MATHAÏOS 15:8 - KA BAIBL

⁸ “ ‘Kine ki briew ki wan hajan jong nga da ka shyntur jong ki, bad ki burom ïa nga da ki rmiang shyntur jong ki, hynrei, ka dohnud jong ki ka jngai noh na nga:

Khasi CL Bible (BSI)

⁸ “ ‘Kine briew, ong U Blei, ki pyndonburom ïa nga da ki kyntien jong ki, hynrei ka dohnud jong ki, da shisha ka long jngai eh na nga.

MATHAÏOS 15:8 ပူးပေါင်းရင်းမြစ်များ

PROBERB 23:26

Ko khun, to ai ha nga ïa ka dohnud jong me, bad to ai ba ki khmat jong me kin sngewbha ha ki lynti jong nga.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

JEREMAÏAH 12:2

Me la thung ïa ki, bad ki la suhthied; ki nang san, bad ki sei soh ruh: me long hajan ha ka shyntur jong ki, te me jngai na ki khyllai jong ki.

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

MATHAÏOS 15:7

Phi kiba arsap! Bit kaba u Isaïah u la ïathuhlypa shaphang jong phi, u da ong,

MARKOS 7:6

U la ïathuh te ha ki, “Ka dei kaba u Isaïah u la ïathuhlypa shaphang jong phi kiba arsap, kumba la thoh: “ ‘Kine ki briew ki burom ïa nga da la ki rmiang shyntur, hynrei, ka dohnud jong ki te ka jngai na nga:

ÏOANNIS 1:47

U Jisu u la ïohi ïa u Nathanael ba u wan ha U, te U ong shaphang jong u, “Ha khmih u kynja Israel uba da shisha! ha u bymdon kaba arsap.”

ÏOANNIS 5:23

ba baroh kin burom ïa U Khun, kumjuh kumba ki burom ïa U Kpa. Uta u bymburom ïa U Khun, um burom ïa U Kpa uba la phah ïa u.

KI KAM 8:21

Mem don ka bynta, lymne ka pakai ha kane ka kam; namar ka dohnud jong me kam long kaba beit ha khmat U Blei.

HEBRU 3:12

To sumar, ko parabangeit, ïoh ba kumno re kumno kan don hano hano na phi ka dohnud basniew ka jingbymngeit, ha ka ban phai dien noh na U Blei ba-im.

1 PETROS 3:10

Namar, “Jar uba mon ban ieit ïa ka jingim, bad ban ïohi ïa ki sngi babha, to un khang noh ïa u thylliej jong u na ka basniew, bad ïa ki rmiang shyntur jong u na ka ban kren ïa kaba shukor: