MATHAÏOS 20:19 - KA BAIBL

¹⁹ bad kin ai noh ïa u ha ki Jentil ïa ka ban lehbeiñ bad ban sympat, bad ban sahnarphna ruh; hynrei, ha ka balai ka sngi un mihpat.”

Khasi CL Bible (BSI)

¹⁹ Kin pynrem ïa u sha ka jingïap bad kin aiti ïa u ha ki Jentil, ki ban krenbeiñ ïa u, kin sympat ïa u, bad kin sahnarphna ïa u; hynrei hadien lai sngi yn sa pynmihpat ïa u.”

MATHAÏOS 20:19 ပူးပေါင်းရင်းမြစ်များ

Ka Kitab U Job 30:8

Ki khun jong ki riewbieit, shisha, ki khun ki kynja bapoh; la sympat ïa ki na ka ri.

SALM 35:16

Kum ki nongpyrthuhbeiñ ba sang ha ki jingkhawai, ki kyr-iat da la ki bniat ha nga.

ISAÏAH 26:19

Kiba ïap jong me kin im; ki metïap jong nga kin mih. To peit bad to rwai, phi kiba shong ha ka 'dewmet: namar ka umjer jong me ka long kum ka umjer ki jhur, bad ka khyndew kan bred noh ïa ki baïap.

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

HOSIA 6:2

Ynda la ar sngi un pynim pat ïa ngi: ha ka balai sngi un pynmih pat ïa ngi, te ngin im ha khmat jong u.

MATHAÏOS 12:40

Naba kumba u Jonah u la shong lai sngi bad lai miet ha ka kpoh u dohkha khraw, kumta ruh U Khun u briew un shong lai sngi bad lai miet ha ka kpoh ka khyndew.

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 17:23

bad kin ïa-pynïap ïa u, hynrei, ha ka balai ka sngi yn sa pynmih pat ïa u.” Te ki la ïasngewsih eh.

MATHAÏOS 27:26

Ynda kumta, u la pyllait ïa u Barabbas ha ki; hynrei, ïa U Jisu u la sympat, bad u la aiti noh ïa U ba yn sahnarphna.

MATHAÏOS 27:63

ki ïa-ong, “Ko kynrad, ngi kynmaw ba uta u bashukor u la ong mynba u dang im, ‘Ynda la lai sngi ngan mihpat.’

MARKOS 14:65

don kiba la sdang te ban bynthiew ïa U, bad ban tap matlah ïa ki khmat jong U, bad ban shoh ïa U, bad ban ong ruh ha U, “To ïathuh antad”: kita ki shakri ruh ki la thab ïa U da ki slakti.

MARKOS 15:1

Te kumne kumne ruh, ynda ka la shai, kita ki rangbah lyngdoh ki la ïasylla bad kita ki tymmen basan bad kita ki nongthoh bad kata ka dorbar baroh ruh; haba ki la khum ïa U Jisu, ki la ïalam noh ïa u, bad ki la ai noh ha u Pilat.

MARKOS 15:15

Kumta, u Pilat, ba u da mon ban pynsngewbha ïa uta u paidbah, u la pyllait noh ha ki ïa u Barabbas; te u la ai noh ïa U Jisu, ynda u la sympat ïa U, ban sahnarphna.

LOUKAS 18:32

naba yn ai noh ïa u ha ki Jentil, bad yn krenbeiñ ïa u, bad yn lehbeiñ ïa u, bad yn bynthiew ruh ha u;

LOUKAS 23:11

Hynrei, u Herod bad ki shipai jong u ki la lehbeiñ ïa U, bad ki la pyrthuhbeiñ, bad haba ki la ïa-pynkup ka jaiñ batyngshain ha U, ki la phah noh pat ïa U sha u Pilat.

LOUKAS 24:46

U la ong ruh ha ki, “Kumne la thoh ba ka la dei ïa U Khrist ban shah, bad ban mihpat de na ki nongïap ha ka balai ka sngi;

KI KAM 2:23

ïa une, ba la aiti noh da ka jingthmu ba la buh, bad da ka jingtip lypa U Blei; ma phi da ki kti pop phi la sahnarphna, phi la pynïap ruh;

KI KAM 21:11

Te ynda u la wan ha ngi, bad ba u la shim ïa ka panpoh jong u Paul, u la khum ïa la ki jong ki kti bad kjat, bad u la ong, “Kumne u ong U Mynsiem Bakhuid: ‘Ïa uta u briew uba dei trai kane ka panpoh, kita ki Jiw kin ïakhum kumne ha Jerusalem, bad kin ïa-ai noh ha ki kti ki Jentil.’ ”

KI KAM 4:27

“Namar da shisha ha kane ka shnong, u Herod bad u Pontios Pilat, lem bad ki Jentil bad ki paidbah Israel, ki la ïalum lang ïa ka ban ïaleh ïa U Jisu U Khun u bakhuid jong me, ïa uba me la pynsleh,