MATHAÏOS 18:4 - KA BAIBL

⁴ Namar kata, uno uno ruh u ban pynrit ïa lade kum une u khynnah, uta u long uba kham khraw ha ka hima ki bneng;

Khasi CL Bible (BSI)

⁴ Uba khraw tam hapoh ka Hima ki bneng u long uta uba pynrit ïa lade bad uba long kum une u khynnah.

MATHAÏOS 18:4 ပူးပေါင်းရင်းမြစ်များ

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

MATHAÏOS 18:1

Mynkata ki synran ki la ïawan ha U Jisu, ki da ong, “Uei uba kham khraw te ha ka hima ki bneng?”

MATHAÏOS 18:3

bad u la ong, “Shisha nga ong ha phi, lada phim kylla, bad phim long ruh kum ki khynnah, phin ym leit bsut ha ka hima ki bneng.

MATHAÏOS 18:5

uno uno ruh u ban pdiang te ïa iwei i khynnah kum ine ha ka kyrteng jong nga, u pdiang ïa nga.

MARKOS 10:43

hynrei, kan ym long kumta hapdeng jong phi; hynrei, uno uno ruh u ban kwah ban long bakhraw hapdeng jong phi, un long u shakri jong phi,

MARKOS 9:34

Hynrei, ki la shu sngap, naba ki la lah ïasaid hi paralok ha lynti, uei u ban kham khraw.

LOUKAS 14:11

Naba ïa uno uno baroh uba pynkhraw ïa lade, yn pynpoh; te ïa uba pynpoh ïa lade, yn pynkhraw.”

LOUKAS 9:48

bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

JAKOB 4:10

To phin pynrit ïa lade ha khmat U Trai, te un pynkhraw ïa phi.

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”