MATHAÏOS 17:20 - KA BAIBL

²⁰ U Jisu te u la ïathuh ha ki, “Namar ka jingbymngeit jong phi: naba shisha nga ong ha phi, lada phi don ka jingngeit kaba kat iwei i symbai tyrso, phin ong ha une u lum, ‘To leit noh nangne hangtai’, te un leit noh keiñ; bad ym don kaei kaei ruh ïa kaba phin ym lah leh.

Khasi CL Bible (BSI)

²⁰ “Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 17:20 ပူးပေါင်းရင်းမြစ်များ

MATHAÏOS 13:31

Ïa kawei pat ka pharshi u la buh ha khmat jong ki, u da ong: “Ka hima ki bneng ka long kum u symbai tyrso, ïa uba u briew u la shim, bad u la bet ha ka lyngkha jong u;

MATHAÏOS 14:29

U te u la ong, “To wan.” Te haba u Petros u la hiar na kata ka lieng, u la ïaid halor ka um ban leit sha U Jisu.

MATHAÏOS 17:17

U Jisu te u la ïathuh bad u la ong, “A phi ka pateng bynriew bymngeit bad bamutlop, sa katno ngan long lem bad phi? sa katno ngan shah ïa phi? to wallam ïa u shane sha nga.”

MATHAÏOS 17:19

Ynda kumta, ki synran ki la ïawan ha U Jisu jar jar, bad ki la ong, “Balei ba ngi ngim lah ban beh noh ïa u?”

MATHAÏOS 17:9

Haba ki dang ïahiar te na uta u lum, U Jisu u la hukum ïa ki, u da ong, “Wat ïathuh hano hano ruh ïa kata ka jingithuhpaw, tad ynda U Khun u briew u la mihpat na ki baïap.”

MATHAÏOS 21:21

U Jisu te u la ïathuh u la ong ha ki, “Shisha nga ong ha phi, lada phi don ka jingngeit, bad phim sngew-artatien, phin ym leh tang kata ïa kaba la leh ïa uta u dieng Dumbur, hynrei, lada phin ong ha une u lum ruh, ‘Long ba la rat noh, bad ba la noh ruh sha ka duriaw’, yn sa leh kumta.

MATHAÏOS 8:26

U te u la ong ha ki, “Balei ba phi long kiba sheptieng, A phi kiba rit jingngeit?” Ynda kumta, u la khie, u la sneng ïa ka lyer bad ïa ka duriaw ruh; te ka la long kaba jai jai eh.

MARKOS 11:22

U Jisu u da ïathuh u ong te ha ki, “To ïoh ma phi ka jingngeit ha U Blei.

MARKOS 11:23

Shisha nga ong ha phi, ba uno uno ruh u ban ong ha une u lum, ‘To long ba la rat noh, to noh ruh sha duriaw’, bad un ym sngew-artatien ha la ka dohnud, hynrei, un ngeit ba yn sa long kiei kiei ruh ïa kiba u la ong, kan long ïa u kaei kaei ruh ïa kaba un ong.

MARKOS 4:31

Ka long kum u symbai tyrso, ïa uba, haba la bet ha ka khyndew, la u long kham rit ïa ki symbai baroh kiba don ha ka khyndew;

MARKOS 9:23

U Jisu u la ong ha u te, “Lada me lah ban ngeit! Kiei kiei baroh ki long kiba lah ïa uta uba ngeit.”

LOUKAS 1:37

Naba kawei ruh ka ktien na U Blei kan ym long khlem ka bor.”

LOUKAS 17:6

U Trai te u la ong, “Lada phi don ka jingngeit kaba kat iwei i symbai tyrso, phi lah ban ong ïa une u dieng Dumbur, ‘Long me ïa uba la rat noh, bad ïa uba la thung ha duriaw’, te un da la kohnguh ïa phi.

LOUKAS 18:27

U te u la ïathuh, “Kiei kiei ruh ki bym lah bad ki briew, ki long kiba lah bad U Blei.”

ÏOANNIS 11:40

U Jisu u ong ha ka, “Ngam shym la ong ha pha, ba lada phan ngeit, phan ïohi ïa ka burom jong U Blei?”

1 KORINTH 12:9

ha uwei pat ka jingngeit, da uta ujuh U Mynsiem; bad ha uwei pat ki bor ban pynkhiah, da uta ujuh U Mynsiem;

1 KORINTH 13:2

Bad la nga don ka jingïathuhlypa, bad nga shemphang ïa ki jingmaïan baroh bad ïa ka jingtip baroh, bad la nga don ruh ka jingngeit baroh kat ban pynkynriah noh ïa ki lum, haba ngam don ka jingieit, ngam long ei ei ruh em.

HEBRU 3:19

Te kumta, ngi ïohi ba kim lah shuh ban leit bsut shapoh namar ka jingbymngeit keiñ.