MATHAÏOS 2:4 - KA BAIBL

⁴ Te haba u la ïalum lang ïa ki rangbah lyngdoh baroh bad ïa ki nongthoh u paidbah, u la kylli ïa ki, “Hangno ba yn kha ïa U Khrist?”

Khasi CL Bible (BSI)

⁴ U la khot lang ïa baroh ki rangbah lyngdoh bad ïa ki nonghikai Aiñ bad u la kylli ïa ki, “Hangno yn kha ïa u Messaïah?”

MATHAÏOS 2:4 ပူးပေါင်းရင်းမြစ်များ

2 KHRONIKL 34:13

Ki long ruh halor ki nongkit jingkit, bad ki la pyntrei ïa baroh kat kiba trei ïa kano kano ka kam: bad na ki Lebi la don ki nongthoh, bad ki nongkam, bad ki nongap khyrdop.

2 KHRONIKL 34:15

Te u Hilkiah u la ïathuh bad u la ong ha u Shaphan u nongthoh, “Nga la shem ïa Ka Kitab Ka Hukum ha ka ïing U Trai.” Bad u Hilkiah u la aiti ïa kata Ka Kitab ha u Shaphan.

2 KHRONIKL 36:14

Nalor kata ruh ki rangbah baroh jong ki lyngdoh, bad u paidbah, ki la leh palat shibun eh ha kaba bud ïa ki jingijli baroh jong ki nongmane bleithaw; bad ki la pyntngit ïa ka ïing U Trai ïa kaba u la pynkyntang ha Jerusalem.

ESRA 10:5

Te u Esra u la ïeng, bad u la pynsmai ïa kiba kham rangbah na ki lyngdoh, ïa ki Lebi, bad ïa ki Israel baroh, ba kin leh katba kum kane ka ktien, kumta ki la smai.

ESRA 7:6

une u Esra la leit kiew na Babilon; bad u la long u nongthoh uba nang ha Ka Hukum u Moses, ïa kaba U Trai, U Blei ki Israel, U la ai: bad u syiem u la ai ha u ïa ka jingkyrpad jong u baroh, kat kumba ka kti U Trai U Blei jong u kaba halor jong u.

NEHEMAÏAH 12:7

u Sallu, u Amok, u Hilkiah, u Jedaïah. Kine ki la long ki rangbah jong ki lyngdoh bad ki para jong ki ha ki sngi u Jeshua.

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

JEREMAÏAH 8:8

“Kumno phi ong, ‘Ngi long ki bastad, bad ka hukum U Trai ka don bad ngi?’ Hynrei, ha khmih, u khulom shukor jong ki nongthoh u la trei shukor.

MALAKHI 2:7

Naba ki rmiang shyntur u lyngdoh ki dei ban sumar khop ïa ka jingtip, bad ki dei ban wad ïa ka hukum na ka shyntur jong u: naba u long u nonglam-ktien jong U Trai ki paid.

MATHAÏOS 13:52

U la ong te ha ki, “Namar kata, u nongthoh baroh uba la ïoh hikai ha ka hima ki bneng, u long kum u briew uba u trai ïing, uba sei noh na ka jingkynshew jong u ïa kiei kiei ruh ki bathymmai bad barim.”

MATHAÏOS 2:3

Hynrei, haba u Herod syiem u la ïohsngew ïa kata, u la khihwin, bad ka Jerusalem baroh lem bad u.

MATHAÏOS 2:5

Te ki la ïathuh ha u, “Ha Bethlehem Judia: naba kumne la thoh da u nongïathuhlypa,

MATHAÏOS 21:15

Haba ki rangbah lyngdoh bad ki nongthoh ki la ïohi ïa kita ki kam phylla kiba u la leh, bad ïa ki khynnah ba ki ïapyrta ha ka templ, bad ba ki ïa-ong ruh, “Hosanna ïa U khun u Dabid!” ki la sngewbitar eh,

MATHAÏOS 21:23

Haba u la wan te ha ka templ, ki rangbah lyngdoh bad ki tymmen basan jong u paidbah ki la wan ha u haba u dang hikai, ki da ong, “Da ka bor aïu ba me leh ïa kine kiei kiei ruh? Bad uei ba la ai ïa kane ka bor ha me?”

MATHAÏOS 26:3

Ynda kumta, ki la ïalang ki rangbah lyngdoh bad ki nongthoh bad ki tymmen basan jong u paidlang ha ka ïingbah u rangbah lyngdoh, ïa uba ki khot “u Kaïaphas”;

MATHAÏOS 26:47

Haba U dang kren ruh, ha khmih u Judas, uba uwei na ki khat-ar ngut, u la wan, bad u paidbah babun lem bad u bad ki waitlam bad ki diengduh ruh, na ki rangbah lyngdoh bad na ki tymmen basan jong u paidbah.

MATHAÏOS 27:1

Haba ka la shai te, ki rangbah lyngdoh baroh bad ki tymmen basan jong u paidlang ki la ïasylla shaphang U Jisu, ïa ka ban pynïap ïa u.

MATHAÏOS 7:29

naba u la hikai ïa ki kum uba don bor, bym kum ki nongthoh te.

MARKOS 8:31

Te u la sdang ban hikai ïa ki, ba ka dei ïa U Khun u briew ban shah shibun kiei kiei ruh, bad ba yn kyntait da ki tymmen basan, bad ki rangbah lyngdoh, bad ki nongthoh, bad ba yn pynïap ruh; bad hadien lai sngi un mihpat.

LOUKAS 20:19

Kita ki rangbah lyngdoh bad kita ki nongthoh te ki la ïawad dong ban kem ïa U ha kata ka por, hynrei, ki la ïasheptieng ïa u paidlang; naba ki la sngewthuh ba dei ïa ki ba U la kren ïa kane ka pharshi.

LOUKAS 23:10

Te kumta kita ki rangbah lyngdoh bad kita ki nongthoh ki la ïeng, ki da mudui jam eh ïa U.

ÏOANNIS 18:3

Ynda kumta, u Judas haba u la ïoh shi kynhun ki shipai, bad ïa ki shakri rangbah na ki rangbah lyngdoh bad na ki Pharisi, u la wan hangta lem bad ki sharak bad ki jingtbeh ding bad ki atiar.

ÏOANNIS 3:10

U Jisu u la ïathuh bad U la ong ha u, “Me long u nonghikai jong u Israel, bad mem tip ïa kine kiei kiei ruh?

ÏOANNIS 7:32

Ki Pharisi ki la ïohsngew ïa uta u paidbah ba u ïakren pasiaw ïa kine kiei kiei ruh shaphang jong U; te kita ki Pharisi bad ki rangbah lyngdoh ki la ïaphah ïa ki shakri dorbar, ba kin kem ïa U.

ÏOANNIS 8:3

Te ki nongthoh bad ki Pharisi ki wallam ha u ïa ka briew ïa kaba la kem ha kaba klim: bad haba ki la buh ïa ka hapdeng,

KI KAM 23:9

Te la mih ka jingkhynwin jlang; bad haba la ïaïeng joit ki nongthoh kiba na ka liang ki Pharisi, ki la ïa-pyneh noh, ki da ong, “Ngim shem ka basniew ei ei ruh ha une u briew; hynrei, yn leh kumno lada ka mynsiem ka la kren ha u, lane u angel?”

KI KAM 4:5

Ka la jia te ynda kum lashai, ba ki nongsynshar jong ki, bad ki tymmen basan, bad ki nongthoh de, ki la ïalum lang ha Jerusalem,

KI KAM 6:12

Te ki la ïapynkhih ïa uta u paidbah, bad ïa ki tymmen basan, bad ïa ki nongthoh, bad haba ki la lah ïawan buk ha u, ki la kem ïa u, bad ki la ïalam noh sha ka dorbar.