MATHAÏOS 18:8 - KA BAIBL

⁸ Te lada ka kti jong me lane ka kjat jong me ka pynthut ïa me, to ot noh ïa ka, to bred noh ruh na me; ka kham bha ïa me ban leit bsut dkoh ne kynriang sha ka jingim, ban ïa kaba ïoh ar tylli ki kti ne ar tylli ki kjat, bad ban bred ïa me ha ka ding bymjukut.

Khasi CL Bible (BSI)

⁸ “Lada ka kti lane ka kjat jong phi ka pynlong ïa phi ban duh noh ïa ka jingngeit jong phi, to ot noh bad bret noh ïa ka! Ka kham bha ïa phi ban rung sha ka jingim khlem ka kti lane ka kjat ban ïa kaba don baroh ar tylli ki kti bad ki kjat bad ban shah bret shapoh ka ding bymjukut.

MATHAÏOS 18:8 ပူးပေါင်းရင်းမြစ်များ

ISAÏAH 30:22

Bad phin pyntngit ïa ka jingsuit ïa ki durblei rupa ba la mut, bad ïa ka jingsop la ki durblei ksiar ba la saiñ: men bred noh ïa ki kum ïa kaei kaei ka basang; men ong ha ka, “To khie noh nangne.”

ISAÏAH 33:14

Ki nongpop ha Seïon ki sheptieng; ka jingkhynñiuh ka la lap klep ïa ki bymriewblei: “Uei napdeng jong ngi u ban shong lem bad ka ding babam duh? Uei napdeng jong ngi u ban shong lem bad ki jingmeh ding bymjukut?”

ESEKIEL 18:31

To bred noh na phi ïa ki jingpalat jong phi baroh, ha kiba phi la leh palat; to pynlong ïa lade ka dohnud bathymmai bad ka mynsiem bathymmai: namar phin ïap lei, ko ka ïing Israel?

MATHAÏOS 17:27

Hynrei, ïoh ba ngin ïa-pynthut ïa ki, to khie leit sha ka duriaw, bred ïa u khwai, bad to shim ïa kata ka dohkha kaba la ngat nyngkong; bad haba me la pyn-ang ïa ka shyntur jong ka, men shem shi shekel; to shim ïa kata, to ai ruh ha ki na ka bynta jong nga bad jong me ruh.”

MATHAÏOS 25:41

Ynda kumta, un ong ha kita ruh sha kadiang, ‘To khie leit noh na nga, phi ïa kiba la tim, sha ka ding ka bymjukut, ïa kaba la buh lypa ïa u Soitan bad ïa ki angel jong u!

MATHAÏOS 25:46

Kine kin leit noh te sha ka shitom bymjukut, hynrei, ki bahok sha ka jingim bymjukut.”

LOUKAS 14:33

Kumta ruh, uno uno uba na phi, u bymñiew duh noh ïa kiei kiei baroh kiba u don, um lah ban long u synran jong nga.”

LOUKAS 16:24

Te u la pyrta bad u la ong, ‘Ko Kpa Abraham, to isynei ïa nga, to phah ruh ïa u Lasaros ba un wieh ïa ka khmut shynriah'ti jong u ha ka um, ba un ïoh pynkhriat ïa u thylliej jong nga; naba la pynkordit ïa nga ha kane ka thylliej ding.’

Ka Shithi U Paul Sha Ki Nong Rom 13:12

Ka miet katta ka la nang dier noh shibun, te ka sngi ka la jan; namar kata, to ngin ïabred noh ïa kita ki jingleh jong ka jingdum; bad to ngin ïakieng noh ïa ki atiar ka jingshai.

JINGPYNPAW 14:10

uta ruh un dih na ka Waiñ ka jingbitar lep U Blei, ïa kaba la khreh khlem da pynkhleh ha kata ka khuri ka jingotshla jong u; bad yn pynkordit ïa u da ka ding bad da u kyndok ha khmat kita ki angel bakhuid, bad ha khmat uta U Khun langbrot:

JINGPYNPAW 20:15

Te jar ïa uba ym shym la shem ba la thoh ha kata ka kitab ka jingim, la bred ïa u sha kata ka pung ka ding.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”