MATHAÏOS 18:25 - KA BAIBL

²⁵ Hynrei, haba um don ban siew, u kynrad jong u, u la hukum ban die noh ïa u, bad ïa ka tnga jong u, bad ïa ki khun, bad ïa kiei kiei baroh kat kiba u don, ban siew noh ïa kata ka ram.

Khasi CL Bible (BSI)

²⁵ U shakri um shym don shibun ban siew ïa ka ram jong u, kumta u syiem u la hukum ba ïa uta dei ban die mraw noh, ïa ka tnga bad ki khun jong u bad baroh kiba u la don khnang ban siew ïa ka ram.

MATHAÏOS 18:25 ပူးပေါင်းရင်းမြစ်များ

2 SYIEM 4:1

Te kawei ka kynthei na ki tnga ki khun ki nongïathuhlypa ka la pyrta ha u Elisha, ka da ong, “U shakri jong me u tnga jong nga u la ïap: bad me tip ba u shakri jong me u la sheptieng ïa U Trai: bad u nongshah ram u la wan ban ring mraw ha u ïa ki khun shynrang jong nga baroh ar ngut.”

NEHEMAÏAH 5:5

Hynrei te ka doh jong ngi ka long kum ka doh ki para jong ngi, ki khun jong ngi kum ki khun jong ki; bad ha khmih, ngi buh mraw ïa la ki khun shynrang bad ïa la ki khun kynthei, ban long ki shakri, bad don lypa kiba na ki khun kynthei jong ngi ïa kiba la ring mraw: bad kam long ha ka bor jong ngi ban khang ïa kata; namar kiwei pat ki briew ki la ïoh noh ïa ki lyngkha bad ïa ki brisoh Waiñ jong ngi.”

NEHEMAÏAH 5:8

Bad nga la ong ha ki, “Ma ngi katba shong ka bor jong ngi, ngi la thied ïa la ki para ki Jiw, ïa kiba la die noh ha ki Jentil; phi, pynban, phi die ïa la ki para, bad ka dei du ban die noh ïa ki ha ngi?” Te ki la sngap jar, bad kim shym la shem kawei ka jubab.

EKSODOS 21:2

Lada men thied ïa u mraw Hebru, un shakri hynriew snem: te ha ka bahynñiew un ïohlait noh khlem siew.

EKSODOS 22:3

Lada ka sngi ka la mih ha u, ka dei ban pynhiar kput na ka bynta jong u: ka dei ïa u ban pynburia pat biang; lada um don ei ei ruh em, te yn sa die ïa u na ka bynta kata ka jingtuh jong u.

ISAÏAH 50:1

Kumne u ong U Trai, “Hangno ka kot iehnoh ka kmie jong phi, da kaba nga la pyllait noh ïa ka? Lane uno u nongai ram jong nga uba nga la die ïa phi ha u? Ha khmih, namar ki pop jong phi la die noh ïa phi, bad namar ki ryngkang jong phi la pyllait noh ïa ka kmie jong phi.

LEBITIKOS 25:39

“ ‘Bad haba u para jong me uba bad me u kylla duk, bad la die ïa u ha me; men ym leh bor ïa u ban shakri ïa me kum u mraw:

MATHAÏOS 18:24

Haba u la sdang te ban kheiñ, la wallam ha u ïa uwei ha uba u shah shiphew hajar ki talent.

LOUKAS 7:42

te haba kim don ei ei ruh ban siew, u la map ei ïa ki baroh ar ngut. Namar kata, to ong, uno na kita u ban kham ieit tam ïa u?”