MATHAÏOS 2:12 - KA BAIBL

¹² Te haba la maham lypa ïa ki na U Blei ha ka jingphohsniew ba kin ym leit phai pat sha u Herod, ki la ïaleit noh sha la ka ri na kawei pat ka lynti.

Khasi CL Bible (BSI)

¹² Nangta ki la leit phai noh sha la ka ri na kawei pat ka lynti, namar U Blei u la maham ïa ki ha ka jingphohsniew ban ym leit phai pat sha u Herod.

MATHAÏOS 2:12 ပူးပေါင်းရင်းမြစ်များ

JENESIS 31:24

Bad U Blei u la wan ha u Laban u kynja Syria mynmiet ha ka jingphohsniew, bad u la ong ha u, “To sumar ba men ym kren ei ei ruh ha u Jakob ka babha ne ka basniew.”

EKSODOS 1:17

Hynrei, kita ki nongbat khun ki la sheptieng ïa U Blei, bad kim shym leh kumba uta u syiem ka ri Ijipt u la hukum ïa ki, hynrei, ki la ri im ïa ki khun shynrang.

DANIEL 2:19

Ynda kumta, la pynpaw ïa kata ka jingbuhrieh ha u Daniel ha ka jingithuhpaw mynmiet. Ynda kumta, u Daniel u la kyrkhu ïa U Blei ka bneng.

MATHAÏOS 1:20

Hynrei, haba u dang puson ïa kine kiei kiei ruh, ha khmih, u angel U Trai u la paw ha u ha ka jingphohsniew, u da ong, “Ko Joseph, u khun u Dabid, wat sheptieng ban shim ha me ïa ka Mari ka tnga jong me: naba ita iba la pun ha ka, i long na U Mynsiem Bakhuid:

MATHAÏOS 2:13

Haba ki la ïaleit noh, ha khmih, u angel U Trai u la paw ha u Joseph ha ka jingphohsniew, u da ong, “To ïeng to shim noh ruh ïa u khunlung bad ïa ka kmie jong u, to phet noh sha ri Ijipt, bad men shong hangta tad ynda ngan ong ha me: naba u Herod un sa wad ïa uta u khunlung ïa ka ban pynïap noh ïa u.”

MATHAÏOS 2:19

Hynrei, haba la ïap u Herod, ha khmih, u angel U Trai u la paw ha u Joseph ha ka jingphohsniew ha Ijipt,

MATHAÏOS 2:22

Hynrei, haba u la ïohsngew ba u Arkhelos u synshar ha Judia ha ka jaka u Herod u kpa jong u, u la sngewsheptieng ban leit shata: te haba la maham lypa ïa u na U Blei ha ka jingphohsniew, u la kynriah noh sha ki phang ka Galilaïa.

MATHAÏOS 27:19

Haba u dang shong te ha ka jingshong bishar, ka tnga jong u ka la phah ha u, ka da ong, “Wat leh ei ei ruh em ïa uta u bahok, naba nga la shah shibun ha ka jingphohsniew mynta na ka bynta jong u.”

LOUKAS 2:26

La pynpaw te ha u da U Mynsiem Bakhuid, ba un ym ïohi ïa ka jingïap, katba um pat ïohi ïa U Khrist u jong U Trai.

KI KAM 10:22

Te ki la ïathuh, “U Kornilios, u rangbah shispah, u briew u bahok, bad uba sheptieng ïa U Blei, bad uba la ïoh ka jingïaroh na ka jaid Jiw baroh, la sneng ïa u da u angel bakhuid ban phah khot ïa me shapoh ka ïing jong u, bad ban ïohsngew ïa ki ktien na me.”

KI KAM 4:19

Hynrei, u Petros bad u Ïoannis ki la ïathuh bad ki la ong ha ki, “La ka shong hok ha khmat U Blei ban sngap ïa phi kham tam ban ïa U Blei, to khan ma phi:

KI KAM 5:29

Te u Petros bad ki apostol, ki la ïathuh bad ki la ïa-ong, “Ngi dei ban kohnguh ïa U Blei kham tam ban ïa ki briew.

1 KORINTH 3:19

Namar kata ka jingstad jong kane ka pyrthei, ka long ka jingbieit ha U Blei. Namar la thoh: “U kem ïa ki bastad ha ka buit sianti jong ki hi.”

HEBRU 11:7

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

HEBRU 8:5

kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.”