MATHAÏOS 2:8 - KA BAIBL

⁸ Bad haba u la phah noh ïa ki sha Bethlehem, u la ong, “To khie leit noh ïawad biang biang ruh ïa uta u khunlung; bad ynda phi la shem, wan ïathuh pat ha nga, ba nga ruh ngan ïoh wan mane ïa u.”

Khasi CL Bible (BSI)

⁸ Nangta u la phah noh ïa ki sha Bethlehem ryngkat bad kine ki jingbthah: “Khie leit bad da wad biang biang ïa u khunlung, bad haba phi shem ïa u, pyntip sha nga, ba kumta nga ruh nga lah ban leit bad mane ïa u.”

MATHAÏOS 2:8 ပူးပေါင်းရင်းမြစ်များ

2 SAMUEL 17:14

Bad u Absalom bad ki rangbah Israel baroh ki la ïa-ong, “Ban ïa ka jingpynibuit u Ahithophel lah ka jingpynibuit u Hushai u nong Arkhi.” Naba U Trai u la buh khnang ban pynduh noh ïa ka jingpynibuit ka babha u Ahithophel, khnang ba U Trai un ïoh pynwan ïa ka jingsniew halor u Absalom.

1 SYIEM 19:2

Ynda kumta, ka Jesebel ka la phah nonglam-ktien sha u Elijah, ka da ong, “To ki blei kin leh kumta ïa nga, bad palat ruh, lada ngan ym pynlong hamar kane ka por lashai ïa ka jingim jong me kum ka jingim jong uwei na kita.”

PROBERB 21:30

Ym don lymne ka jingstad lymne ka jingshemphang lymne ka jingpyrkhat ba-ïaleh ïa U Trai.

SNGEWSYNEI 3:37

Uei uta uba ong, bad ka wan jia, haba U Trai um hukum ïa kata?

MATHAÏOS 2:1

Haba la kha ïa U Jisu ha Bethlehem Judia, mynba u Herod u long syiem, ha khmih, la wan ki riewstad na mihngi sha Jerusalem,

MATHAÏOS 2:7

Ynda kumta, u Herod haba u la khot jar jar ïa kita ki riewstad, u la kylli biang biang ruh na ki, ïa ka aïom ba u la mihpaw uta u khlur.

MATHAÏOS 2:9

Te haba ki la ïohsngew ïa u syiem, ki la leit noh: ha khmih ruh, uta u khlur, ïa uba ki la ïohi ha mihngi, u la leit sha shuwa jong ki, tad ynda u la poi bad u la neh haneng ka jaka ha kaba u don uta u khunlung.