MATHAÏOS 2:16 - KA BAIBL

¹⁶ Ynda kumta, u Herod, haba u la ïohi ba la shukor ïa u da kita ki riewstad, u la bitar eh lep, bad u la phah pynïap noh ïa ki khun shynrang baroh kiba ha Bethlehem, bad ha ki phang jong ka baroh, naduh kiba ar snem bad kiba kham poh, kumba dei kata ka aïom ïa kaba u la kylli biang biang ruh na kita ki riewstad.

Khasi CL Bible (BSI)

¹⁶ Haba u Herod u la sngewthuh ba ki nongwan jngoh na mihngi ki la shukor ïa u, u la bitar lep. U la ai hukum ban pynïap ïa ki khynnah shynrang baroh ha Bethlehem bad ha ki shnong ba-marjan kiba la dap ar snem bad kiba kham rit — ïa kane la leh kat kum kaei kaba u la tip na ki nongwan jngoh shaphang ka por mynba u khlur u la lah mihpaw.

MATHAÏOS 2:16 ပူးပေါင်းရင်းမြစ်များ

JENESIS 39:14

ba ka la khot ïa ki rangbah ka ïing jong ka, bad ka la ïathuh ha ki, ka da ong, “To khmih, u la wallam hapoh ïa u kynja Hebru ha ngi ïa ka ban pynjahburom ïa ngi; u la wan bsut sha nga ïa ka ban thiah lem bad nga, nga te nga la kyang jam:

JENESIS 39:17

Bad ka la kren ha u kum da kine ki ktien, ka da ong, “Uta u shakri uba kynja Hebru ïa uba me la wallam sha ngi, u la wan bsut sha nga ïa ka ban pynkheiñ burom ïa nga:

JENESIS 49:7

Long ba la tim ïa ka jingbitar jong ki, naba ka la sat eh; bad ïa ka jingpynhiar kput jong ki, naba ka la i runar eh: ngan pynïakhlad ïa ki ha u Jakob, bad ngan pynsaphred ïa ki ha Israel.

2 SYIEM 8:12

Te u Hasael u la ong, “Balei ba u kynrad jong nga u ïam?” U te u la ïathuh, “Namar nga tip ïa ka basniew kaba men leh ha ki khun Israel: ïa ki kut baskhem jong ki men wiang da ka ding, ïa ki samla jong ki men pynïap da ka waitlam, bad men lympat lyngkhot lyngkhai ïa ki khunlung jong ki, bad men tar ïa ki kynthei jong ki, kiba punkhun.”

Ka Kitab U Job 12:4

Nga long kum ïa uba la rkhiebeiñ da u paramarjan, uba la duwai ha U Blei, bad u la phai ktien ruh ïa u: u bahok, uba janai u long ïa uba la rkhiebeiñ.

PROBERB 28:15

Kum u sing u bakyrhuh, bad ka dngiem ba ïaidwir; kumta long u nongsynshar bymman halor ki briew ki baduk.

PROBERB 28:17

U briew uba kit ïa ka snam jong uno uno un phet ïap sha ka 'liewlep; to mano mano wat khang ïa u.

ISAÏAH 26:21

Namar ha khmih, U Trai u mih noh na la ka jaka ban pynshitom ïa kiba shong ha ka khyndew namar ka jingleh bymhok jong ki: ka khyndew ruh kan pynpaw ïa ka snam jong ka, bad kan ym tap shuh ïa kiba la pynïap jong ka.

ISAÏAH 59:7

Ki sla'jat jong ki, ki phet sha ka basniew, bad ki long kiba stet ban pynmih snam balui lui: ki jingmut jong ki, ki long ki jingmut bymhok: ka jingpynduh bad ka jingpynjot ki long ha ki lynti ïaid jong ki.

DANIEL 3:13

Ynda kumta, u Nebukhadnessar ha la ka jingbitar bad ka jingotshla u la hukum ban wallam ïa u Shadrak, ïa u Meshak, bad ïa u Abednego. Ynda kumta, ki la wallam ïa kine ki briew ha khmat u syiem.

HOSIA 10:14

Namar kata, ka jingkhihwin kan mih hapdeng u paidlang jong me, bad ïa ki kut jong me baroh yn lute, kumba u Shalman u la lute ïa ka Beth-arbel ha ka sngi ka jingïaleh thma: ïa ka kmie la lympat lem bad la ki khun.

JINGKHEIÑ 22:29

Te u Balaam u la ong ha ka kadda, “Namar ba pha la lehbeiñ ïa nga: A ban da don ka waitlam ha ka kti jong nga, ba kumta ngan da pom ïap ïa pha mynta.”

JINGKHEIÑ 24:10

Te ka jingbitar u Balak ka la meh lep pyrshah ïa u Balaam, bad u la thab kti: bad u Balak u la ong ha u Balaam, “Nga la khot ïa me ban tim ïa ki nongshun jong nga, te, ha khmih, da kaba kyrkhu me la kyrkhu ïa ki, kine lai sien.

MATHAÏOS 2:1

Haba la kha ïa U Jisu ha Bethlehem Judia, mynba u Herod u long syiem, ha khmih, la wan ki riewstad na mihngi sha Jerusalem,

MATHAÏOS 2:17

Te kumta, la pyndep ïa kata ba la ong da u Jeremaïah u nongïathuhlypa, u da ong,

MATHAÏOS 2:7

Ynda kumta, u Herod haba u la khot jar jar ïa kita ki riewstad, u la kylli biang biang ruh na ki, ïa ka aïom ba u la mihpaw uta u khlur.

JINGPYNPAW 12:4

Bad ka tdong jong u ka ring ïa ka balai ka bynta na ki khlur ka bneng, bad ka la bred noh ïa ki sha ka khyndew: bad uta u ïakjakor u la ïeng ha khmat kata ka briew ka ban sa kha khun, khnang ba ynda ka la kha, un ïoh bam duh ïa ita i khunlung jong ka.

JINGPYNPAW 17:6

Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu: Te haba nga la ïohi ïa ka, nga la sngewphylla da ka jingsngewphylla bakhraw.

NONGBISHAR 16:10

Te ka Delilah ka la ong ha u Samson, “Ha khmih, me la ibeiñ ïa nga, bad me la kren lamler ïa nga: nga kyrpad ïa me, to ïathuh ïa nga, da ei lah ban khum ïa me.”