MATHAÏOS 17:23 - KA BAIBL

²³ bad kin ïa-pynïap ïa u, hynrei, ha ka balai ka sngi yn sa pynmih pat ïa u.” Te ki la ïasngewsih eh.

Khasi CL Bible (BSI)

²³ ki ban pynïap ïa u, hynrei hadien lai sngi yn sa pynmihpat ïa u.” Ki synran ki la sngewsih eh.

MATHAÏOS 17:23 ပူးပေါင်းရင်းမြစ်များ

SALM 16:10

Naba men ym iehnoh ïa ka mynsiem jong nga ha ka jaka bymïohi; lymne men ym shah ïa u bakhuid jong me ban shem ïa kaba pyut.

SALM 22:15

Ka bor jong nga ka la rkhiang kum u tyrwiang khiew; bad u thylliej jong nga u la dambit ha ki shyieng ngab jong nga; bad me la lam ïa nga sha ka 'dewmet ka jingïap.

ISAÏAH 53:7

La banbeiñ ïa u, pynban, u la pynrit ïa lade bad um shym la ang la ka shyntur; kum i khun langbrot ba la ïalam sha ka jingpynïap, bad kum ka langbrot kaba sngap jar ha khmat ki nongot shñiuh jong ka; shisha, um shym ang la ka shyntur.

DANIEL 9:26

Te hadien kita ki hynriewphew ar taïew, ïa uta uba la sleh yn ot noh, bad un ym ïoh ei ei ruh: bad ki briew jong uta u syiem u ban wan, kin pynjot noh ïa kata ka nongbah bad ïa kata ka jaka kyntang; bad ka bakut jong u kan long da ka jingshlei, te haduh ka bakut keiñ kan long ka thma; la thmu ïa ki jingpynjot.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 17:9

Haba ki dang ïahiar te na uta u lum, U Jisu u la hukum ïa ki, u da ong, “Wat ïathuh hano hano ruh ïa kata ka jingithuhpaw, tad ynda U Khun u briew u la mihpat na ki baïap.”

MATHAÏOS 20:19

bad kin ai noh ïa u ha ki Jentil ïa ka ban lehbeiñ bad ban sympat, bad ban sahnarphna ruh; hynrei, ha ka balai ka sngi un mihpat.”

MATHAÏOS 27:63

ki ïa-ong, “Ko kynrad, ngi kynmaw ba uta u bashukor u la ong mynba u dang im, ‘Ynda la lai sngi ngan mihpat.’

MARKOS 8:31

Te u la sdang ban hikai ïa ki, ba ka dei ïa U Khun u briew ban shah shibun kiei kiei ruh, bad ba yn kyntait da ki tymmen basan, bad ki rangbah lyngdoh, bad ki nongthoh, bad ba yn pynïap ruh; bad hadien lai sngi un mihpat.

MARKOS 9:30

Haba ki la ïaleit noh nangta ruh, ki la ïa-ïaid lyngba ïa ka Galilaïa; um mon te ïano ïano ruh ban tip.

ÏOANNIS 16:6

Hynrei, namar ba nga la kren ïa kine kiei kiei ruh ha phi, ka jingsngewsih ka la pyndap ïa ka dohnud jong phi.

ÏOANNIS 2:19

U Jisu u la ïathuh bad u la ong ha ki, “Phin pynjot ïa kane ka templ, te lai sngi ngan pynïeng pat ïa ka.”