MATHAÏOS 18:16 - KA BAIBL

¹⁶ Te lada um sngew, to shim lem bad me ïa uwei ne ar ngut kiwei pat, ba da ka shyntur ar ngut ne lai ngut ki sakhi yn pynskhem ïa ka ktien baroh.

Khasi CL Bible (BSI)

¹⁶ Hynrei lada um sngap ïa me, ïalam uwei ne ar ngut kiwei pat ki briew lem bad me, khnang ba ‘kawei pa kawei ka jingkynnoh lah ban kyrshan da ka jingsakhi jong ki ar lane lai ngut ki sakhi.’

MATHAÏOS 18:16 ပူးပေါင်းရင်းမြစ်များ

1 SYIEM 21:13

Bad kita ar ngut ki briew, ki khun u Belial, ki la rung bad ki la shong ha khmat jong u: bad kita ki briew u Belial ki la sakhi pyrshah ïa u, ïa u Naboth keiñ, ha khmat uta u paidbah, ki da ong, “U Naboth u la tim ïa U Blei bad ïa u syiem.” Ynda kumta, ki la leit lam noh ïa u shabar ka shnong bad ki la lynthem ïa u da ki maw, ha ban da ïap.

JINGKHEIÑ 35:30

‘Uno uno ruh u ban pynïap ïa u briew, ïa uta u nongpynïap briew yn pynïap na ka shyntur ki sakhi: hynrei, tang uwei u nongsakhi um bit ban sakhi pyrshah ïa u briew ba un ïap.

ÏOANNIS 8:17

La thoh ruh de ha Ka Hukum jong phi, ba ka jingphla ar ngut ki briew ka long kaba shisha:

2 KORINTH 13:1

Kane ka long ka balai sien ba ngan wan ha phi. Da ka shyntur ar ngut ne lai ngut ki sakhi yn pynskhem ïa ka ktien baroh.

DEUTERONOMI 17:6

Ha ka shyntur ar ngut ki nongsakhi, ne lai ngut ki nongsakhi, yn pynïap noh ïa uta uba dei ban ïap; hynrei, ha ka shyntur uwei u nongsakhi keiñ, yn ym pynïap noh ïa u.

DEUTERONOMI 19:15

“Wat shah ïa u nongsakhi ba tang uwei, ban ïeng ïaleh pyrshah ïa u briew namar kano kano ruh ka jingpalat, lane namar kano kano ruh ka pop, ha kano kano ka pop baroh ba u leh pop: da ka shyntur ar ngut ki nongsakhi, lane da ka shyntur lai ngut ki nongsakhi, yn pynskhem ïa kata ka kam.

1 TIMOTHI 5:19

Me wat pdiang ïa ka jingmudui ïa u tymmen basan, lymda na ar ngut ne lai ngut ki sakhi.

HEBRU 10:28

U briew uba la ibeiñ ïa ka hukum u Moses, u ïap noh khlem ka jingisynei da ka ktien ar ngut ne lai ngut ki sakhi:

JINGPYNPAW 11:3

Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”