MATHAÏOS 21:31 - KA BAIBL

³¹ Uno na kine ar ngut uba la leh ïa ka mon u kpa?” Ki ong ha u, “Uba nyngkong.” U Jisu u ong ha ki, “Shisha nga ong ha phi, ba ki nongkhrong bad ki nuti ki leit ha shuwa jong phi sha ka hima U Blei.

Khasi CL Bible (BSI)

³¹ Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

MATHAÏOS 21:31 ပူးပေါင်းရင်းမြစ်များ

Ka Kitab U Job 15:6

Ka shyntur jong me hi ka pynrem ïa me, te ym ma nga; bad ki rmiang shyntur jong me ki sakhi pyrshah ïa me.

ESEKIEL 33:11

To ong ha ki, ‘Katba nga im,’ ong U Trai U Blei, ‘ngam don ka jingsngewbha ha ka jingïap u bymman; hynrei, ba uta u bymman un phai noh na ka lynti jong u bad ba un im: to phai phi, to phai phi na ki lynti sniew jong phi; namar balei ba phin shu ïap, A phi ka ïing Israel?

MATHAÏOS 12:50

Naba uno uno ruh u ban leh ïa ka mon U Kpa jong nga uba ha bneng, uta keiñ u long u para jong nga bad ka para bad ka kmie de.”

MATHAÏOS 18:3

bad u la ong, “Shisha nga ong ha phi, lada phim kylla, bad phim long ruh kum ki khynnah, phin ym leit bsut ha ka hima ki bneng.

MATHAÏOS 20:16

Kumta, ki bakhatduh kin long shuwa, bad ki bashuwa kin long khatduh keiñ. Naba ki long shibun ïa kiba la khot, hynrei, khyndiat ba la jied.”

MATHAÏOS 21:30

U la wan ruh ha uba hadien, bad u la ong kumjuh. Uta te u da ïathuh u la ong, ‘Ngan sa leit, ko kynrad’, hynrei, um leit.

MATHAÏOS 5:18

Naba shisha nga ong ha phi: Ha ban da leit noh ka bneng bad ka khyndew, kat iwei i dak rit lane iwei iba khun khyndiat eh na Ka Hukum in ym leit noh, tad ynda yn pyndep baroh.

MATHAÏOS 5:46

Naba, lada phi shu ieit ïa kiba ieit ïa phi, phi ïohnong aïu? Hato ki nongkhrong kim leh kumjuh?

MATHAÏOS 6:5

“Haba me duwai ruh, wat long kum ki nongarsap: naba ki ieit ban ïeng kyrpad ha ki synagog bad ha ki dong ki lad, ba kin ïoh pynpaw ha ki briew. Shisha nga ong ha phi, ki la ïoh ïa la ka nong.

MATHAÏOS 7:21

“Ym u briew baroh uba ong ha nga, ‘A Trai, A Trai’, u ban ïoh leit hapoh ka hima ki bneng; hynrei, uta keiñ uba leh ïa ka mon U Kpa jong nga uba ha bneng.

MATHAÏOS 9:9

Haba U Jisu te u la ïaid noh nangta, u la ïohi ïa u briew, ïa uba la khot “Mathaïos”, uba shong ha ka ïing khrong; U ong te ha u, “To bud ïa nga.” Te haba u la ïeng, u la bud ïa U.

LOUKAS 15:10

Kumta, nga ong ïa phi, ba ka jingkmen ka long ha khmat ki angel U Blei na ka bynta uwei u bapop uba kylla-ka-bamut.”

LOUKAS 19:22

U te u ong ha u, ‘Na ka shyntur jong me ngan bishar ïa me, me u shakri bymman; me la lah tip ba nga long u briew uba eh, uba shim ïa kaba ngam shym la buh, bad uba ot ïa kaba ngam shym la bet:

LOUKAS 7:29

Te uta u paidlang baroh haba u la ïohsngew, bad ki nongkhrong ruh, ki la pynksan ïa U Blei, haba la pynbaptis ïa ki da ka jingbaptis u Ïoannis.

ÏOANNIS 3:3

U Jisu u la ïathuh bad U la ong ha u, “Shisha, shisha nga ong ha me, lymda kha pat ïa u briew, um lah ban ïohi ïa ka hima U Blei.”

ÏOANNIS 3:5

U Jisu u la ïathuh, “Shisha, shisha nga ong ha me, lymda kha ïa u briew na ka um bad na U Mynsiem, um lah ban leit hapoh ka hima U Blei:

KI KAM 17:30

U Blei, namar kata, u la leh kum bym khmih ïa ki aïom ka jingbymtip, hynrei, mynta, u hukum ïa ki briew baroh kylleng la kylleng ban kylla-ka-bamut;

Ka Shithi U Paul Sha Ki Nong Rom 3:19

Te ngi ïatip biang ba ïa kiei kiei ruh, kat kiba ka hukum ka ong, ka kren ha kita keiñ, kiba hapoh kata ka hukum; ba kumta, yn ïoh pynsngap noh jar ïa ka shyntur baroh, bad ba ka pyrthei baroh kan long hapoh ka jingpynrem U Blei.

Ka Shithi U Paul Sha Ki Nong Rom 5:20

Bad ka hukum ka la rung nalor kata, khnang ba kata ka jingryngkang kan da mih byllien. Hynrei, ha kaba ka pop ka la roi byllien, ka jingaiei ka la roi kyrhai kham tam eh:

2 PETROS 3:9

U Trai um leh tud shaphang la ka jingkular, kumba don kiba ïañiew ka jingleh tud; hynrei, u ïaishah slem bad phi, u bym da mon ïano ïano ruh ban jot noh, hynrei, ba baroh kin poi sha ka jingkylla-ka-bamut.