MATHAÏOS 15:36 - KA BAIBL

³⁶ Haba u la shim te ïa kita ki hynñiew tylli ki kpu bad ïa kita ki dohkha, bad haba u la nguh, u la kdiah, bad u la ai ha ki synran jong u, kita ki synran de ha uta u paidbah.

Khasi CL Bible (BSI)

³⁶ Nangta u la shim ïa ki hynñiew tylli ki kpu bad ki dohkha, u la ainguh ïa U Blei, u la kdiah ïa ki, bad u la ai ïa ki ha ki synran; bad ki synran ki la ai ïa ki ha u paidbah.

MATHAÏOS 15:36 ပူးပေါင်းရင်းမြစ်များ

MATHAÏOS 14:19

Te u la hukum ban pynshong shaniah ïa ki paidbah ha u phlang, bad u la shim ïa kita ki san tylli ki kpu bad ïa kita ki ar tylli ki dohkha, bad haba u la khmied sha bneng, u la nguh, bad u la kdiah, u la ai ïa ki kpu ha ki synran, bad kita ki synran ha ki paidbah.

MATHAÏOS 15:35

Te u la hukum ïa ki paidbah ban shong shaniah ha khyndew.

LOUKAS 22:17

Te u la shim ïa ka khuri, bad haba u la lah nguh de, u la ong, “To shim ïa kane bad to ïasam hi paralok;

LOUKAS 22:19

U la shim ruh ïa u kpu, bad haba u la lah nguh de, u la kdiah ïa u, bad u la ai ha ki, u da ong, “Une u long ka met jong nga ïa kaba la ai noh na ka bynta jong phi; to phin leh ïa kane ïa ka ban kynmaw ïa nga.”

LOUKAS 24:30

Ka la jia te haba U dang shong bam bad ki, haba U la shim ïa u kpu, U la kyrkhu, bad U la kdiah, bad U la sam ha ki.

ÏOANNIS 6:11

Te U Jisu u la shim ïa kita ki kpu, bad ynda u la lah nguh, u la sam ha ki synran, kita ki synran de ha kita kiba shong: kumjuh ruh ïa kita ki dohkha, katba ki ïamon.

ÏOANNIS 6:23

hynrei, la poi kiwei pat ki lieng na Tiberias hajan kata ka jaka ha kaba ki la ïabam ïa uta u kpu, hadien ba U Trai u la lah nguh:

KI KAM 27:35

Te haba u la lah ong ïa kane, bad haba u la lah shim ïa u kpu, u la ainguh ïa U Blei ha khmat jong ki baroh; bad u la kdiah ïa u, bad u la sdang ban bam.

Ka Shithi U Paul Sha Ki Nong Rom 14:6

Uta uba ñiew ïa kata ka sngi, u ñiew keiñ ha U Trai. Kumjuh uta uba bam, u bam keiñ ha U Trai, namar u ainguh ha U Blei; bad uta u bym bam, um bam keiñ ha U Trai, kumjuh ruh u ainguh ha U Blei.

1 KORINTH 10:31

Namar kata, lada phi bam ne lada phi dih, ne lada phi leh ei ei ruh, to leh phi ïa kiei kiei baroh ïa ka ban pyndonburom ïa U Blei.

1 KORINTH 14:16

Lym kumta, haba men nguh da ka mynsiem, hato kumno uta uba ïeng ha ka jaka u bymnang un ong “Amen” ha kata ka jingainguh jong me, haba um tip ïa kaei ba me ong?

1 SAMUEL 9:13

haba phi dang shu poi shapoh ka shnong, phin shem ïa u kumne kumne, haba um pat leit kiew sha kata ka jaka jrong ban bam: naba ki briew kin ym bam tad ynda u la poi ma u, namar un kyrkhu ma u ïa ka jingkñia; hadien kata, kin bam kita ïa kiba la khot. Namar kata, to leit kiew; namar dei hamar kane ka por ba phin shem ïa u.”