MATHAÏOS 19:23 - KA BAIBL

²³ U Jisu te u la ong ha ki synran jong u: “Shisha nga ong ha phi, ba ka da eh noh ïa u riewspah ban leit bsut hapoh ka hima ki bneng.

Khasi CL Bible (BSI)

²³ Nangta U Jisu u la ong ha la ki synran, “Nga pynthikna ïa phi: kan long kaba eh than ïa ki briew bariewspah ban rung shapoh ka Hima ki bneng.

MATHAÏOS 19:23 ပူးပေါင်းရင်းမြစ်များ

PROBERB 11:28

Uta uba shaniah ha la ka spah, un kyllon: hynrei, u bahok un roi kum ka sla ka bajyrngam.

MATHAÏOS 13:22

Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

MATHAÏOS 18:3

bad u la ong, “Shisha nga ong ha phi, lada phim kylla, bad phim long ruh kum ki khynnah, phin ym leit bsut ha ka hima ki bneng.

MATHAÏOS 19:22

Hynrei, haba uta u samla u la ïohsngew ïa kata ka ktien, u la leit noh sngewsih, naba u don shibun ki spah.

MATHAÏOS 21:31

Uno na kine ar ngut uba la leh ïa ka mon u kpa?” Ki ong ha u, “Uba nyngkong.” U Jisu u ong ha ki, “Shisha nga ong ha phi, ba ki nongkhrong bad ki nuti ki leit ha shuwa jong phi sha ka hima U Blei.

MATHAÏOS 5:20

Naba nga ong ha phi, ba lada ka hok jong phi kam da long kaba kham palat shikatdei ïa ka jong ki nongthoh bad ki Pharisi, phin ym ïoh rung satia ha ka hima ki bneng.”

MARKOS 10:23

Haba U Jisu te u la khmih baroh sawdong, u la ong ha ki synran jong u, “A, kaba da eh ïa kiba don spah, ba kin leit bsut ha ka hima U Blei!”

LOUKAS 18:24

Haba U Jisu u la ïohi ba u la leh sngewsih eh, U la ong, “A kaba da eh noh ïa kiba don spah ban leit bsut hapoh ka hima U Blei!

ÏOANNIS 3:3

U Jisu u la ïathuh bad U la ong ha u, “Shisha, shisha nga ong ha me, lymda kha pat ïa u briew, um lah ban ïohi ïa ka hima U Blei.”

ÏOANNIS 3:5

U Jisu u la ïathuh, “Shisha, shisha nga ong ha me, lymda kha ïa u briew na ka um bad na U Mynsiem, um lah ban leit hapoh ka hima U Blei:

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

1 KORINTH 1:26

Namar phi ïohi ïa ka jingkhot ïa phi, ko parabangeit, ba ym bun ki bastad katba kum ka doh, ym bun kiba don bor, ym bun ki bakhraw batri, ba la khot,

JAKOB 2:6

Hynrei, ma phi pleng phi la ñiewbeiñ ïa uta u baduk. Hato kita ki bariewspah kim ban shitom ïa phi, bad kim ring ma ki hi ïa phi sha khmat ki khet bishar?