MATHAÏOS 17:3 - KA BAIBL

³ Ha khmih ruh, u Moses bad u Elias ki la paw ha ki, ki da ïakren bad u.

Khasi CL Bible (BSI)

³ Nangta ki lai ngut ki synran ki la ïohi ïa u Moses bad u Elijah ba ki ïakren bad U Jisu.

MATHAÏOS 17:3 ပူးပေါင်းရင်းမြစ်များ

1 SYIEM 17:1

Te u Elijah u nong Tishbi, uba la long uwei na ki nong Gilead, u la ong ha u Ahab, “Katba im U Trai, U Blei ki Israel, ha khmat jong uba nga ïeng, kan ym don umjer lymne slap ha kine ki snem, hynrei, tang katba kum ka ktien jong nga.”

MALAKHI 4:5

“Ha khmih, ngan phah ha phi ïa u Elias u nongïathuhlypa shuwa ban sa poi kata ka sngi ka bakhraw bad kaba itieng U Trai.

MATHAÏOS 17:2

bad la pynkylla dur ïa u ha khmat jong ki; ka khmat jong u te ka la tyngshaiñ kum ka sngi, bad ki jaiñ jong u ki la long lieh kum ka jingshai.

MATHAÏOS 17:4

U Petros te u da ïathuh u la ong ha U Jisu, “Ko Trai, ka bha ïa ngi ban don hangne; lada me mon, ngan thaw hangne lai tylli ki ïingtrep; kawei ïa me, kawei ruh ïa u Moses, bad kawei ruh ïa u Elias.”

MARKOS 9:4

La paw ruh ha ki u Elias lem bad u Moses, bad ki da ïakren bad U Jisu.

LOUKAS 1:17

U te un leit ha shuwa ka khmat jong U, ha ka mynsiem bad ka bor u Elias, ban pynphai ïa ki dohnud ki kpa sha ki khun, bad ïa ki bymkohnguh sha ka jingstad ki bahok; ban pynkhreh ïa U Trai, u paidlang ba la pynbit.”

LOUKAS 16:16

“Ka Hukum bad Ki Nongïathuhlypa ki la long haduh u Ïoannis: naduh kata ka por la ïalap ïa ka gospel ka hima U Blei, bad u briew baroh u rung jubor hapoh jong ka.

LOUKAS 24:27

Te haba u la sdang na u Moses, bad na Ki Nongïathuhlypa baroh, u la pynpaw ha ki ha Ki Jingthoh baroh ïa kiei kiei ruh shaphang ïa lade.

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

LOUKAS 9:33

Te ka la jia, haba kita ki dang ïaleit noh na U, ba u Petros u la ong ha U Jisu, “Ko Kynrad, ka bha ïa ngi ban don hangne; ai ngin ïathaw te lai tylli ki ïingtrep; kawei ïa me, bad kawei ïa u Moses, bad kawei de ïa u Elias”: um da tip ïa-ei ba u ong.

ÏOANNIS 1:17

Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist.

DEUTERONOMI 18:18

Ngan pynmih ha ki ïa u nongïathuhlypa napdeng ki para jong ki, uba kum ma me keiñ; bad ngan buh ïa ki ktien jong nga ha ka shyntur jong u, bad un kren ha ki ïa kata baroh ïa kaba ngan hukum ïa u.

DEUTERONOMI 34:10

Bad ym shym la mih prophet naduh kata ha Israel kum u Moses, ïa uba U Trai u la ithuh markhmat;