MATHAÏOS 20:21 - KA BAIBL

²¹ U la ong te ha ka, “Pha kwah aïu?” Ka ong ha u, “To hukum ba kine ar ngut ki khun jong nga kin ïoh shong uwei sha kamon jong me, bad uwei sha kadiang jong me, ha ka hima jong me.”

Khasi CL Bible (BSI)

²¹ “Kaei kaba pha kwah?” U Jisu u la kylli ïa ka. Ka la jubab, “To kular ïa nga ba kine ki khun shynrang jong nga kin shong ha ka liang kamon bad ka liang kadiang jong me haba men long u Syiem.”

MATHAÏOS 20:21 ပူးပေါင်းရင်းမြစ်များ

1 SYIEM 2:19

Ka Bathsheba namar kata ka la leit sha u Solomon syiem, ban kren ha u na ka bynta u Adonijah. Te u syiem u la ïeng joit ban shaw ïa ka, bad u la nguh ïa ka, bad u la shong halor la ka khet, bad u la phah buh ka khet ïa ka kmie u syiem; bad ka la shong sha ka kti kamon jong u.

1 SYIEM 3:5

Ha Gibeon U Trai u la paw ha u Solomon ha ka jingphohsniew mynmiet: bad U Blei u la ong, “To pan kaei ngan ai ha me.”

ESTHER 5:3

Ynda kumta, u syiem u la ong ha ka, “Pha kwah aïu, ko Esther syiem? Bad kaei ka long ka jingkyrpad jong pha? Yn ai ïa ka ha pha wat haduh kaba shiteng ka hima.”

SALM 110:1

U Trai u la ong ha U Trai jong nga, “To shong ha ka kti kamon jong nga, tad ynda ngan pynlong ïa ki nongshun jong me ka jingïuh kjat ïa me.”

SALM 45:9

Ki khun kynthei ki syiem hapdeng ki kynthei bakhraw batri jong me: ha ka kti kamon jong me ka ïeng ka syiem ha ka ksiar Ophir.

JEREMAÏAH 45:5

Te me wad ïa kiei kiei ki bakhraw na ka bynta ïa lade? wat wad ïa ki: namar ha khmih, ngan wallam ïa ka jingsniew halor ka doh baroh,’ ” ong U Trai: “hynrei, ïa ka jingim jong me ngan ai ha me kum ka jinglute ha ki jaka baroh kat sha kiba me leit.”

MATHAÏOS 18:1

Mynkata ki synran ki la ïawan ha U Jisu, ki da ong, “Uei uba kham khraw te ha ka hima ki bneng?”

MATHAÏOS 19:28

U Jisu te u la ong ha ki: “Shisha nga ong ha phi, ba phi kiba la ïabud ïa nga, ha ka jingpynthymmai ynda U Khun u briew un shong ha ka khet ka burom jong u, phi ruh phin shong ha ki khat-ar ki khet, ban bishar ïa ki khat-ar ki jaid Israel.

MATHAÏOS 20:22

U Jisu te u da ïathuh u la ong, “Phim tip ïa kaei ba phi pan. Phi lah ban dih na ka khuri na kaba nga ngan sa dih? bad ban pynbaptis ïa phi da kata ka jingbaptis da kaba la pynbaptis ïa nga?” Ki la ong ha u, “Ngi lah.”

MATHAÏOS 20:32

Te U Jisu haba u la ïeng, u la khot ïa ki, bad u la ong, “Phi mon ba ngan leh aïu ïa phi?”

MARKOS 10:51

U Jisu u da ïathuh te U la ong ha u, “Me kwah ba ngan leh aïu ïa me?” Uta u bamatlah u la ong te ha U, “Ko Nonghikai, ba ngan ïoh imat.”

MARKOS 16:19

Kumta te ïa U Trai Jisu, hadien ba U la lah kren ha ki, la pdiang soit sha bneng, bad U la shong sha kamon U Blei.

MARKOS 6:22

bad haba ka khun kata ka Herodias ka la wan hapoh, ka la shad, bad ka la pynsngewbha ruh ïa u Herod, bad ïa kita kiba ïashong bam lem bad u; bad uta u syiem u la ong ha kata ka khynnah, “Pan na nga kat kaba pha mon, te ngan ai ïa pha.”

LOUKAS 18:41

U da ong, “Me kwah ba ngan leh aïu ïa me?” Te u la ïathuh, “Ko Trai, ba ngan ïoh imat.”

LOUKAS 19:11

Te haba ki dang shahshkor ïa kine kiei kiei ruh, u la nang kren nang kren ïa ka pharshi, naba u la hajan Jerusalem, bad ba ki ïamut ba ka hima U Blei kan sa paw kumne kumne ruh.

LOUKAS 22:24

Te ka la mih ruh ka jingïasaid hapdeng jong ki, ïano na ki yn ñiew uba kham khraw.

ÏOANNIS 15:7

Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi.

KI KAM 1:6

Kumta, haba ki la ïawan lang, ki la ïakylli ïa u, ki da ong, “Ko Trai, ha kane ka por men pynïoh pat ïa ka hima ha ki Israel?”

Ka Shithi U Paul Sha Ki Nong Rom 12:10

Ha ka jingïa-ieit parabangeit, to long kiba ïa-ieit noh paralok hi; ha ka jingïañiew burom, to long kiba ïañiew kor paralok hi;

Ka Shithi U Paul Sha Ki Nong Rom 8:34

Uei uta uba pynrem? Dei U Khrist uba la ïap, shisha kham tam keiñ uba la mihpat ruh, uba long ruh sha ka kti kamon U Blei, uba ïai-ïasaid ruh na ka bynta jong ngi.

KOLOSSAI 3:1

Namar kata, lada la pynmih lem ïa phi bad U Khrist, to wad ïa kiei kiei ruh kiba haneng, ha kaba U Khrist u don, uba shong sha ka kti kamon U Blei.