MATHAÏOS 2:23 - KA BAIBL

²³ Haba u la poi ruh, u la shong duh ha ka shnong ba la khot “ka Nasaret”: ba kumta yn pyndep ïa kata ba la ong da ki nongïathuhlypa, “Ba yn khot ‘u nong Nasaret’ ïa u.”

Khasi CL Bible (BSI)

²³ bad u la shong la sah noh ha ka shnong kaba kyrteng ka Nasareth. Bad kumta kaei kaba ki nongïathuhlypa ki la lah ong ka la urlong shisha: “Yn khot ïa u, u nong Nasareth.”

MATHAÏOS 2:23 ပူးပေါင်းရင်းမြစ်များ

JINGKHEIÑ 6:13

“Kane te ka hukum ka jinglong Nasar, haba la pyndep ïa kita ki sngi ka jinglong Nasar jong u: ‘To ai ba yn wallam ïa u ha ka jingkhang Ka Tabernakl ka jingïaseng:

MATHAÏOS 1:22

La leh ïa kane baroh te, ba kumta yn pyndep ïa kata ba la ong U Trai da u nongïathuhlypa, u da ong,

MATHAÏOS 21:11

Kita ki paidbah te ki la ong, “Une u long uta u nongïathuhlypa, U Jisu keiñ, uba na Nasaret ha Galilaïa.”

MATHAÏOS 26:71

Haba u la mih noh te sha ka baranda, kawei pat ka la ïohi ïa u, bad ka la ong ha kiba hangta, “Une u briew ruh u la long lem bad U Jisu u nong Nasaret.”

MARKOS 1:24

u da ong, “Iehnoh ïa ngi; me donkam aïu bad ngi, me U Jisu uba na Nasaret? me la wan khnang ban pynjot ïa ngi? nga ithuh ïa me uei me long, U Bakhuid u jong U Blei.”

MARKOS 1:9

Ka la jia ruh ha kita ki sngi, ba U Jisu u la wan na Nasaret kaba ha Galilaïa, bad la pynbaptis ïa u da u Ïoannis ha ka Jordan.

LOUKAS 1:26

Te ha u bnai u bahynriew la phah ïa uta u angel Gabriel na U Blei sha ka shnong ha Galilaïa, kaba kyrteng “ka Nasaret”,

LOUKAS 18:37

Te ki la ïathuh ha u, “U Jisu uba na Nasaret u dang ïaid nangne.”

LOUKAS 2:39

Ynda ki la pyndep te ïa kiei kiei baroh katba kum ka hukum U Trai, ki la ïawan phai pat sha Galilaïa, sha ka shnong jong ki, ka Nasaret.

ÏOANNIS 18:5

Ki la ïathuh ha u, “Ïa U Jisu u nong Nasaret.” U Jisu u ong ha ki, “Nga long ma u.” Te u Judas ruh, uba la die noh ïa U, u la ïeng lem bad ki.

ÏOANNIS 18:7

Namar kata, U la kylli ïa ki pat, “Ïano phi ïawad?” Ki te ki la ïa-ong, “Ïa U Jisu u nong Nasaret.”

ÏOANNIS 19:19

U Pilat ruh u la thoh ïa ka jingthoh, bad u la buh ha kata ka diengphna; bad la thoh, “U JISU U NONG NASARET, U SYIEM KI JIW.”

KI KAM 2:22

“Ko ki rangbah Israel, to sngew ïa kine ki ktien: ïa U Jisu uba na Nasaret, u briew ba U Blei u la pynithuh shynna ha phi da ki kambah, bad da ki jingphylla, bad da ki dak khyllah de, kiba U Blei u la leh da u hapdeng jong phi, kumba phi hi ruh phi tip,

KI KAM 24:5

Namar ngi la shem ïa une u briew u nongpynjot, bad uba shet ïa ka jingkhihwin hapdeng ki Jiw baroh kylleng ka pyrthei, u nongïalamphrang ruh ïa kata ka kynja niam jong ki Nasaret.

NONGBISHAR 13:5

naba ha khmih, phan sa punkhun, bad phan kha khun shynrang; ka syrti kan ym dei ïa ka khlieh jong u: naba uta u khunlung un long u Nasar ha U Blei naduh ka kpoh: bad un sdang ban pyllait ïa ki Israel na ka kti ki Philistia.”

1 SAMUEL 1:11

Ka la smai da ka kular ruh, ka da ong, “A Trai ki paid, lada shisha men khmih ïa ka jingjynjar ka shakri jong me, bad men kynmaw ïa nga, men ym klet ruh ïa la ka shakri, hynrei, men da ai khun shynrang ha la ka shakri, te nga ruh ngan aiti ïa u ha U Trai baroh ki sngi ka rta jong u, bad ka syrti kan ym dei ïa ka khlieh jong u.”