MATHAÏOS 16:17 - KA BAIBL

¹⁷ U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

Khasi CL Bible (BSI)

¹⁷ “Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.

MATHAÏOS 16:17 ပူးပေါင်းရင်းမြစ်များ

ISAÏAH 54:13

Bad ki khun jong pha baroh kin ïoh hikai na U Trai; bad kan long ka bakhraw ka jingsuk ki khun jong pha.

LOUKAS 22:32

hynrei, nga la duwai ma nga na ka bynta jong me, ba ka jingngeit jong me kan ym duh noh; ma me te ynda me la kylla bha pat to men pynskhem ïa ki para jong me.”

ÏOANNIS 1:42

U la wallam ruh ïa u ha U Jisu; U Jisu te haba U la khmih shaiñ ïa u, U la ong, “Me long u Simon u khun u Jona? yn khot ïa me ‘u Kephas’ ” (kaba long haba la batai, “u Maw”).

ÏOANNIS 6:45

La thoh ha Ki Nongïathuhlypa: ‘Baroh ruh kin ïalong ïa kiba la ïoh hikai na U Blei.’ U briew baroh uba la ïohsngew na U Kpa, bad uba la ïoh nang, u wan ha nga.

1 KORINTH 15:50

Hynrei, la lei lei ïa kane nga ong, ko parabangeit, ba ka doh bad ka snam kim lah ban ïoh ïa ka hima U Blei, lymne kata kaba pyut kam ïoh ïa kata ka bympyut.

GALATIA 1:16

ban pynpaw ïa U Khun jong u ha nga, ba ngan ïoh ïathuhkhana ïa u hapdeng ki Jentil, shisyndon ngam shym ïasylla shuh bad ka doh bad ka snam:

EPHESOS 2:8

Namar da ka jingaiei la pynim ïa phi, da ka jingngeit keiñ; kata ruh, ym na phi hi; ka long ka jingai U Blei:

EPHESOS 3:5

ïa kaba, ha kiwei ki pateng bynriew, ym shym la pyntip ha u khun bynriew kumba la pynpaw mynta ha ki apostol bad ha ki nongïathuhlypa ki bakhuid jong u ha U Mynsiem;

EPHESOS 6:12

Naba ka jingïaleh jong ngi kam long ïa ka snam bad ka doh, hynrei, ïa ki hima, ïa ki bor, ïa ki nongsynshar pyrthei jong kane ka jingdum, ïa ki jingbymman bakynja mynsiem ha ki jaka bneng.

HEBRU 2:14

Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

1 PETROS 5:1

Ïa ki tymmen basan kiba hapdeng jong phi, namar kata, nga kyntu, uba u para tymmen basan keiñ, bad u sakhi ïa kita ki jingshahshitom U Khrist, bad u nongïoh bynta ruh na kata ka burom ïa ka ban sa pynpaw,

1 ÏOANNIS 4:15

Jar uba da phla ba U Jisu u long U Khun U Blei, U Blei u ïaisah ha u, bad ma u ruh ha U Blei.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.