MATHAÏOS 18:27 - KA BAIBL

²⁷ U kynrad uta u shakri haba u la sngewsynei te, u la pyllait ïa u, bad u la map ïa kata ka ram ïa u.

Khasi CL Bible (BSI)

²⁷ U Syiem u la sngewsynei ïa u, kumta u la map ïa ka ram jong u bad u la pyllait noh ïa u.

MATHAÏOS 18:27 ပူးပေါင်းရင်းမြစ်များ

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

SALM 145:8

U Trai uba aiei, bad uba dap ka jingsngewsynei; uba tud ïa ka jingbitar, bad u bakhraw ka jingisynei.

SALM 78:38

Ma u, hynrei, namar ba uba isynei eh, u la map ïa ka jingleh bymman jong ki, bad um shym pynduh noh ïa ki; bunsien ruh u la pynphai noh ïa la ka jingbitar, bad um shym pynkynroi ïa la ka jingbitar baroh.

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

HOSIA 11:8

“Kumno ngan iehnoh ïa me, Ephraim? kumno ngan pyllait ïa me, Israel? kumno ngan pynlong ïa me kum ka Admah? kumno ngan buh ïa me kum ka Seboim? ïa ka dohnud jong nga la pynkylla hapoh jong nga, ïa ki jingsngewsynei jong nga la pynmeh lang.

MATHAÏOS 18:28

Te haba uta u shakri u la mih noh, u la shem ïa uwei na ki para shakri jong u ha uba u la shah shispah suka, bad u la kem ïa u na ka ryndang, u da ong, ‘Ai ïa nga ïa kaba nga la shah!’

MATHAÏOS 18:32

Ynda kumta, haba u kynrad jong u, u la khot ha lade ïa u, u la ong ha u, ‘Me u shakri bymman! ïa kata ka ram baroh nga la map ïa me, naba me la kyrpad ïa nga:

LOUKAS 7:42

te haba kim don ei ei ruh ban siew, u la map ei ïa ki baroh ar ngut. Namar kata, to ong, uno na kita u ban kham ieit tam ïa u?”

LOUKAS 7:43

U Simon u la ïathuh bad u la ong, “Uta, nga mut, uba la ïohmap ei ïa kaba kham bun.” U te U la ong ha u, “Me la bishar kaba dei.”

NONGBISHAR 10:16

Bad ki la bred noh ïa ki blei khyllah napdeng jong ki, bad ki la shakri ïa U Trai: te ka mynsiem jong u ka la sngewsih na ka bynta ka jingjynjar ki Israel.