MATHAÏOS 15:31 - KA BAIBL

³¹ Katba kita ki paidbah ki la sngewphylla, haba ki la ïohi ïa ki bymnangkren ba ki da kren, ïa ki bakynriang ba ki la khiah, ïa ki ba-dkoh ba ki da ïaid, ïa ki bamatlah ruh ba ki da ïohi, ki la ïaroh ruh ïa U Blei ki Israel.

Khasi CL Bible (BSI)

³¹ Ki paidbah ki la lyngngoh haba ki la ïohi ba ki bymnang kren ki kren, kiba khrew ki koit, kiba dkoh ki ïaid, bad kiba matlah ki ïohi, bad ki la ïaroh ïa U Blei ka Israel.

MATHAÏOS 15:31 ပူးပေါင်းရင်းမြစ်များ

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

JENESIS 33:20

Bad u la pynïeng ïa ka duwan hangta, bad u la khot kyrteng ïa ka, “ka El-Elohe-Israel.”

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 50:23

uta uba ai ka jingkñia ka jingainguh u pyndonburom ïa nga; bad ha uba pynbeit ïa la ka jingïaid ngan pyni ïa ka jingpynim U Blei.

EKSODOS 24:10

bad ki la ïohi ïa U Blei ki Israel; te la don hapoh ki sla'jat jong u kumba la siang da u maw Sapphir, bad kum ka met jong ki bneng ha ka jingphyrnai.

MATHAÏOS 15:30

Ki paidbah babun te ki la wan ha u, ki da don lem bad ki, ki ba-dkoh, ki bamatlah, ki bymnangkren, ki bakynriang, bad shibun kiwei kiwei ruh; bad ki la buh ïa ki hajan ki kjat U Jisu, te u la pynkhiah ïa ki.

MATHAÏOS 18:8

Te lada ka kti jong me lane ka kjat jong me ka pynthut ïa me, to ot noh ïa ka, to bred noh ruh na me; ka kham bha ïa me ban leit bsut dkoh ne kynriang sha ka jingim, ban ïa kaba ïoh ar tylli ki kti ne ar tylli ki kjat, bad ban bred ïa me ha ka ding bymjukut.

MATHAÏOS 21:14

Ki bamatlah bad ki ba-dkoh ruh ki la wan ha u ha ka templ, bad u la pynkhiah ïa ki.

MATHAÏOS 8:10

Te haba U Jisu u la ïohsngew, u la kyndit, bad u la ong ha kita kiba bud, “Shisha nga ong ha phi, wat ha Israel, ngam shym la shem kat kane ka jingngeit.

MATHAÏOS 9:32

Haba ki dang ïamih noh ruh nangta, ha khmih, ki la ïawallam ha u ïa u briew u bymnangkren uba shong ksuid.

MATHAÏOS 9:33

Te haba U la beh noh ïa uta u ksuid, uta u bymnangkren u la kren; ki paidbah te ki la ïakyndit, ki da ong, “Mynno mynno ruh ym ju paw kumne ha Israel!”

MATHAÏOS 9:8

Ki paidbah te haba ki la ïohi ïa kata, ki la ïakyndit, bad ki la ïaroh ïa U Blei, uba la ai bor kum kata ha ki briew.

MARKOS 2:12

Te kumne kumne ruh, u la ïeng, bad u la rah noh ïa kata ka jingthiah, u la mih noh de ha khmat jong ki baroh; katba ki la kyndit noh baroh, bad ki la ïaroh ïa U Blei, ki da ong, “Mynno mynno ruh ngim ju ïohi kat kane!”

MARKOS 7:37

Te ki la sngewkyndit bym lah ong shuh, ki da ong, “Ka bha baroh kat kaba U la leh; naba U pynlong ïa ki bakyllut ban sngew, bad ïa ki bymnangkren ban kren.”

MARKOS 9:43

Lada ka kti jong me te ka pynthut ïa me, to ot noh ïa ka: ka bha ïa me ban leit bsut dkoh sha ka jingim, ban ïa kaba me don ar tylli ki kti ban leit sha dujok, sha ka ding bymjulip,

LOUKAS 14:13

Hynrei, haba me khreh ïa ka jingkhawai, khot ïa ki baduk, ïa ki bakynriang, ïa ki ba-dkoh, ïa ki bamatlah:

LOUKAS 14:21

Te uta u shakri u la wan bad u la ïathuh ha u kynrad jong u ïa kine kiei kiei ruh. Ynda kumta, uta u trai ïing ba u da sngewbitar, u la ong ha la u shakri, ‘Khie leit kumne kumne ruh sha ki lynti bah bad ki lynti rit ka shnong, bad wallam shapoh shane ïa ki baduk, ki bakynriang, ki bamatlah, bad ïa ki ba-dkoh.’

LOUKAS 18:43

Te kumne kumne ruh u la ïoh imat, bad u la bud ïa U da kaba ïaroh pyndonburom ïa U Blei. Uta u paidlang baroh ruh haba u la ïohi, u la ai ka jingïaroh ha U Blei.

LOUKAS 7:16

Ka jingsheptieng te ka la ngat ha ki baroh; bad ki la ïaroh ïa U Blei, ki da ong, “U nongïathuhlypa u bakhraw u la mih hapdeng jong ngi, bad U Blei u la wan-i ïa la ki briew.”

ÏOANNIS 9:24

Kumta, ki la ïakhot sa shi sien ïa uta u briew uba la ju long matlah, bad ki la ïa-ong ha u, “To ai burom ha U Blei; ngi, ngi tip ba uta u briew u long u bapop.”