MATHAÏOS 17:5 - KA BAIBL

⁵ Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

Khasi CL Bible (BSI)

⁵ Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 17:5 ပူးပေါင်းရင်းမြစ်များ

Ka Kitab U Job 38:1

Ynda kumta, U Trai u la phai ktien ha u Job napdeng ka 'erïong, bad u la ong,

SALM 81:7

Me la kyang ha ka jingjynjar, te nga la pyllait ïa me; nga la phai ktien ïa me ha ki jaka rieh u pyrthat; nga la tynjuh ïa me ha ki um Meribah. Selah.

EKSODOS 19:19

Te mynba ka jingsawa ka turoi ka la slem eh, bad ka la nang kham jam nang kham jam, u Moses u la kren, bad U Blei u la phai ktien ïa u da ka ktien sawa.

ISAÏAH 42:1

Ha khmih, u shakri jong nga, uba nga kyrshan; uba la jied jong nga, ha uba ka mynsiem jong nga ka sngewbha: nga la buh ïa U Mynsiem jong nga ha u; te un pynmih ka jingbishar ïa ki Jentil.

ISAÏAH 42:21

Ka la pynsngewbha ïa U Trai, na ka bynta ka hok jong u, ban pynkhraw ïa ka hukum, bad ban pyndonburom ïa ka.

MATHAÏOS 12:18

“Ha khmih, u shakri jong nga ïa uba nga la jied; uba ieit jong nga ha uba ka mynsiem jong nga ka sngewbha eh: ngan buh ïa U Mynsiem jong nga ha u, bad un pynbna ïa ka jingbishar ha ki Jentil:

MATHAÏOS 17:6

Haba ki synran te ki la ïohsngew, ki la dem ngon, bad ki la sheptieng shibun eh.

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

MARKOS 1:11

Ka ktien te ka la wan na bneng, ka da ong, “Me long U Khun jong nga uba ieit, ha me nga sngewbha eh.”

MARKOS 9:7

Te la wan u lyoh uba kah ïa ki, bad ka ktien ka la wan na uta u lyoh, ka da ong, “Une u long U Khun jong nga uba ieit, to phin sngew ïa u.”

LOUKAS 3:22

bad U Mynsiem Bakhuid u la hiar ha U ha ka dur met, kum ka paro, bad ka ktien ka la wan na bneng, kaba ong, “Me long U Khun jong nga uba ieit; ha me nga sngewbha eh.”

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 3:35

U Kpa u ieit ïa U Khun, bad u la ai ïa kiei kiei baroh ha ka kti jong u.

ÏOANNIS 5:37

Uta U Kpa hi ruh uba la phah ïa nga, u la phla ïa nga. Hynrei, phim shym la ïohsngew ïa ka ktien jong u mynno mynno ruh, lymne ïohi ïa ka dur jong u.

KI KAM 1:9

Ynda u la lah ïathuh ïa kine kiei kiei ruh, haba ki dang ïakhmih, la shim noh ïa u sha jrong; bad u lyoh u la pdiang noh ïa U ba kim ïohi shuh ïa U.

KI KAM 7:37

Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’

EPHESOS 1:6

ïa ka ban ïaroh ïa ka burom ka jingaiei jong u, kaba u la ai ei ha ngi ha uta U Ba-ieit,

DEUTERONOMI 18:15

“U Trai uba U Blei jong me un pynmih ha me ïa u nongïathuhlypa napdeng jong me, na ki para jong me, uba kum ma nga: ïa u phin shahshkor;

DEUTERONOMI 18:19

Te kan jia, ba uno uno ruh u bym shahshkor ïa ki ktien jong nga ïa kiba un kren ha ka kyrteng jong nga, ngan dawa ïa kata na u.

DEUTERONOMI 5:22

“Ïa kine ki ktien, U Trai u la kren ha ka jingïaseng lang jong phi baroh ha uta u lum napdeng kata ka ding, na uta u lyoh, bad na kata ka jingdum tliw tliw, da ka jingsawa bajam: bad um shym la kren shuh nalor kata. Bad u la thoh ruh ïa ki ha ki ar tylli ki maw lyngkniap, bad u la ai ïa ki ha nga.

KOLOSSAI 1:13

uba la pyllait ïa ngi na ka bor jong ka jingdum, bad uba la pynkynriah noh ïa ngi sha ka hima jong U Khun ka jingieit jong u;

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

JINGPYNPAW 1:7

Ha khmih, u wan bad ki lyoh, bad ka khmat baroh kan ïohi ïa u, bad kita ruh kiba la sum ïa u; bad ki jaid bynriew baroh jong ka pyrthei kin ïalynñiar lympat namar jong u. Kumta shisha: Amen.

JINGPYNPAW 14:14

Bad nga la ïohi, te ha khmih, u lyoh balieh; bad halor uta u lyoh u da shong uba kum U Khun u briew, uba don halor ka khlieh jong u ka pansngiat ksiar, bad ha ka kti jong u ka rashi banep.