MATHAÏOS 2:13 - KA BAIBL

¹³ Haba ki la ïaleit noh, ha khmih, u angel U Trai u la paw ha u Joseph ha ka jingphohsniew, u da ong, “To ïeng to shim noh ruh ïa u khunlung bad ïa ka kmie jong u, to phet noh sha ri Ijipt, bad men shong hangta tad ynda ngan ong ha me: naba u Herod un sa wad ïa uta u khunlung ïa ka ban pynïap noh ïa u.”

Khasi CL Bible (BSI)

¹³ Hadien ba ki la lah mihnoh, u angel jong U Trai u la paw ha ka jingphohsniew ha u Joseph bad u la ong, “U Herod un sa wad ïa u khunlung khnang ban pynïap ïa u. Kumta to ïeng joit, ïalam ïa u khunlung bad ïa ka kmie jong u bad phet noh sha Ijipt bad sah hangta tad haduh ba ngan da ong ïa me ba men mihnoh.”

MATHAÏOS 2:13 ပူးပေါင်းရင်းမြစ်များ

1 SYIEM 11:17

uta u Hadad u la phet ïap, ma u bad ki nong Edom ruh bad u ki shakri u kpa jong u, ïa ka ban leit sha Ijipt; myn haba u Hadad u dang khynnah eh.

1 SYIEM 3:5

Ha Gibeon U Trai u la paw ha u Solomon ha ka jingphohsniew mynmiet: bad U Blei u la ong, “To pan kaei ngan ai ha me.”

Ka Kitab U Job 33:15

Ha ka jingphohsniew, ha ka jingithuhpaw mynmiet, haba ka jingïohthiah lyngngai ka hap ha ki briew, ha ki jingsamthiah ha jingthiah;

Ka Kitab U Job 33:17

ba un ïoh ring ïa u briew na la ka jingthmu, bad ba un buhrieh ïa ka jingsarong na u briew;

EKSODOS 1:22

Te u Pharaoh u la hukum ïa ki briew jong u baroh, u da ong, “Ïa ki khun shynrang baroh kiba yn kha to phin bred noh sha kata ka wah, hynrei, ïa ki khun kynthei baroh phin ri im.”

MATHAÏOS 1:20

Hynrei, haba u dang puson ïa kine kiei kiei ruh, ha khmih, u angel U Trai u la paw ha u ha ka jingphohsniew, u da ong, “Ko Joseph, u khun u Dabid, wat sheptieng ban shim ha me ïa ka Mari ka tnga jong me: naba ita iba la pun ha ka, i long na U Mynsiem Bakhuid:

MATHAÏOS 10:23

Hynrei, haba ki ïabehbeiñ ïa phi ha kawei ka shnong, to ïaphet sha kawei pat: naba shisha nga ong ha phi, ba phin ym pat lah pyndep ïa ki shnong ki Israel, tad ynda un wan U Khun u briew.

MATHAÏOS 2:12

Te haba la maham lypa ïa ki na U Blei ha ka jingphohsniew ba kin ym leit phai pat sha u Herod, ki la ïaleit noh sha la ka ri na kawei pat ka lynti.

MATHAÏOS 2:14

Te haba u la ïeng, u la shim noh ïa uta u khunlung bad ïa ka kmie jong u mynmiet, bad u la leit noh sha Ijipt:

MATHAÏOS 2:16

Ynda kumta, u Herod, haba u la ïohi ba la shukor ïa u da kita ki riewstad, u la bitar eh lep, bad u la phah pynïap noh ïa ki khun shynrang baroh kiba ha Bethlehem, bad ha ki phang jong ka baroh, naduh kiba ar snem bad kiba kham poh, kumba dei kata ka aïom ïa kaba u la kylli biang biang ruh na kita ki riewstad.

MATHAÏOS 2:22

Hynrei, haba u la ïohsngew ba u Arkhelos u synshar ha Judia ha ka jaka u Herod u kpa jong u, u la sngewsheptieng ban leit shata: te haba la maham lypa ïa u na U Blei ha ka jingphohsniew, u la kynriah noh sha ki phang ka Galilaïa.

KI KAM 10:22

Te ki la ïathuh, “U Kornilios, u rangbah shispah, u briew u bahok, bad uba sheptieng ïa U Blei, bad uba la ïoh ka jingïaroh na ka jaid Jiw baroh, la sneng ïa u da u angel bakhuid ban phah khot ïa me shapoh ka ïing jong u, bad ban ïohsngew ïa ki ktien na me.”

KI KAM 10:7

Te ynda uta u angel uba la kren ha u, u la leit noh, u la khot ar ngut na ki shakri ïing jong u, bad ïa u shipai bariewblei na kita kiba ju ïa-ap ïa u;

KI KAM 12:11

Te u Petros haba u la kyndit bynriew, u la ong, “Mynta nga tip da shisha, ba U Trai u la phah ïa u angel jong u, bad u la pyllait noh ïa nga na ka kti u Herod, bad na baroh ka jingkhmih lynti jong uta u paidbah Jiw.”

KI KAM 12:7

Te ha khmih, u angel U Trai u la ïeng hajan jong u, bad ka jingshai ka la tyngshaiñ ha kata ka kamra; te u la kyntuit na ka krung jong u Petros, bad u la kyrsiew ïa u, u da ong, “To ïeng kloi kloi!” Te ki kynjri jong u ki la hap noh na ki kti jong u.

KI KAM 16:36

Uta u nongap byndi te u la ïathuh ïa kine ki ktien ha u Paul, “Ki majistor ki la phah pyllait noh ïa phi: mynta namar kata ale mih noh, bad leit noh ha kaba suk.”

KI KAM 5:19

Hynrei, mynmiet, u angel U Trai u la plie wang ïa ki jingkhang kata ka ïing byndi, bad haba u la ïalam noh ïa ki shabar, u la ong,

KI KAM 7:19

Une, u la leh shukor ïa ka jaid jong ngi, bad u la pynshitom ïa ki kpa jong ngi, ba kin bred noh ïa ki khunlung jong ki, khnang ba kin ym im.

JOSHUA 3:13

Kan jia ruh ba, katba ki poh'jat ki lyngdoh kiba bah ïa ka synduk U Trai, U Trai ka pyrthei baroh keiñ, kin ïeng ha ki um ka Jordan, ba ïa ki um ka Jordan yn pynkhlad noh, kata, ïa ki um kiba hiar na neng; bad kin ïeng kum ka kynton.”

JOSHUA 3:17

Bad ki lyngdoh kiba bah ïa ka synduk ka jutang U Trai ki la ïeng skhem ha ryngkew hapdeng ka Jordan, bad ki Israel baroh ki la leit sha shiliang na ryngkew, ha ban da u paidbah baroh u la leit phar sha shiliang ka Jordan.

JOSHUA 4:10

Te kita ki lyngdoh kiba bah ïa kata ka synduk ki la ïeng hapdeng ka Jordan, ha ban da la pyndep ïa baroh ba la hukum U Trai ha u Joshua ban kren ha u paidbah, katba kum ïa baroh ba la hukum u Moses ha u Joshua: te uta u paidbah u la kyrkieh bad u la leit sha shiliang.

JOSHUA 4:18

Te haba kita ki lyngdoh kiba bah ïa kata ka synduk ka jutang U Trai ki la kiew noh napdeng ka Jordan, bad ba ki sla'jat kita ki lyngdoh ki la kiew sha ryngkew, ki um ka Jordan ki la phai pat sha la ka jaka, bad ki la shlei ïa la ki rud baroh, kumba mynshuwa.

JINGPYNPAW 12:14

Te la ai ha kata ka briew ar tylli ki thapniang jong ka pukni ka bakhraw, ba kan da ïoh her noh sha kata ka ri khlaw sha kata ka jaka jong ka, ha kaba yn bsa ïa ka shi Ïa, bad ki Ïa, bad ka shiteng Ïa, na khmat uta u bseiñ.

JINGPYNPAW 12:4

Bad ka tdong jong u ka ring ïa ka balai ka bynta na ki khlur ka bneng, bad ka la bred noh ïa ki sha ka khyndew: bad uta u ïakjakor u la ïeng ha khmat kata ka briew ka ban sa kha khun, khnang ba ynda ka la kha, un ïoh bam duh ïa ita i khunlung jong ka.

JINGPYNPAW 12:6

Bad kata ka briew ka la phet ïap sha ka ri khlaw, ha kaba ka don ka jaka ïa kaba la khreh da U Blei, khnang ba hangta kin ïoh ïabsa ïa ka, shi hajar arspah hynriewphew sngi.