MATHAÏOS 18:12 - KA BAIBL

¹² Phi mut kumno? Lada u briew u la don shispah ki langbrot, te lada kawei na ki ka leit sakma, um iehnoh sah ïa ki khyndaiphew khyndai, bad leit sha lum ban wad ïa kata kaba la sakma?

Khasi CL Bible (BSI)

¹² “Phi pyrkhat kumno un leh u briew uba don shispah tylli ki langbrot bad kawei na ki ka jah noh? Un iehnoh ïa kiwei pat ki khyndaiphew khyndai tylli ban bam phlang ha ki sharing lum bad leit bad wad ïa ka langbrot ba la jah.

MATHAÏOS 18:12 ပူးပေါင်းရင်းမြစ်များ

1 SYIEM 21:17

Te ka ktien U Trai ka la wan ha u Elijah u nong Tishbi, kaba ong,

SALM 119:176

Nga la sakma noh kum ka langbrot kaba la jah noh; to wad ïa la u shakri; naba ngam ju klet ïa ki hukum jong me.

ISAÏAH 53:6

Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

JEREMAÏAH 50:6

“Ki briew jong nga ki la long ki langbrot ba la jah noh: ki nongaplangbrot jong ki, ki la pynsakma ïa ki, ki la pyllait lyngkar ïa ki ha ki lum: ki la leit na u lum bah sha u lum rit, ki la klet ïa la ka jaka dem.

ESEKIEL 34:12

Kumba u nongaplangbrot u wad ïa ka kynhun jong u mynsngi haba u don hapdeng ki langbrot jong u kiba la sakma kylleng sawdong, kumta nga ruh ngan wad ïa ki langbrot jong nga; bad ngan pyllait noh ïa ki na ki jaka baroh sha kiba ki la sakma ha ka sngi ki lyoh bad ka jingdum barben.

ESEKIEL 34:16

‘Ngan wad ïa kaba la jah noh, bad ngan wallam pat ïa kaba la beh noh, bad ngan spaiñ ïa kaba la kheiñ noh, bad ngan pynshait ïa kaba la pang: hynrei, ïa ki basngaid bad ki bakhlaiñ ngan pynjot; ngan bsa ïa ki ha ka jingbishar.’

ESEKIEL 34:28

Te kin ym long shuh ka jinglute ha ki Jentil, lymne u mrad ka khyndew un ym ïoh bam shuh ïa ki; hynrei, kin ïoh shongsuk, bad yn ym don u ban pynkhaw-eit shuh ïa ki.

ESEKIEL 34:4

Phim shym la pynshaitbor ïa ki baswai, lymne phim shym la pynkhiah ïa ki bapang, lymne phim shym la spaiñ ïa kiba la kheiñ, lymne phim shym la wallam pat ïa kaba la beh noh, lymne phim shym la wad ïa kaba la jah noh; hynrei, phi la synshar ïa ki da ka bor bad da ka jingpyrkhing.

ESEKIEL 34:6

Ki langbrot jong nga ki la ïaid sakma sha ki lum bah baroh, bad halor u lum rit bajrong baroh: shisha keiñ, ki langbrot jong nga ki la sakma halor ka khmat ka khyndew baroh; te ym shym don uwei ruh uba la ïit lane uba wad nadien jong ki.

MATHAÏOS 12:11

U te u la ong ha ki: “Uno u briew uba na phi uba don kawei ka langbrot, lada kata ka hap ruh ha ka thliew ha ka sngi Sabbaton, un ym shim bad rah noh ïa ka?

MATHAÏOS 18:13

Te lada ka jia ïa u ban shem ïa kata, shisha nga ong ha phi, ba u kham kmen namar kata, ban ïa namar kita ki khyndaiphew khyndai ki bym shym la leit sakma.

MATHAÏOS 21:28

“Hynrei, phi mut kumno? U briew uba la don ar ngut ki khun; te u la wan ha uba nyngkong, bad u la ong, ‘Ko khun, khie leit ban trei mynta ha ka brisoh jong nga.’

MATHAÏOS 22:42

u da ong, “Phi mut kumno shaphang U Khrist? U long u khun jongno?” Ki la ïathuh ha u, “U jong u Dabid.”

1 KORINTH 10:15

Nga kren keiñ kumba ha ki basian; to khan ma phi ïa kaba nga ong.

1 PETROS 2:25

Namar phi la ju leit sakma kum ki langbrot; hynrei, mynta, la pynphai pat ïa phi sha U Nongaplangbrot bad U Nongsharai ki mynsiem jong phi.