MATHAÏOS 17:6 - KA BAIBL

⁶ Haba ki synran te ki la ïohsngew, ki la dem ngon, bad ki la sheptieng shibun eh.

Khasi CL Bible (BSI)

⁶ Haba ki synran ki la ïohsngew ïa ka sur, ki la sheptieng haduh katta katta ba ki la dem khrup la ki durkhmat sha khyndew.

MATHAÏOS 17:6 ပူးပေါင်းရင်းမြစ်များ

1 KHRONIKL 21:16

Te u Dabid u la khmied ïa la ki khmat, bad u la ïohi ïa uta u angel U Trai ba u ïeng hapdeng ka khyndew bad ka bneng, uba bat ka waitlam ba la sei ha la ka kti ba la kner halor ka Jerusalem. Ynda kumta, u Dabid bad ki tymmen basan, kiba la kup da ki jaiñ byrni, ki la hap dem la ki khmat.

ESEKIEL 3:23

Ynda kumta, nga la ïeng, bad nga la leit noh sha kata ka them: te ha khmih, ka burom U Trai ka la ïeng hangta, kaba kum kata ka burom kaba nga la ïohi harud ka wah Khebar: bad nga la hap dem la ka khmat.

ESEKIEL 43:3

Te ka la long katba kum ka jing-i jong kata ka jingithuhpaw keiñ kaba nga la ïohi, kum kata ka jingithuhpaw kaba nga la ïohi mynba nga la wan ban pynjot ïa ka nongbah; te kita ki jingithuhpaw ki la long kum kata ka jingithuhpaw kaba nga la ïohi hajan ka wah Khebar: te nga la hap da ka khmat jong nga.

DANIEL 8:17

Kumta, u la wan hajan kaba nga ïeng; bad haba u la wan, nga la sheptieng bad nga la hap da pyllup: hynrei, u la ong ha nga, “To sngewthuh, ko khun u briew; naba kata ka jingithuhpaw ka dei ïa ka por ka jong ka bakut.”

LEBITIKOS 9:24

Bad ka ding ka la mih na khmat U Trai, bad ka la thang duh halor ka duwan ïa ka jingkñia ainguh thang bad ïa ka khleiñ: bad u paidlang baroh u la ïohi, bad ki la ïarisa kmen, bad ki la ïadem ngon haduh khyndew.

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 17:7

U Jisu te haba u la wan hajan, u la ktah ïa ki, bad u la ong, “To ïeng, wat sheptieng ruh.”

KI KAM 22:7

Te nga la kyllon kram ha khyndew, bad nga la ïohsngew ka ktien ba ong ha nga, ‘Saul, Saul, balei me pynshitombeiñ ïa nga?’

KI KAM 26:14

Te mynba ngi la lah kyllon kram baroh ha khyndew, nga la ïohsngew ka ktien ba kren ha nga, ha ka ktien Hebru, ‘Saul, Saul, balei me pynshitombeiñ ïa nga? Ka long kaba eh ïa me ban kynjat pyrshah ïa ki dieng tyndung.’

2 PETROS 1:18

Te ïa kane ka ktien, ngi la ïohsngew ma ngi ba ka da wan na bneng, mynba ngi ïadon lem bad u ha uta u lum bakyntang.

NONGBISHAR 13:20

Naba haba ka thylliej ding ka la kiew sha bneng na ka duwan, u angel U Trai u la kiew ha kata ka thylliej ding jong ka duwan: u Manoah te bad ka tnga jong u ki la ïakhmih; bad ki la dem la ki khmat haduh khyndew.

NONGBISHAR 13:22

Bad u Manoah u la ong ha la ka tnga, “Ngin ïap shisha, namar ngi la ïohi ïa U Blei.”