MATHAÏOS 16:27 - KA BAIBL

²⁷ Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

Khasi CL Bible (BSI)

²⁷ Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 16:27 ပူးပေါင်းရင်းမြစ်များ

Ka Kitab U Job 34:11

Naba un ai ha u briew ïa la ka kam, bad un pynlong ba u briew baroh un shem katba kum ki lynti jong u.

SALM 62:12

ka jong me ruh, A Trai, ka jingisynei ka long: naba men ai ha u briew baroh katba kum ki jingleh jong u.

PROBERB 24:12

Lada me ong, “Ha khmih, ngim shym tip ïa kane:” hato uta uba thew ïa ki dohnud um pyrkhat ïa ka? bad uta uba ri ïa ka mynsiem jong me, um tip ïa ka? Bad un ai ne em ha uwei uwei baroh katba kum ka kam jong u?

EKLESIASTIS 3:17

Nga la ong ha la ka dohnud, “U Blei un bishar ïa u bahok bad ïa u bymman: namar don ka por hangta ïa ka jingthmu baroh bad ïa ka kam baroh.”

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

JEREMAÏAH 32:19

u bakhraw ha ka jingpyrkhat, bad u badonbor ha ka kam; uba ki khmat jong u ki peit ha ki lynti baroh jong ki khun bynriew; ban ai ha uwei uwei baroh katba kum ki lynti jong u, bad katba kum u soh ki jingleh jong u:

ESEKIEL 18:20

Ka mynsiem kaba leh pop, kata ka ban ïap; u khun un ym kit ïa ka jingbymhok u kpa, lymne u kpa un ym kit ïa ka jingbymhok jong u khun; ka hok jong u bahok kan long halor jong u hi, bad ka jingbymhok jong u bymman kan long halor jong u hi.”

ESEKIEL 7:27

U syiem un ïambriew, bad ïa u rangbah yn pynkup da ka jingsngewkynjah, bad ïa ki kti ki briew ka ri yn pynjynjar: ngan leh ha ki kat kum ka lynti jong ki, bad kat kum ki jingbishar jong ki ngan bishar ïa ki; te ki kin sa tip ba nga long U Trai.”

DANIEL 7:10

Ka wah ding ka la mih bad ka la tuid noh na khmat jong u: hajar ki hajar ki la shakri ïa u, bad shiphew hajar sien shiphew hajar ki la ïeng ha khmat jong u: ka jingbishar la long, bad ki kitab la plied.

SEKHARAÏAH 14:5

Te phin ïoh phet noh na kata ka them ki lum jong nga; naba kata ka them jong ki lum kan kot haduh Asel: shisha, phin phet ïap noh, kumba phi la phet ïap noh na kata ka jingkhynñiuh jumai ha ki sngi u Ussiah u syiem ka Judah: bad U Trai U Blei jong nga un wan, bad kita ki bakhuid baroh lem bad me.

MATHAÏOS 13:41

U Khun u briew un phah noh ïa ki angel jong u, bad kin ïalum na ka hima jong u ïa kiei kiei baroh kiba pynthut, bad ïa kita kiba leh bymman,

MATHAÏOS 13:49

Kumta kan long ha kaba wai noh ka pyrthei. Ki angel kin ïamih noh bad kin pynïakhlad noh ïa ki bymman napdeng ki bahok,

MATHAÏOS 24:30

Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MATHAÏOS 26:64

U Jisu u la ong ha u, “Me la ong. Hynrei, nga ong ruh ha phi, ba phin ïohi lawei ïa U Khun u briew haba u shong sha kamon ka Bor baroh, bad haba u wan ha ki lyoh ka bneng.”

MATHAÏOS 8:20

U Jisu te u la ong ha u, “Ki myrsiang ki don ki thliew, bad ki sim bneng ki jaka rieh: hynrei, U Khun u briew um don jaka ban buh ïa la ka khlieh.”

MARKOS 14:62

U Jisu te u la ong, “Nga long. Bad phin ïohi ïa U Khun u briew ba u da shong sha ka kti kamon jong ka Bor, bad ba u da wan ha ki lyoh bneng.”

MARKOS 8:38

naba uno uno ruh u ban sngewlehrain ïa nga bad ïa ki ktien jong nga, ha kane ka pateng bynriew baklim bad bapop, U Khun u briew ruh un lehrain ïa uta, haba u wan ha ka burom U Kpa jong u, lem bad ki angel bakhuid.”

LOUKAS 21:27

Ynda kumta, te kin ïohi ïa U Khun u briew ba u da wan ha u lyoh, da ka bor bad ka burom bakhraw.

LOUKAS 22:69

hynrei, naduh mynta U Khun u briew un long uba shong sha kamon ka bor U Blei.”

LOUKAS 9:26

naba uno uno ruh u ban sngewlehrain ïa nga bad ïa ki ktien jong nga, ïa uta keiñ U Khun u briew un lehrain, ynda un wan ha ka burom jong u, bad ka jong U Kpa, bad ka jong ki angel bakhuid:

ÏOANNIS 21:22

U Jisu u ïathuh ha u, “Lada nga mon ba un sah tad ynda nga wan, ka pher aïu ïa me? to bud ma me ïa nga.”

ÏOANNIS 21:23

Namar kata, la phriang kane ka jingong hapdeng ki parabangeit, ba uta u synran un ym ïap: hynrei, U Jisu um shym la ong ha u ba un ym ïap, hynrei, “Lada nga mon ba un sah tad ynda nga wan, ka pher aïu ïa me?”

KI KAM 1:11

kiba la ong ruh, “Ko rangbah Galilaïa, balei phi ïeng khmied sha bneng? Une U Jisu ïa uba la shim noh sha jrong na phi sha bneng, un wan ha kajuh ka rukom kumba phi la ïohi ïa u ba u leit sha bneng.”

Ka Shithi U Paul Sha Ki Nong Rom 14:12

Naba kumta te uwei pa uwei na ngi un ai jingkheiñ shaphang ïa lade hi ha U Blei.

Ka Shithi U Paul Sha Ki Nong Rom 2:6

U ban ai nong ha uwei pa uwei u briew katba kum ki jingleh jong u;

1 KORINTH 15:23

Hynrei, uwei pa uwei ha ka jingryntih la ka jong ka jong; u soh nyngkong long U Khrist; hadien kata, kita ki jong U Khrist, ha kata ka jingwanpaw jong u.

1 KORINTH 3:13

yn pynpaw ïa ka jingtrei jong uwei pa uwei: namar kata ka sngi kan pyni shynna ïa ka, naba yn pynpaw noh ïa ka da ka ding; te kata ka ding kan tynjuh ïa ka jingtrei jong uwei pa uwei kaba kumno ka long.

1 KORINTH 8:8

Hynrei, ka jingbam kam pynïaroh ïa ngi ha khmat U Blei; namar, lada ngim bam, ngim shym duh ei ei; lane lada ngi bam ruh, ngim shym myntoi ei ei.

2 KORINTH 5:10

namar ka dei ban pynïeng ïa ngi baroh ha khmat ka jingshong bishar U Khrist, ba uwei pa uwei un ïoh pdiang ha lade ïa kita kiei kiei ruh ba la leh ha ka met jong u, katba kum kita ba u la leh, la bha la sniew.

EPHESOS 6:8

ba phi tip ba ïa kaei kaei ka babha ba uei uei ruh u leh, ïa kata hi keiñ, un ïoh pdiang pat ha lade na uta U Trai, la u long u mraw lane uba laitluid.

KOLOSSAI 3:25

Namar uta uba leh bymdei, un pdiang pat na ka bynta kata ka bymdei kaba u la leh; bad ym don ka jingñiew shiliang khmat.

1 THESSALONI 1:10

bad ban khmih lynti ïa U Khun jong u na bneng, ïa uba u la pynmih pat na ki baïap, U Jisu keiñ, uba pyllait ïa ngi na kata ka jingbitar ka ban sa wan.

1 THESSALONI 4:16

Naba U Trai hi un wan hiar na bneng bad ka jingrisa, da ka ktien sawa u angel rangbah, bad da ka turoi U Blei: bad kita kiba ïap ha U Khrist kin ïamihpat shuwa.

JAKOB 5:7

Namar kata, to shah slem, ko parabangeit, haduh kata ka jingwan U Trai. Ha khmih, uba rep u ap khmih ïa u soh bakor jong ka khyndew, u da ïai-ap slem ïa u, tad ynda u la ïoh pdiang ïa u slap bashuwa bad bakhatduh.

1 PETROS 1:17

Bad haba phi khot “U Kpa” ïa uta uba khlem ñiew shiliang khmat u bishar katba kum ka jingleh jong uwei pa uwei baroh, to pynleit ïa ka por shong basa jong phi ha ka jingsheptieng;

1 ÏOANNIS 2:28

Te mynta, ko ki khun hep, to ïaisah ha u; khnang ba lada yn pynpaw ïa u, ngin ïoh ka jingsngewshlur, bad ba ngin ym lehrain ha khmat jong u ha kata ka jingwan jong u.

JUDAH 1:14

Bad dei ïa kine, ba u Enokh ruh, u bahynñiew na u Adam, u la ïathuhlypa, u da ong, “Ha khmih U Trai u la wan bad ki shiphew hajar ki bakhuid jong u,

JINGPYNPAW 1:7

Ha khmih, u wan bad ki lyoh, bad ka khmat baroh kan ïohi ïa u, bad kita ruh kiba la sum ïa u; bad ki jaid bynriew baroh jong ka pyrthei kin ïalynñiar lympat namar jong u. Kumta shisha: Amen.

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

JINGPYNPAW 20:12

Bad nga la ïohi ïa ki baïap, ki barit bad ki bakhraw, ba ki da ïeng ha khmat kata ka khet; bad la plied ïa ki kitab: bad la plied ïa kawei pat ka kitab, kaba long ka kitab ka jingim: te la bishar ïa kita ki baïap na kita kiei kiei ruh ïa kiba la thoh ha kita ki kitab, katba kum ki jingleh jong ki.