MATHAÏOS 17:18 - KA BAIBL

¹⁸ Te U Jisu u la sneng ïa uta u ksuid, u ruh u la mih noh na u; te uta u khynnah u la khiah naduh kata ka por.

Khasi CL Bible (BSI)

¹⁸ U Jisu u la hukum ïa u ksuid, bad u la mihnoh shabar jong u khynnah, bad ha kata ka khyllipmat la pynkhiah ïa u.

MATHAÏOS 17:18 ပူးပေါင်းရင်းမြစ်များ

MATHAÏOS 12:22

Ynda kumta, la wallam ha U ïa uba shong ksuid u bamatlah bad u bymnangkren; bad U la pynkhiah ïa u, kat haduh ba uta u bamatlah bad u bymnangkren u la ïohi bad u la kren ruh.

MATHAÏOS 15:28

Ynda kumta, U Jisu u la ïathuh bad u la ong ha ka, “Ko kynthei, kaba khraw ka jingngeit jong pha; to kan long ïa pha kumba pha mon.” Ka khun jong ka, ka la khiah te naduh kata ka por.

MATHAÏOS 17:17

U Jisu te u la ïathuh bad u la ong, “A phi ka pateng bynriew bymngeit bad bamutlop, sa katno ngan long lem bad phi? sa katno ngan shah ïa phi? to wallam ïa u shane sha nga.”

MATHAÏOS 17:19

Ynda kumta, ki synran ki la ïawan ha U Jisu jar jar, bad ki la ong, “Balei ba ngi ngim lah ban beh noh ïa u?”

MATHAÏOS 9:22

U Jisu te haba u la phai, bad u la ïohi ïa ka, u la ong, “To kyrmen, ko ka khun; ka jingngeit jong pha ka la pynkhiah ïa pha.” Kata ka kynthei te ka la khiah naduh kata ka por.

MARKOS 1:34

Bad u la pynkhiah shibun kiba la pang na ki jingpang babun jaid, bad u la beh noh shibun ki ksuid; bad um shah ïa kita ki ksuid ban kren, namar ba ki ithuh ïa u.

MARKOS 5:8

(Naba U la lah ong ha u, “Me mynsiem bymkhuid, to mih noh na une u briew.”)

LOUKAS 4:41

Ki ksuid ruh de ki la mih noh na kiba bun, ki da pyrta jam, ki da ong ruh, “Me long U Khrist U Khun U Blei.” Hynrei, haba u la sneng ïa ki, um shah ïa ki ban kren, naba ki la tip ba u long U Khrist.

LOUKAS 8:29

(Naba U la hukum ïa uta u mynsiem bymkhuid ban mih noh na uta u briew. Naba la bunsien u la ju kem ïa u; bad la ap phira ïa u, bad la ju khum ïa u da ki kynjri bad da ki narkjat; bad haba u da pyndkut noh ïa kita ki jingkhum, la beh ïa u da uta u ksuid sha ki ri khlaw.)

LOUKAS 9:42

Te katba u dang wan, uta u ksuid u la pynkyllon sbak ïa u, bad u la ring kyrthat eh ïa u. U Jisu te U la sneng ïa uta u mynsiem bymkhuid, bad U la pynkhiah ïa uta u khynnah, bad U la ai noh ïa u ha u kpa jong u.

KI KAM 16:18

Ïa kane te ka la leh bun sngi. Hynrei, u Paul, haba u la sngewsatia eh, u la phai dien, bad u la ong ha uta u ksuid, “Nga hukum ïa me ha ka kyrteng U Jisu Khrist ban mih noh na ka.” Bad ha kata kajuh ka por u la mih noh.