MATHAÏOS 2:1 - KA BAIBL

¹ Haba la kha ïa U Jisu ha Bethlehem Judia, mynba u Herod u long syiem, ha khmih, la wan ki riewstad na mihngi sha Jerusalem,

Khasi CL Bible (BSI)

¹ Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

MATHAÏOS 2:1 ပူးပေါင်းရင်းမြစ်များ

JENESIS 10:30

Bad ka jingshong duh jong ki, ka la long naduh ka Mesha, haba me leit shaphang u lum Sephar, sha mihngi.

JENESIS 25:6

Hynrei, ïa kita ki khun shynrang ba u Abraham u la ïoh na ki tnga ba kham poh jong u, u Abraham u la ai ïa ki jingai, bad u la phah noh ïa ki na u Isaak u khun jong u, mynba u dang im, shaphang mihngi, sha ka ri mihngi.

JENESIS 41:8

Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

1 SYIEM 4:30

Ka jingstad u Solomon ka la palat ïa ka jingstad ki khun ka ri mihngi baroh, bad ïa ka jingstad ka ri Ijipt baroh.

1 KHRONIKL 2:51

u Salma u kpa u Bethlehem, u Hareph u kpa u Beth-gader.

Ka Kitab U Job 1:3

Te ka spah jong u ka la long hynñiew hajar ki langbrot, bad lai hajar ki ut, bad sanspah jur ki masi dab, bad sanspah ki kadda kynthei, bad shibun eh ki shakri; ba kumta une u briew u la long u bakhraw tam na ki khun ka ri mihngi baroh.

ISAÏAH 11:10

Te kan jia ha kata ka sngi, ba u thied u Jesse, uba long kum ka lama ïa ki kynja bynriew; ha u ki jaid bynriew kin ïawad; bad ka jaka shongthait jong u kan long kaba donburom.

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

MATHAÏOS 1:25

hynrei, um pat shym la ithuh ïa ka, tad ynda ka la kha ïa u khun nyngkong jong ka: u la khot ruh ïa ka kyrteng jong u, “U Jisu”.

MATHAÏOS 2:16

Ynda kumta, u Herod, haba u la ïohi ba la shukor ïa u da kita ki riewstad, u la bitar eh lep, bad u la phah pynïap noh ïa ki khun shynrang baroh kiba ha Bethlehem, bad ha ki phang jong ka baroh, naduh kiba ar snem bad kiba kham poh, kumba dei kata ka aïom ïa kaba u la kylli biang biang ruh na kita ki riewstad.

MATHAÏOS 2:19

Hynrei, haba la ïap u Herod, ha khmih, u angel U Trai u la paw ha u Joseph ha ka jingphohsniew ha Ijipt,

MATHAÏOS 2:3

Hynrei, haba u Herod syiem u la ïohsngew ïa kata, u la khihwin, bad ka Jerusalem baroh lem bad u.

MATHAÏOS 2:5

Te ki la ïathuh ha u, “Ha Bethlehem Judia: naba kumne la thoh da u nongïathuhlypa,

MATHAÏOS 2:7

Ynda kumta, u Herod haba u la khot jar jar ïa kita ki riewstad, u la kylli biang biang ruh na ki, ïa ka aïom ba u la mihpaw uta u khlur.

LOUKAS 1:5

Ha ki sngi u Herod, u syiem ka Judia, la don uwei u lyngdoh uba kyrteng “u Sakharaïa”, na ka jingkylliang sngi u Abia: bad ka tnga jong u na ki khun kynthei u Aaron, kaba kyrteng “ka Elisabet”.

LOUKAS 2:11

naba ha kane ka sngi la kha ïa phi, ha ka shnong u Dabid, ïa U Nongpynim, uba long U Khrist uba U Trai:

LOUKAS 2:15

Ka la jia ruh, katba kita ki angel ki la leit noh na ki sha bneng, ba kita ki nongaplangbrot ruh ki la ïa-ong paralok hi, “Ïa, ngin ïaleit mynta haduh Bethlehem, bad ngin ïohi ïa kane kaei kaei kaba la jia, ïa kaba U Trai u la pynbna ha ngi.”

ÏOANNIS 7:42

Kata Ka Jingthoh kam shym la ong, ba uta U Khrist u wan na u symbai u Dabid, bad na Bethlehem, ka nongrit ha kaba u Dabid u la ju don?”

NONGBISHAR 17:7

Te la don uwei u samla na Bethlehem Judah, na ka ïing Judah, uba long u Lebi, bad u la shong hangta.