MATHAÏOS 19:9 - KA BAIBL

⁹ Nga ong ruh ha phi, ba uno uno ruh u ban pyllait noh ïa ka tnga jong u, lymda tang na ka bynta kaba klim, bad un shongkurim ïa kawei pat, u klim keiñ; bad jar uba shongkurim bad kata ïa kaba la pyllait noh, u klim keiñ.”

Khasi CL Bible (BSI)

⁹ Nga ong ha phi, te, ba uno uno u briew uba pyllait noh ïa la ka tnga na kano kano ka daw, lait noh na ka jingbymïaineh jong ka, u klim lada u shongkurim ïa kawei pat ka briew.”

MATHAÏOS 19:9 ပူးပေါင်းရင်းမြစ်များ

JENESIS 20:3

Ynda kumta, U Blei u la wan ha u Abimelekh ha ka jingphohsniew mynmiet, bad u la ong ha u, “Ha khmih, men sa ïap namar kata ka briew ïa kaba me la shim; naba ka long ka tnga briew.”

2 KHRONIKL 21:11

Nalor kata, u la thaw ki jaka bajrong ha ki lum Judah, bad u la pynleh ïa kiba shong ha Jerusalem ban klim noh, bad u la ïalam bakla ïa ki Judah.

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 3:8

Te nga la ïohi, haba na ka bynta kane ka daw ba ka Israel baphai dien ka la lah klim, nga la pyllait noh ïa ka bad nga la ai ïa ka, ka kot iehnoh, pynban, ka Judah bashetkylla, ka para jong ka, kam shym sheptieng; hynrei, ka ruh ka la leit bad la leh nuti de.

ESEKIEL 16:15

“Hynrei, pha la shaniah ha la ka jingbhabriew bad pha la leh nuti namar la ka nam, bad pha la theh noh ïa la ki jingleh nuti ha uno uno baroh uba ïaid sha jan: ka la long ka jong uta.

ESEKIEL 16:29

Pha la nang pynkhraw shuh shuh ïa la ka jingklim ha ka ri Kanaan, shaduh ka ri Khaldi; la katta ruh, pham pat sngewdap.

ESEKIEL 16:8

“ ‘Te haba nga la ïaid najan jong pha, bad nga la khmih ïa pha, ha khmih, ka por jong pha ka la long ka por ka jingieit; te nga la pynkup ïa la ka jaiñ halor jong pha, bad nga la tap ïa ka jinglyngkhuit jong pha: shisha, nga la smai ha pha, bad nga la ïateh ka jutang bad pha,’ ” ong U Trai U Blei, “bad pha long ka jong nga.

MATHAÏOS 19:10

Ki synran jong u ki la ong ha u, “Lada ka jinglong u briew bad la ka tnga ka long kumta, kam myntoi keiñ ban shongkurim.”

MATHAÏOS 19:8

U ïathuh ha ki, “U Moses, namar ka dohnud runar jong phi, u la shah ïa phi ban pyllait noh ïa ki tnga jong phi, hynrei, naduh kaba mynnyngkong kam shym la long kumta.

MATHAÏOS 5:32

hynrei, nga ong ha phi, ba uno uno ruh u ban pyllait noh ïa ka tnga jong u, lymda tang na ka bynta kaba klim, u pynklim ïa ka: uno uno ruh u ban shongkurim bad kaba la iehnoh, u ruh u klim.”

LOUKAS 16:18

“Uno uno ruh uba pyllait noh ïa ka tnga jong u, bad u shongkurim ïa kawei pat, u klim: bad uta uba shongkurim ïa kata kaba la pyniehnoh na u tnga, u ruh u klim.”

1 KORINTH 5:1

La bna kylleng ba don ka jingshongsang hapdeng jong phi, bad kat kata ka jingshongsang kam ju don wat hapdeng ki Jentil ruh, ba uwei u la ïoh ïa ka tnga u kpa jong u.

1 KORINTH 7:39

Ïa ka tnga la teh da ka hukum katba u tnga jong ka u im; hynrei, lada uta u tnga u la ïap noh, ka long kaba laitluid ban pynshongkurim ïa ka bad uba ka mon; hynrei, tang ha U Trai.

1 KORINTH 7:4

Kata ka tnga kam don bor halor ka met jong ka, hynrei, uta u tnga keiñ; bad kumjuh ruh uta u tnga um don bor halor ka met jong u, hynrei, kata ka tnga keiñ.