MATHAÏOS 2:11 - KA BAIBL

¹¹ Haba ki la ïawan ruh ha ka ïing, ki la ïohi ïa uta u khunlung lem bad ka Mari ka kmie jong u; haba ki la ïadem ki la ïamane ruh ïa u; bad haba ki la ïalaw ïa ki jingsong jong ki, ki la ïatyrwa ai ki jingai ha u, ïa ka ksiar, bad ïa ka jingiwbih, bad ïa ka mirr de.

Khasi CL Bible (BSI)

¹¹ Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

MATHAÏOS 2:11 ပူးပေါင်းရင်းမြစ်များ

JENESIS 43:11

Ynda kumta, u Israel u kpa jong ki u la ïathuh ha ki, “Lada ka dei ban long kumta te, to leh ïa kane; to shim na kiei kiei ruh ki babha tam jong kane ka ri ha ki jingdiang jong phi, bad to ïaleit lam arsut sha uta u briew da ka jingai sngewbha, ïa khyndiat ka umkseh baiwbih bakordor, bad khyndiat ka ngap, ïa ki masla, bad ïa ka mirr, ïa ki kwai, bad ki soh Khyllam.

1 SYIEM 10:10

Bad ka la ai ha u syiem shispah arphew ki talent ksiar, bad ki jingiwbih shibun eh, bad ki mawkordor: ym shym la poi shuh ki jingiwbih ki ban bun kat kine kiba ka syiem Sheba ka la ai ha u syiem Solomon.

1 SYIEM 10:2

Bad ka la wan sha Jerusalem bad shibun bah ki nongbud, lem bad ki ut kiba kit ki jingiwbih, bad shikatdei eh ka ksiar, bad ki mawkordor: te haba ka la poi ha u Solomon, ka la ïakren bad u shaphang kiei kiei baroh kiba ha ka dohnud jong ka.

SALM 2:12

To doh ïa u khun, ïoh un bitar, bad ba phi ïap duh noh ha ka lynti, naba ka jingbitar jong u kan sa meh kloi. Suk kita baroh kiba shaniah ha u.

SALM 45:8

Ki jaiñ jong me baroh ki iw mirr, bad aloes, bad kassia; na ki ïingsyiem kiba da ki bniat hati ki jingtem ksai ki la pynkmen ïa me.

SALM 72:10

Ki syiem Tarshish bad ki jong ki 'dewlynnong kin wallam ki jingai sngewbha: ki syiem Sheba bad Seba kin ai ki jingai.

SALM 72:15

bad kin ïoh im; bad ha u yn ai na ka ksiar Sheba: bad ki briew kin duwai na ka bynta jong u ha la ka sngi; bad kin kyrkhu ïa u baroh shi sngi.

SALM 95:6

Ale, to ngin ïamane bad dem ngon; to ngin ïadem khohsiew ha khmat U Trai Nongthaw jong ngi:

EKSODOS 30:23

“To shim ruh ha me ïa ki jingiwbih bakordor, na ka mirr basngur, sanspah shekel; bad na ka sisia bathiang, shiteng na kata, arspah sanphew shekel keiñ; bad na ka kalamis bathiang, arspah sanphew shekel;

EKSODOS 30:34

U Trai u la kren ruh ha u Moses, “To shim ha me ïa ki jingiwbih bathiang, ïa ka stakte, bad ïa ka onikha bad ïa ka galbanam; ïa kine ki musla bathiang lem bad ka luban: na kawei kawei men shim kumjuh.

JINGRWAI SOLOMON 3:6

Uei une uba wan mih noh na ka ri khlaw kum ki rishot tdem, uba iwbih mirr bad ka jingiwbih, ki musla baroh ruh jong u nongkhaïi?

ISAÏAH 60:6

Bun byllien ki ut kin tap lup ïa pha, ki ut bastet ka Midian bad ka Ephah: baroh kiba na Sheba kin wan: kin wallam ka ksiar bad ka jingiwbih, kin ïa-pynbna ruh ïa ki jingïaroh jong U Trai.

LEBITIKOS 6:15

Bad un shim na kata kat shi kham jong u, na u 'purew jong ka jingkñia ainguh bam, bad na ka umphniang jong ka, bad ïa ka jingiwbih baroh kaba halor kata ka jingkñia ainguh bam, ynda kumta, un thang ïa ka jingpynkynmaw jong ka halor kata ka duwan, ïa ka ban long ka jingiw baiwbih ha U Trai.

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

JINGKHEIÑ 7:14

kawei ka siang ksiar kaba shiphew shekel ba-dap da ka jingiwbih thang;

JINGKHEIÑ 7:86

kita ki siang ksiar, khat-ar tylli, kiba dap da ka jingiwbih thang, kawei kawei ka siang ka la khia shiphew shekel, katba kum ka shekel ka jaka kyntang: ka ksiar jong kita ki siang baroh ka la khia shispah arphew shekel:

MATHAÏOS 1:18

Ka jingkha ïa U Jisu Khrist te ka la long kumne: Haba ka kmie jong u, ka Mari, ka la ïatehktien bad u Joseph, mynba kim pat ïashem, la paw ba ka la punkhun keiñ na U Mynsiem Bakhuid.

MATHAÏOS 12:46

Haba u dang kren ha kita ki paidbah, ha khmih, ka kmie jong u bad ki hynmen hynbew jong u ruh ki ïaïeng shabar, ba ki ïakwah ban ïakren bad u.

MATHAÏOS 14:33

Te kita kiba ha kata ka lieng ki la mane dem ïa u, ki ïa-ong, “Shisha me uba U Khun U Blei.”

MATHAÏOS 2:10

Te haba ki la ïohi ïa uta u khlur, ki la ïakmen da ka jingkmen bakhraw eh.

MATHAÏOS 2:2

ki da ong, “Hangno uba la dang kha shen U Syiem ki Jiw? naba ngi la ïohi ïa u khlur jong u ha ka ri mihngi, bad ngi la ïawan ban mane ïa u.”

LOUKAS 2:16

Kumta, ki la ïawan kyrkieh, bad ki la shem ïa ka Mari bad ïa u Joseph, bad ïa uta u khunlung ba u thiah ha kata ka shyngoid.

LOUKAS 2:38

Kane ruh, haba ka la poi tiap hamar kata ka por, ka la ïaroh ïa U Blei, bad ka la kren shaphang jong U, ha kita baroh kiba ïa-ap kyrmen ïa ka jingsiewspah ka Jerusalem.

ÏOANNIS 19:39

U Nikodimos ruh u la wan, uta uba la lah leit mynshuwa ha U Jisu mynmiet, u da wallam ka jingkhleh na ka jong ka mirr bad ka alos, jin sanphew ser.

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 5:8

Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid.

1 SAMUEL 10:27

Hynrei, don ki khun u Belial kiba la ïa-ong, “Kumno une un pynim ïa ngi?” Bad ki la beiñ ïa u, bad kim shym wallam ka jingai sngewbha ïa u. Hynrei, u, u la leh kum bym ïohsngew.