MATHAÏOS 19:17 - KA BAIBL

¹⁷ U la ong te ha u, “Balei ba me khot babha ïa nga? Ym don u babha, hynrei, tang uwei, uba U Blei. Hynrei, lada me mon ban leit bsut sha kata ka jingim, to sumar ïa ki hukum.”

Khasi CL Bible (BSI)

¹⁷ “Balei me kylli na nga shaphang kaei kaba bha?” la jubab U Jisu. “Don tang Uwei uba bha. To sumar ïa ki hukum lada me kwah ban rung sha ka jingim.”

MATHAÏOS 19:17 ပူးပေါင်းရင်းမြစ်များ

NEHEMAÏAH 9:29

bad me la phla pyrshah ïa ki, ba me lah ban pynwan pat ïa ki ha ki hukum jong me: pynban, ki la leh meng, bad kim shym la sngap ïa ki hukum jong me, hynrei, ki la leh pop pyrshah ïa ki jingbishar jong me, (kiba lada u briew un leh, un ïoh im ha ki,) bad ki la kynran ïa la ka tyrpeng, bad ki la pyneh ïa la ka ryndang, bad kim shym la sngap.

SALM 119:68

Me long u babha, bad me leh bha; to hikai ïa nga ha ki aiñ jong me.

SALM 52:1

Balei ba me sngewsarong ha ka jingpynsniew, ko uba khlaiñ? Ka jingisynei U Blei ka neh borabor.

ESEKIEL 20:21

Hynrei, ki khun ki la ïaleh pyrshah ïa nga; kim shym la ïaid ha ki aiñ jong nga, lymne kim shym la sumar ïa ki jingbishar jong nga ïa ka ban leh ïa ki, kiba lada u briew u leh ïa ki; un ïoh im ha ki; ki la lehbeiñ sang ïa ki Sabbaton jong nga. Ynda kumta, nga la ong ba ngan theh noh ïa la ka jingbitar shla halor jong ki, ban pyndep ïa la ka jingbitar pyrshah ïa ki ha ka ri khlaw.

LEBITIKOS 18:5

Namar kata, to sumar ïa ki hukum jong nga, bad ïa ki jingbishar jong nga: bad u briew uba rakhe ïa ki, un ïoh im da ki: Nga long U Trai.

Ka Shithi U Paul Sha Ki Nong Rom 10:5

Namar u Moses u thoh shaphang ka hok kaba na ka hukum: “Ba uta u briew uba ïai-leh ïa kita kiei kiei ruh, un ïoh im na ki.”

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

1 ÏOANNIS 4:16

Ma ngi te ngi ithuh bad ngi la ngeit ïa kata ka jingieit ïa kaba U Blei u don ïa ngi. U Blei u long ka jingieit; bad uta uba ïaisah ha kata ka jingieit u ïaisah ha U Blei, bad U Blei u ïaisah ha u.

1 SAMUEL 2:2

“Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.