ïa uwei pat ruh ki la pynïap, ïa uwei pat de ki la lynthem da ki maw.

MATHAÏOS 21:38

Hynrei, haba kita ki nongsumar bri ki la ïohi ïa uta u khun, ki la ïa-ong paralok hi, ‘Une u ban sa long u trai ka brisoh; ïa ngin ïa-pynïap noh ïa u, ngin ïashim ruh ïa ka bynta jong u.’

MATHAÏOS 21:40

Namar kata, ynda uta u trai kata ka brisoh un wan, un sa leh aïu ïa kita ki nongsumar bri?”

MATHAÏOS 21:41

Ki ong ha u, “Un pynïap sniew khoit keiñ ïa kita ki bymman, bad un sa ai wai ïa ka brisoh ha kiwei pat ki nongsumar, ki ban ai ïa ki soh ha u ha ki aïom jong ki.”

MATHAÏOS 22:3

bad u la phah ïa la ki shakri ban khot ïa kita ïa kiba la ïawer sha kata ka jingkhawai shongkurim; ki te kim treh ban wan.

MARKOS 12:1

Bad u la sdang ban kren ïa ki ha ki pharshi. “U briew u la thung ka brisoh, bad u la ker baroh sawdong, bad u la tih jaka tylliat soh Waiñ bad u la tei ïa ka ïing phira, bad u la ai wai ïa ka ha ki nongsumar bri, bad u la leit noh ruh sha kawei pat ka ri.

MARKOS 12:7

Hynrei, kita ki nongsumar bri ki la ïa-ong paralok hi, ‘Une u ban sa long u trai ka brisoh; ïa, ngin ïa-pynïap noh ïa u, te ka bynta kan long ka jong ngi’:

MARKOS 12:9

Namar kata, uta u trai ka brisoh un sa leh aïu? Un wan keiñ bad un pynjot noh ïa kita ki nongsumar bri, bad un sa ai ïa ka brisoh ha kiwei.

LOUKAS 20:9

Ynda kumta, U la sdang ban kren ha uta u paidlang ïa kane ka pharshi. “Uwei u briew u la thung ka brisoh, bad u la ai wai ïa ka ha ki nongsumar bri, bad u la leit noh sha kawei pat ka ri kham slem.