MATHAÏOS 18:14 - KA BAIBL

¹⁴ Kumta, kam long ka mon U Kpa jong phi uba ha bneng, ba in jah noh iwei na kine ki barit.

Khasi CL Bible (BSI)

¹⁴ Ha kajuh ka rukom U Kpa jong phi uba ha bneng um kwah ba iwei ruh na kine kiba rit in jah noh.

MATHAÏOS 18:14 ပူးပေါင်းရင်းမြစ်များ

ISAÏAH 40:11

Un bsa ïa ka kynhun jong u kum u nongaplangbrot, ha ka ksang'ti jong u un lum ïa ki khun langbrot, bad ha ka shadem jong u un rah ïa ki, bad un ïalam suki ïa kiba ai buiñ.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

MATHAÏOS 18:13

Te lada ka jia ïa u ban shem ïa kata, shisha nga ong ha phi, ba u kham kmen namar kata, ban ïa namar kita ki khyndaiphew khyndai ki bym shym la leit sakma.

MATHAÏOS 18:15

“Lada u paralok jong me u leh pop ïa me, to khie leit, bad sneng ïa u haba don tang ma u bad me hi: lada un sngew ïa me, me la pynbha ïa u paralok jong me.

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 6:32

naba ïa kita kiei kiei baroh, ki Jentil ki ïawad; naba U Kpa jong phi uba ha bneng u tip ba phi donkam ïa kine kiei kiei baroh.

MATHAÏOS 6:9

Namar kata, phin duwai kumne: “Ko Kpa jong ngi uba ha bneng, long bakhuid ka kyrteng jong me.

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

ÏOANNIS 17:12

Mynba nga la don lem bad ki, nga la sumar ïa ki ha ka kyrteng jong me: ïa kita kiba me la ai ha nga, nga la ri kyndong, bad ym don ba la jot noh na ki, hynrei, tang uta u khun ka jingjot, ba yn ïoh pyndep ïa ka jingthoh.

ÏOANNIS 21:15

Kumta, haba ki la ïabam ja step, U Jisu u ong ha u Simon Petros, “Ko Simon, u khun u Jona, me kham ieit ma me ïa nga ban ïa kine?” U ïathuh ha U, “Ho-oid, ko Trai, me, me tip ba nga ieit ïa me.” U ïathuh ha u, “To bsa ïa ki khun langbrot jong nga.”

2 TIMOTHI 2:10

Namar kata, nga ïaishah ïa kiei kiei baroh na ka bynta kiba la jied, ba ma ki ruh kin ïoh ïa ka jingpynim kaba ha U Khrist Jisu, lem bad ka burom bymjukut.

HEBRU 12:13

bad to pynlong ïa ki lynti ba-beit ïa ki kjat jong phi, ba yn ym pynphai noh ïa kata ka ba-dkoh na ka lynti, hynrei, kham tam ba yn pynkhiah.

2 PETROS 3:9

U Trai um leh tud shaphang la ka jingkular, kumba don kiba ïañiew ka jingleh tud; hynrei, u ïaishah slem bad phi, u bym da mon ïano ïano ruh ban jot noh, hynrei, ba baroh kin poi sha ka jingkylla-ka-bamut.